وعليكم السلام ،
سبق وعلقت على اكثر من موضوع مشابه لموضوعك .. والله يوفقكم ان شاء الله ..
واسمح لي بنسخ كلامي اللي ذكرته في المواضيع السابقه ،
وهذا كان كلامي .. بحكم السياره عندي
=====================================
موضوع صراحه محير .. ويحق لك تحتار بينهم ،
[CENTER]انا بعطيك تجربتي للماكسيما بكل واقعيه .. لاني امتكلها .. وافالون مااعرف عنها شي وسبق وتكلمت عن الماكسيما بااحد المواضيع المشابهه لموضوعك ،
وهذا كان ردي
______________________________________
وعليكم السلام ، حياك اخوي
شوف بقولك .. بحكم عندنا ماكسيما 2010 ماشاء الله
مااعرف لكن بقارنها بالكابرس ss
اتكلم بصراحه
الفرامل .. فرامل الماكسيما عندي افضل
اممم وش اللي اذكره ..
ايه الثبات على المنعطفات .. اشوف الماكسيما افضل
جودة مواد الصنع للماكسيما اعلى ماشاء الله والكابرس لأباس فيه ..
وتوفير خيالي للبنزين .. يمكن بسبب القير cvt اللي يوفر البنزين وبنفس الوقت فيه خيار رياضي
،،،،
واحب اوضح نقطه هي والكابرس كلهم سيارات رياضيه درجه اولى .. يعني تعليق رياضي صميم وثبات ماشاء الله .. وانا مجربها وعندنا والحمدلله افضل مايكون ، وكلهم يتحملون الكرف ماشاء الله
احب اقول ميزه صراحه ..
الماكسيما تحس بمتعه اذا تسوقها .. هي والكابرس
خاصه مع اربع خيارات للقير ..
وحط على خيار ds او شفترز واسمع صوت التعشيقات .. وعش حياتك ههههههههه
لكن رياضيه بقوه ماشاء الله .. وبتلاحظ الطابع هذا اذا ركبتها مع الفخامه اللي فيها
وبالتوفيق لك .. والله يوفقك ويوفق الجميع ان شاء الله
_________________________________________________
+
ازيد على كلامي
من ناحية الخرابات .. الموتر جودته عاليه ماشاء الله تطمن الخرابات لاتشيل همها .. الا اذا كنت واحد مايحافظ لو نعطيك رولز رايس بتخرب معك والماكيسما مو سياره جديده بالسوق عشان ينقال لها هالكلام لها سنين موجوده بسوقنا والحين احنا في عام 2011 يعني تغيرت من كل النواحي السيارات عن قبل .. وبقارنها بالكابرس اس اس وهي افضل من كل النواحي فيه
وماكسيما 2011 ماشاء الله .. يكفيك ان فيها هارد ديسك 8 قيقا فرقت عن 2010 ( دخل الفلاش فيها وانسخ اللي تبي وحطه بالسياره ) هذي اعتقد مو موجوده بكل سيارات تويوتا .. وشاشه واضحه ماشاء الله بعز النهار وباليل طول على الاناره ماراح تتحمل بعض الاحيان قوة انارة الشاشه ماشاء لله
والموتر شبابي 100% واذا تبيه فخم فيه لمسات فخامه حلوه
وصراحه انا انصحك فيها .. اذا كنت بالعمر هذا مثلي .. لكن خل عنك السرعه لانها تهيض بقوه
والموتر عندي مالاحظت فيها شي وكل 5000 ابدل زيته ومرتاح الحمدلله ،
والاهم شف ذوقك ورايك ولاتهتم لكلام الناس .. الاهم رايك لانك انت اللي راح تمتلك السياره ورح للوكالات واركب فيهم .. لان الماكسيما والافالون يستحقون الاقتناء كلهم .. ماشاء الله وانا معك فيها حيره ..
لكن شف المناسب لك .. وش تحب تكون سيارتك ؟
شبابيه + جنط 19 + شكل داخلي وخارجي ماشاء الله اكثر من رائعه ينقال عنها ( وينفع لها تركب جلاد وحركات شبابيه فيها وتصير رياضيه اكثر ) + نظام هارد ديسك متكامل بالسياره ودي في دي ونافقشين وكام خلفيه و8 حساسات + قير يوفر البنزين وفيه 4 خيارات قياده !! عندك خيار رياضي ds + قير من خلف الدركسون او النظام اللي يوفر البنزين + مكينه vq35 ماخذه جوائز كثيره ومن اهمها من افضل عشر محركات بالعالم ماشاء الله وكثيييييير صراحه هذا اللي ذكرته
وماعليك دامك محتار بين هالسيارتين .. ان شاء الله ماراح تحصل معك مشاكل ، الاهم الكوري ماانصحك فيه منفوخات على الفاضي وامسك عليه خط وتعرف كلامي
عكس الماكسيما ماشاء الله مرتاح فيها على الخط .. واكيد بتكون الافالون مثل الماكسيما ،
الاهم بالنهايه هي تعتمد على ذوقك واللي يناسبك .. اما السيارتين ماعليهم كلام ان شاء الله
الله يوفقك ان شاء الله ،
==============
تقبل مروري
،،
[/CENTER]
