عاجل مبروك مبروك مبروك نجحتوا يا أبطال حملة المراعي

زين
بس لاحد يفرح
لسع ما فزنا :emot177::emot177:
قاطعوه كمان اسبوعين او اكثر >>>و اذا قفلت الشركة حنا وش دخلنا نخليها عبرة لشركات السيارات

كان اللبن ابو ريال كان حجمه 200 مل ثم خلوه 180 مل فزادت المقاطعة عليهم فرجعوه 200 مل ورجع سعرهم ونضبطو بس مافيه الين يصير سعر اللترين باربعة ريالات يعني يكتبون على العبوة السعر اربعة ريالات فقط لاغير وعلى فكرة ترى لحقهم الصافي بس يومين ورجع والمراعي جلس له اسبوع وسلم لي على ( نادك : ولبن الري ابو كيس : ولبن الخرج وفيه انواع احسن من المراعي وسلامتكم

لا والله لاني خسران و لا شي اشري الي ابي و اترك لي ما ابي الحمد لله

هنا السؤال قاطع الدوله الي ما تساعد الفقراء مو التاجر التاجر حر في ما يملك و حسابه عند ربه معني اكره مبدء المقاطعه جدا جدا جدا جدا جدا

حبيبي سوبر هاذا رايي انا وش حارق دمك تبي تقاطع قاطع
و عمر بن الخطاب ابا حفص قال اتركوه لهم ما قال قاطع تعرف معنا قاطع يعني
يعني تحث اناس على المقاطعه و انا قلت اذا ما تبي لا تشري محد غصبك لازم تشري
و رجع اقول السوق مليان بشركات شف لي ناسبك وشري

وضح النقاءء

شاكرا لك مشاركتك
وهذا ما كنا نعرفه إنه منتج وطني ولا الشركة السعودة فيها 25% فقط وا أغلبهم وظائفهم دنيه للأسف يا المراعي استغفال الشعب لأبعد حد

______________

super_safari

شااكر تفاعلك
وبالنسبة لثقافة ( ارخصوه ) أنا أول واحد أطبقها على نفسي لكن أغلب الشعب والكثيير ما خذين فكرة ما في إلا أنا لحالي بقاطع ..
أنا معك في مشرووع أن الحملات المفرووض تقوم على أي شجع تاجر وتلاعب على المواطنين في ظل انتشار الثقافة صدقني راح نتحكم في الأسعار نحن المواطنين ...

___________

ابو وائل العنزي

يا الغالي مبدأ عدم مقاطعة منتج سعودي أو أجنبي هذي وجهة نظر منك وأنت الخسران أولا وأخيرا وبذات في كوون وزارة التجارة وحماية المستهلك في سبااااااااات عمييييق وأشكر super_safari على رده وأنا أوافقه في كل حرف الشركات إذا ما حطت في الإعتبار إنك زبون لها ولك احترامك فتبا لها ...
ومنتجات الألبان بالذات أسعاره لازم ماترتفع لا تنسى أن في ناس فقراء غداهم وعشاهم عيش وزبادي ولبن ..

الأخ أبو وائل , من قال أن المقاطعة فقط للكفار؟!!!!
عمر بن الخطاب حث على المقاطعة على مسلمين! هل تعلم ذلك؟

جاء الناس إلى عمر بن الخطاب -رضي الله عنه- و قالوا : "غلاء اللحم. فسعّره لنا".
فقال: "أرخصوه أنتم".
فقالوا: "نحن نشتكي غلاء السعر , و اللحم عند الجزارين , و نحن أصحاب الحاجة , فتقول : أرخصوه أنتم! و هل نملكه حتى نرخصه؟ و كيف نرخصه و هو ليس فيأيدينا".
قال: "اتركوه لهم".

أرجو أن تكون وصلت الفكرة , سواءً منتج سعودي أو مريخي. الحكم واحد شرعًا.

لــيش المقاطعه ابي اعرف هل كفرو مثلا
اذا قصدك على الاسعار فهم المنتج و هم من يحط اسعر الي يبي بكيفه
انت تبي اشتر ما تبي لا تشتري اسوق مليان با المنتجات غيره ام المقاطعه
فهم لايسو كفره او عاصين عشان نقاطع في اشياء اهم يجب لتفات له اهم من ذي اخرابيط
على العموم هاذا رايي في مقاطعة اي منتج سعودي
و رايي لان احيد عنه
ارجو تقبل ردي اخوك صالح الصقعبي

خبر طيب , لكن..

بس اللبن يعني صار غالي؟!!!!!!!!!
وين حملات المقاطعة للأشياء الثانية؟! الرز في المطاعم و الوجبات و بالأخص الطازج الي صار بـ 17 ريال!! و هو عبارة عن صوص مو دجاجة.
لا أحد يقول زادت عليم الأسعار! كثير أشياء رخصت و لا نزلو الأسعار! أحد أصحاب مطاعم الرز الشعبية سأله صديقي: لماذا زدت الأسعار و قللت الكمية؟ قال: و الله شفت الناس زادو قلت خلني أزود بس!!
يعني المسألة طمع على حسابنا نحن المغفلين!

قبل رمضان رحت لداجن لقيت السعر زاد. جيت بأكتب ورقة و أحطها في صندوق الشكاوي. قال لي العامل بكل صراحة: إذا علشان الأسعار ما يعطونك وجه .. بس المهم عندهم الشكوى على التعامل مع الزبون و مهارات الاتصال معهم!!!!!! هذا الي فالحين فيه.

نحن بانتظار بقية حملات المقاطعة ؛ لأني أحس الموضوع ملعوب لإسكات الناس عن شيء كمالي بسيط (و هو اللبن) في ظل الثورات القائمة.

نريد ثقافة "أرخصوه" كما قال الخليفة الراشد عمر بن الخطاب -رضي الله عنه- عندما شكى الناس له غلاء اللحم. فأعطاهم الحل بالمقاطعة. يعني أن المسألة مشروعة و بأمر من خليفة المسلمين ؛ لأن التجار الجشعين لن يتأدبوا بغير هذا السلوك.