استفسار عن سعر بي ام دبليوا 2003

[كرس]

السلام عليكم ورحمة الله وبركاته

يأخوان في واحد من اخوياي يبغى ياخذ بي ام دبليوا 2003 الى 2005
وحاب يعرف الاسعار عشان لو طاح بيد الشريطيه وهو مو عارف الاسعار زين
يرفعون السعر عليه شى اكيد
فأنا حاب اعرف كم السعر التقريبي للفول كامل والله يعطيكم الف عافيه

انتظر ردودكم الله يحفظكم

[VIP 111]

عليكم السلام ورحمة الله وبركاته

حياك الله اخوي .. اذا كنت تقصد الفئة السابعة

فاسعارها تقريبا من 40 الف ريال الى 80 الف حسب النظافة والحجم ( موديل 2003 الى 2005 )

ومضة ( ينقل الى القسم المناسب وهو الاوروبي ـ ارشيف الاستفسارات مخصص للمواضيع التي تمت الاجابة عليها )

[M I X I S]

كلام مشرفنا صحيح ..

بالنسبه للفئات
افضل شي 745Li
مكينته ممتازه و فيه جميع المواصفات اللي في بالك ..

[كرس]

الله يعطيكم الف عافيه على هالرد السريع

وان شاء الله نلاقي نضيفه وسعرها مايزيد عن 50 الف

الله يعطيكم الف عافيه

[كرس]

الله يعطيكم الف عافيه على هالرد السريع

وان شاء الله نلاقي نضيفه وسعرها مايزيد عن 50 الف

الله يعطيكم الف عافيه

[VIP 111]

ماسوينا الا الواجب يالغالي .. بس ياليت تحط بالاعتبار اسعار القطع

وهذي تشكيلة لاسعار بعض القطع جمعتها من عدة مصادر قبل 6 شهور قريبا :

الاسعار تزيد او تنقص لكن هذا المتوسط :

1- الاسعار مختلفة حسب المنطقة ( الرياض / الدمام / جدة / الخ )
2- الاسعار للموديلات من 2003 الى 2008
3- يمكن يتغير سعر قطعة بأي وقت
4- بعض القطع لازم طلبية من ألمانيا ، وتقعد حوالي 20 الى 40 يوم

نبدا بالاسعار على بركة الله :
الكفرات مقاس 19 نوع دنلوب امامي 600 ريـال للواحد
كفرات خلفي نوع دنلوب مقاس 19 700 ريـال للواحد
كفرات ميشلان مقاس 19 امامي 1000 ريـال
كفرات ميشلان مقاس 19 خلفي 1100 ريـال
مرايات يمين او يسار مستعملة بـ2500 ريـال
مروحة تبريد جديدة عند الوكيل بـ1200 ريـال
مساعد كبوت بـ120 ريـال اصلي والماني بـ60 ريـال
طنجرة قير جديدة بكرتونها 6000 ريـال
قير من التشليح بـ9000 ريـال
طبلون كامل عدادات بـ1000 ريـال
مكينة زجاج يمين يسار أمامي تشليح بـ 700 ريـال
قزاز جانبي (دبل) 1200 القزازة الوحدة
شنطة سيدي كاملة بـ 3000 ريـال جديد و 1500 تشليح
4 اقمشة بـ 1000 ريـال
البواجي ب 450 ريـال
طرمبة البنزين ب 1200 ريـال
فلتر هواء ب 100 ريـال
فلتر بنزين 350 ريـال
زيت الماكينة من 200 ريال الى 500 ريال حسب النوع والمدة
فلتر الجربوكس 1200 ريـال
كمبرسر مكيف من 1500 الى 2500 ريـال مستعمل
ثلاجة مكيف 3000 ريـال مستعمل
تانكي بنزين 1500 ريـال مستعمل


اما القطع الي الحين اسعارها جديدة في الناغي وعليها خصم 15% :
مبرد القير 1700 ريـال
ترموستات القير 400 ريـال
مروحة الماكينة 1700 ريـال
فحمات امامية 450 ريـال ( سعرها غير ثابت يتغير اسبوعياً )
فحمات خلفية 380 ريـال ( برضو سعرها غير ثابت )
مساعدات خلفية 4600 ريـال للواحد
مساعدات امامية 2500 ريـال للواحد
كرسي الماكينة 250
راديتر ماء 1800
مروحة الكمبيوترات 550
طرمبة الماء 1050
عكس خلفي 2100
ماكينة زجاج 1400
كويل 135 للحبة
وايرات هاند بريك 125 للواحد
سير ماكينة 136

[ماهرالحربي]

وعليكم السلام ورحمة الله وبركاته ....

طراز 745li هو الأفضل بشكل عام وسعر النظيف

يتراوح مابين 70.000 و 85.000 ألف ريال ....

لكن ياليت لو ياخذ 2004 أو 2005 لأن موديل
2002 و 2003 فيها بعض العيوب ....

بالتوفيق .....

[e7sas1991]

اخوي ماتوقع خمسين راح تجيبلك شي نظيف

نصيحه خذلك نظيف حتى لو فوق ال80 عشان ماتتعب معه مع القطع وحط في بالك

انك بتسويله فحص من الى وراح تغيير قطع يمكن تكلفك لل 10 الاف كبدايه