السلام عليكم ورحمة الله وبركاتة
امس العصر لفيت على اغلب وكالات السيارات وجبتلكم بعض الأسعار إلي اذكرها
أول شي نبدا بالفورد 2011 ستاندر بـ85 أو 86 مانيب متأكد بالظبط
وفي فورد2011 مكتوب عليه شاص طويل بصراحة اول مرة أشوفه بس ماشاء الله فيه وسع في المراتب الخلفيه غير طبيعي وتمنيت أن معي الكامرا عشان اوريكم الفرق وأظاهر سعرة بـ90ألف
نجي للتورس شفت اللمتد دفع أمامي أن كاني مانيب غلطان بـ151ألف لاكن ماشاء الله فخامه غير طبيعية وفيها نفيقيشن وإلي شد أنتباهي أن فيها تسخين وتبريد مقاعد للمقاعد (الخلفيه) :xyxthumbs:
ونجي للإيدج اللمتد بـ131 آلف وصراحه اللون البني أبداع غير طبيعي
نجي للموستنج معدله عليها سوبر تشارج من شركة رواش بـ199 آلف بس أستغربت أن كل انواع الموستنج المتوفرة حتى الشلبي مافيها نفيقيشن حرام سيارة بهالمبلغ مافيها نفقيشن
وإلي عجبتني الفيوجن بس والله ناسي سعرها
نروح للكابرس حبيب القلب :tongue:
رحت للعيسى وحصلت عندهم 2010 مخزن أصفآآآآر
كابرس إل آس 8 سلندر بــ92 آلف
كآبرس إل تي زد 6 سلندر بـ99 آلف
كآبرس إل تي زد 8 سلندر بـ108 آلاف
وحصلت كروز بعد أصفار مخزنة بـ45 آلف لاكن المهندس فتح الكبوت والله بدون مبالغه كني توني راجع من الثمامة ومطعس فيها من جوى
يعني عجزانين تبنون حوش كبير ومغلق لتخزين السيارات عن الشمس والمطر والغبار وغيرة !!
الا تعالو يا شباب ليش كل الوكالات طايحينلي في عرض 999 في الشهر !!
نشوف فورد مسويته على الفيوجن
وشفر مسويته على الكروز
ونيسان مسويته على الصني
آتمنى إني أفدتكم ومابي منكم إلا الدعاء
