قناة السيارات
السلام عليكم ورحمة الله وبركاته
كيف حالكم اخوني ....السؤال: إذا الدفرنس طلع صوت ونه او حنه عند سرعة معينه اكيد فيه مشكله لكن السؤال: هل إذا بداء يطلع صوت خلاص ما فيه امل يتصلح لازم اغيره وكيف اعرف انه هل يقبل التصليح او خلاص ما فيه امل يتصلح؟؟؟ (لانه عملية تغييره مكلفه جدا ) (السيارة جمس 97) يا ليت تفيدوني بخبرتكم ومعرفتكم ...
ولكم اجمل وأرق التحيات والتقدير...
وعليكم السلام
يتصلح عزيزي
في اي منطقه انت؟؟
شيك على زيت الدفرنس لا يكون ناقص
وهل الصوت مستمر حتى والقير على الn
جرب وعطنا خبر
هلا وغلا بأخونا من مركز جوانا
انا من الرياض
مراحب اخوي عبدالعزيز8
لا الزيت لاهو ناقص ولا شي لكن لونه اسود وكنت ابي اغيره وخوفونا هالي يتكلمون مدري يدرون ولا ما يدرون يوقال إذا غيرت الزيت وهو في هالحاله راح يزود الصوت وبزياده قالو ما لك إلا إنك تزوده إذا نقص لين خلاص يطلع صوت مزعج عاد ذيك الساعه غيره وهو الحاله كالتالي إذا وصلت السرعه على 100 يطلع صوت حنه واضحه ولكن ليست يعني مزعجه لدرجه وإذا رفع رجلي من الدعسه تختفي وواضح انها من الكرونه ولكن في الحاله هاذي هل تصلح يعني تغيير الكرونه وملحقاتها يغنيني عن تغيير الدفرنس كامل لانه سعره تقريبا 7000 إلى 3000 حسب كلام بعض الشباب ....
ما عليك من الشباب انت روح لميكانيكي وشوف يمكن حتى مش صوت كارونه ولادفرنش ممكن صوت بيرنج اكسل تبدله وخلاص
وتبديل زيت الدفريشن مهم لو كان اسود وفيه لمعه براده تبدله افضل
لو الصوت من الكارونه كل الحلول بتكون مؤقته ولا ينفع الا تبديل الكارونه لو بدلت الكارونه سعرها في 3000 ريال تقريبا بدون ماتشتري دفريشن كامل بس كارونه و الله اعلم
امشي بالسيارة لين يطلع الصوت وبعدها حط القر على الn
اذا اختفى الصوت فهذا من الكرونه واذا استمر الصوت فرمان العكوس تحتاج تغيير فقط
واذا كان الصوت من الكرونه طنش لين تخرب وبعدها اشتري من التشليح
وجرب ضع محلول خاص بالكرونه يمكن يخف الصوت وفيه ناس تقول اضف شوي شحم مع الزيت علشان يخف الصوت.
موفق اخوي
ما نصح بتطنيش لو كانت كارونه ممكن تنكسر وتفرمل مره وحده خاصة لو كان على سرعة كبيره بيكون خطر جدا
لو كان بيرنج بيكون خطر ايضا و الخطر من خروج الاكسل وانحراف السيارة ولابد من وجود حل سريع للمشكله
خراب رمان العكس لا يسبب خروج العكس
واما الكرونه فقد صارت معي في كابريس موديل 90 وفجاْة صلب الدفرنس
وما هي بذيك الخطورة اللي يقال عليه غير ثقل شديد في الدفرنس مع صوت قوي
الا اذا كنت راعي سرعة ففي هذه الحالة الافضل تغيير الدفرنس.
رد مع اقتباس