«المثبت » يغدر بسائق «الجيب» وينطلق بسرعة «205كم»حتى نفد الوقود على طريق الحجاز

يعني ما تعرف تفضي القير
او تمسك بريك خفيف وكل ما خفت السرعة زدت دعسة البريك
او تشيل المفتاح

الصراحة احس كاتب المقال مزود عليه ملح وبهار وفلفل ......

او اني انا عبقري واذكى من السواق و رجال امن الطرق

الحمد لله الي قدر ولطف
الحقيقة بعد هالحادثة الواحد صار يتردد باستخدام المثبت
بس السؤال ليه مخفين علامة الشركة ؟ خلو ظاهرة عشان تبان للجميع ان العيب في هالشركة

قديمك ندميك ولو جديدك أغناك

استغرب من اللي يدافع عن وكيل تويوتا

يعني لا سعر ولا جوده ولا امان شوف ما اكثرها بالتشاليح واللي يقول قطع غيار رخيصه يروح يسال عليها ويقارنها بالسيارات المنا فسه لها

لاحول ولا قوة الا بالله

سجل عندك

http://www.assayyarat.com/forums/thread243526.html

الحمدلله على سلامته وسلامة أهله
هي أهم شي , وبعدين ضروري يفتح قضية
يحاسب فيها الوكيل والشركة الأم , لأنه هذا
ليس خطأ مصنعي , بل جريمة مصنعية قاتلة
وعلى فكرة اللي تسبب بمشكلة تويوتا بامريكا
كانت اللكزس اللي لم يستجيب فراملها ,
ويمكن والعلم عند الله إنها لم تستجب لأي شيء أبدا
متل ما صار مع أخونا القحطاني بس ربنا سبحانه وتعالى
قدر ولطف فيه وباهله ,
ألف حمدلله عسلامته

اكبر غلط انك تحاول تطفيها لنك راح تقفل على الدركسون في سرعات عالية وراح تفقد السيطرة على السيارة وبالتالي لا سمح الله لانقلاب

وشكرا

طيب ماجرب يطفيها

الحمد لله على سلامتهم



صدقت،،،، تويوتا من 97 وفوق وهي في انحدار وأسأل مجرب



هههههههههههه عز الله إنك صادق بيطلعونه غلطان



عز الله إنك صادق ويا كثرهم واللي يقول لك الدعاسة معلقة بسبب السجادة،،، واللي يقول لك الجريدة ما في بينها وبين الوكيل إعلانات... الخ تعصب أعمى فقط

البارح معزومين عند رجال و3 من الموجودين ناويين يبيع جيوب تويوتا حقتهم بعد ما سمعوا هالخبر،،،

السلام عليكم يالربع
بداية الحمد لله على سلامة السائق وافراد عائلته ... فعلا موقف مريع لا يحسدون عليه ... وطبعا تظافرت عدت ظروف مجتمعه لتنتهى الحادثه بهذه النتيجة السعيدة .. وهى 1- انه الخط كان مفتوح 2- قلة مخزون الوقود وطبعااا هذا بفضل الله ورحمته
تخيلت نفسي فى كانه ماذا كنت سافعل وماهى الخيارات المتاحه امامى ... انا الان لا اتكلم عن نوع السيارة فهذا خلل تقنى والخلل قد يرد على جميع السيارات بلا استثناء ... المطلوب يا اخوان ان نتعلم من هذه الواقعه ونستفيد منها الدروس والعبر .. شخصيا لن استخدم مثبت السرعه اطلاقا .. لا اعتقد ان هناك خيارات اخرى فتبديل الغير الى الى وضع الان او اطفاء السيارة او سحب الفرامل اليدوية لا اعتقد ان ذلك ممكن فى السيارات الحديثه ........... دمتم بود

ما دخل مخي ان مثبت السرعة خرب

الظاهر ان دعست البانزين علقت
ومضة: صارت لخالي على es350 2007 حط القير على n وطفى الموتر وصارت الدواسة ناشبة في الدعاسات
والله يحفظ عيال المسلمين

هلابكم اخواني




بغض النظر اذا تايوتا تحتاج اعادة هيلكة ولا لا مو احنا الي نقرر .... الشركة نفسها الي تقرر لنها هي الي تدور ولا مصلحتها وارباحها مو احنا ...
وانا وانت واعضاء المنتدى الفاهمين تهمنا مصلحتنا واذا كانت مصلحتي مع فورد راح اكون مع فورد واذا مصلحتي مع تايوتا راح اكون مع تايوتا وفي الاخير مالنا ولا شي من ارباح الشركة
والمقطع كان للفائدة بغض النظر عن السيارة او شركتها لنها قد تحصل لاي سيارة ثانية وشوف المقطع هذا حصل في استراليا والسيارة كانت اكسبلورر فورد مع ان الي كان يسوق السيارة شباب عمرة 22 سنة ولكن ماقدر يوقفها لمسافة 33 كيلو والريس كان معلق علية

http://www.youtube.com/watch?v=g7-UpOKFdmo&feature=related

مع ان سيارتي من شركة فورد العريقة ولكن هاذي المشكلة مخيفة ولازم نحصل لها حل وزي ماقلت السيارات صناعة البشر وعرضة للخطاء

وسوا كان الشايب ابو 65 سنة مسرع ولا مخفف البنشر له ظرفة و وضعة وفي ناس سوو حادث من بنشر وهو يمشي 100 كيلو وشباب بعد مو شياب واذا سالتة طيب ليش سويت الحادث ما تعرف تتصرف
الرد انه مع الارتباك مسك بريك بقوة وفقد السيطرة ودعم في الي قدامة او الي جنبة ...

واذا عن كيف نعلم الشايب هاذي مساوليتنا لازم نعلم كل الي حولنا عشان مانفقد عزيز لا سمح الله

واذا عني انا سويت safety topic ( موضوع عن السلامة ) في الشركة الي انا موضف فيها عن هالموضوع وحاز على استحسان الجميع بالعربي انبسطو مني لني عطيتهم معلومة اكثرهم كانو يجهلون فيها ....

وشكرا ....




الله مير يسلمك :xyxthumbs: ههههه

صحيح ونفس الي صار بالمقطع البريك ماراح تكون له فايدة في هالحالة وخاصة سيارات تايوتا وهو نفسة قال راح تلاقي صعوبة قي بعض السيارات فا في هالحالة يستحسن انك تجرب مرة ولا مرتين في مكان فاضي وراح تتعود لنها مو مستحيلة
واذا عن القصة القصيرة كل شي جايز ولازم نصدقة اذا ماكان فية شي يثبت العكس

وعليكم السلام ورحمة الله وبركاته

الله يعطيك العافية على التوضيح والفيديو هو المفيد اذا حصل مشكلة من هذا النوع

الله لا يمتحن مسلم لكن القصة القصيرة بالموضوع تقول انه البريك يعلق وانه ما يقدر يفضي القير
بصراحة اذا كل هذا صار مدري ليش السيارة قطعت بنزين المفروض ما تقطع ..!!

^^^^^

عندة مجال يوقف السيارة ويتصرف اذا كانت على سرعة معقولة
وانت خابر شيابنا مايسرعون حدهم 100كم


لكن هالشايب وشلون تعلمة الطريقة اللي انت شرحتها على سرعه 200 كم والدعسة معلقة والسيارة ماتطفي :confused1: ومعة عيالة :a1120(82):

يارجال حتى لو شاب في هالظروف صعب انك تركز :mad1:

الكلام من الاخر هالشركة يبيلها اعادة تهيئة من جديد

^^^^^^

ولنفرض ان نفس الشايب ابو 65 سنة بنشر علية الكفر وش راح يسوى ( نفس الفكرة )

^^^^

واذا اللي يسوق شايب عمرة 65 سنة وش يسوي !!!:a1120(121):

السلام عليكم

الردود كلها بين شخص متعصب و وشخص يذم وشخص ينصح وفي الاخير الي بغى يروح فيها القحطاني واسرتة ( الحمدالله على السلامة )... ولازم نشوف حل للمشكلة ونتعلم وش نسوي بهالمواقف ( الله لا يبلانا ) ... لنها ممكن تواجه اي واحد في اي سيارة والسيارة في الاخير صناعة البشر وعرضة للخطاء

على العموم هذا مقطع لشخص سوى تجربة وحب انه يفيدنا ويعلمنا كيف نتصرف في هالمواقف ....

http://www.youtube.com/watch?v=nTLnYDfLOxA

خلاصة المقطع ...

اولا يقول لا تدعس على المكابح واجد ولفترة طويلة لنك راح تخسر قوة المكابح ويمكن تخسرها نهائيا ....

ثانيا لا تطفي السيارة لنك راح تقفل الدركسون ويصير صعب انك تتحكم فيها وخاصة الي سيارتهم البصمة ( تضغط على الزر لمدة ثلاث ثواني )

وبعد الدقيقة 1:40 راح يعلمك كيف تطفي السيارة

اولا ادعس على المكابح باقوى مالديك

ثانيا حط القير على الفاضي او حرف N

ثالثا طف المحرك وتكون بامان باذن الله

وراح توقف السيارة على طول وترى التجربة على تايوتا فونزا ( كروس اوفر ) وتراها حساسة اكثر من اللاند وقدر انه يوقفها ......

وزي ماقال بالمقطع ان اكثر الناس ينسون يحطونها على الفاضي ويتوهقون الدقيقة 1:50 ويمكن يجربون ولكن مع الارتباك مايقدر يضبطها صح وزي ماقال لازم تجرب في مكان امن اكثر من مرة لين تتعود على الطريقة

وتراني ماني متعصب تايوتا ولكن حبيت اشارك للفائدة فقط

وللمعلومية اليوم جربت الحركة هاذي على سيارتي قعدت داعس على البنزين والسيارة تمشي 120 و دعست على البريك برجولي اليسرى والمفاجئة انها وقفت على طول نفس الحركة الي بالمقطع الدقيقة 2:10 واتوقع انه نظام امان ينحسب لفورد

واذكر مرة شفت برنامج عن سبب وفاة الناس بالحرائق وكانت النسبة الاكبر الارتباك وتلقاه يضيع ابسط الاشياء مثل مكان الباب وحتى وين يحط المفتاح في الباب او وين حطة بالبيت ( سو تجربة لمجموعة من الناس بطيارة تجربية بدون مايدرون وسو حريق وهمي دخان فقط والطيارة على المدرج واكتشفو ان اكثرهم نسى كيف يفتح حزام الامان من الارتباك والفجعة ... طبعا تمت المراقبة عن طريق كيمرة مراقبة وضعت داخل الطيارة لدراسة تصرف الانسان وقت الارتباك وعلى فكرة الي سوى الدراسة برفسور امن وسلامة في جامعة لندن البريطانية ) ولو ركز شوي كان قدر يحل المشكلة واليابان يدربون المواطنين من صغرهم كيف يتصرفون وقت الحرائق والزلازل عشان الواحد يقدر يتصرف ويركز ولا يرتبك

وشكرا .....

المشكلة واضحة ضوح الشمس
وتكررت على اكثر من سيارة من نفس النوع
ولا حسيب ولا رقيب (والوكيل كل سنة يزيد اسعار السيارات واسعار قطع الغيار)
ونحن شعب لانعتبر لما يحصل لغيرنا بكل اسف

واذا كان لايوجد هناك جهة رسمية تعطينا حقوقنا فيجب ان نأخذها بأيدينا

لو قاطعنا هذا الوكيل لعام واحد فقط
اعتقد انه سيغير اسلوبة ومعاملتة ويحترم عقولنا


كل شخص منكم يتخيل انه في نفس الموقف ( لاقدر الله)
ومعاك جوالك ( لكن الطريق اللي انت فية مافية شبكة) وش راح يكون موقفك ؟؟؟
تخيل انك في منطقة مزدحمة ( سوف تؤذي نفسك وتؤذي غيرك) وربما تقتل ابرياء
تخيل قائد هذة المركبة رجل طاعن في السن !!!
تخيل وتخيل وتخيل


والسبب هو ( جودة تويوتا التي نتشدق بها:mad1:)

ويستمر مسلسل ( من جفر إلي دحديره) ..

بعدين انا اشوف ناس تقول الوكيل والوكيل .. مدري الي صنع السيارة

هو الوكيل ؟! .. الموضوع هو أخطاء فادحة من المصنع الذي يلاقي

عدة قضايا مرفوعه من جميع دول العالم ( الا ربعنا مافي أمل لا حبو

الشيئ خلوه مقدس ومافي مثله ) .. اتمنى يكون الخبر كااااااااااااذب

عشان ما يزعلون عشاق ( الشيك الي بالجيب) .. عموماً بشكل عام

الموضوع غامض .. ويحتاج الي أكثر تفصيل ويقين .. مشكور اخوي .

الحمد لله على سلامته
وهذا الخبر جعلني اجزم ان تويوتا في انحدار