السلام عليكم ورحمة الله وبركاته..
اخواني انا حطيت براسي سوناتا 2012 فل كامل.. وابي اطلعها اقساط او نظام تأجير منتهي بتمليك..
طبعا انا موظف قطاع خاص وراتبي فوق الـ 7.. والراتب استلمه عن طريق الشركة.. ماينزل ع البنك..
صراحة اللي ناسبني في شروط الشركات.. شركة تأجير لانهم ما يطلبون كشف حساب..او يشرطون ان الراتب ينزل ع البنك
ولقيت برنامج تقسيط السيارات للراجحي نفس الشي.. مطلوب تعريف بالراتب مصدق من الغرفة التجارية.. وعرض سعر ومدري وشو.. يعني اشياء مقدور عليها باذن الواحد الاحد
الان اللي ابيه منكم شيئين.. الاول اذا عند احد منكم فكرة كم قسط السوناتا الفل.. يعني ابيه بشكل تقريبي .. طبعا بدون دفعة اولى..
وكيف سمعة شركة تأجير؟
وثانيا.. طبعا كلنا عارفين اني اطلعه من الراجحي افضل.. لكن هل يعقل انه بهالسهولة؟؟
يعني لو بطلعه من الراجحي بس اعطيهم الرخصة وتعريف الراتب واوراقهم الي يبونها وبس؟
وياليت اذا احد طلع سوناتا فل او نص فل اقساط يعطينا فكرة كم مبلغ القسط الواحد
وشي اخير.. هل فيه امكانية اطلعه غير الطريقتين السابقه؟؟ طبعا تكون طريقة متوافقه مع اللي ذكرته في بداية الموضوع
ودعواتكم ومشكورين مقدما
