كاديلاك CTS

والله اخوي انا معاي cadillac STS
موديل 2006 وماشفت منها مشاكل ( ماشاء الله )
وماشيه معاي كويس الحمدلله
وبالنسبه للقطع صراحه غاليه
بس خدمة الوكاله اعتبرها عاديه مو سئيه ولا ممتازه
وانا صراحه انصحك في lincoln MKS

وبالتوفيق:xyxthumbs:

السلام عليكم ورحمة الله وبركاتة .....
حيا الله اهل المنتدى ....
طبعا من المقدمة انا عضو جديد بمنتدى السيارات بس اني ابي شوركم بخصوص اني بشري سيارة كاديلاك موديل 2009 cts ( 3.6
وانا والله اللي معي تقريبا حوالي 96000 ريال
وانا واحد راعي سافريات من حائل الى الرياض ومن الرياض للدمام وغيرها من السفريات .
وانا اللي ابيه بخصوص هالسياره هي اوكيه بالسفر وداخل المدن
الله يعافيكم ابغى النصيحة للمجرب هالسيارة وشاكر لكم
اخوكم

j2k

أنصحك بالوكيل حق فورد اخذ احسن وكيل لشركه فورد في عالم
واذا قصدك تبغى سياره فخمه عندك
لنكولن mks
فخمه وكل شي فيها تمام
+ وكيلها الجزيره للسيارات احسن وكيل ^^

^^^ انت القرني ولا

والله انها مشاكل ما احد يتوقعها بسياره جديدة وفيه اكثر من شخص من هذا المنتدى نصحته بعدم شرائها واخذ كلامي على مبدى انني غاضب من هذه الوكاله وانني احاول الترصد لهم علما ان سيارتي هي 2009 وسيارة احد الاعضاء كانت 2010 ولكنه للاسف استمع لبعض ردود الاشخاص الذين اتضح فيما بعد انهم مندوبين مبيعات لدى الوكاله وهو الي الان هو في معانها مريره معهم

نفس العيوب التي ضهرت بسيارتي ضهرت بنفس السيارات ال 2010 و 2011
بالنسبه لصاحب السياره ال 2010 انا على اتصال معه حيث ان سيارته لم تكمل ال 12 الف كلم وتم تغير القير والدفرنس ومازالت الوكاله تماطل في تبديل السياره او حل المشاكل المترتبه ع هذه الاعطال ... بامكانك قرائة مواضيعي السابقه والتعرف ع المشاكل التي من المستحيل ان تكون بسياره جديده ويسمونها سياره ذات جوده عاليه. ولاتنسى كلمتهم ان الضمان والصيانه لمدة اربع سنوات ...اصلا السياره بعد شهرين تبرؤو منها...

تحياتي لك واسف ع الاطاله ..
واخيرا الامر يعود لك بالعاميه (فلوسك عندك وسيارتهم عندهم)
حاول تختار الوكيل قبل تختار السياره

كل الوكالات كذا مافي احترام للمستهلك
ماسمعت عن السوبارو مطلعينا من الوكاله بدون زيت ولا الباترول الجديده ولا الاودي

اهم شي ربنا يوفق بالسياره وبدها ربنا يسهل

كفوو والله

والمفروض يعطونك تعويض موو بس قيمة السيارة :xyxthumbs:

الله يعوضك بأحسن منهاا

^^^^6 هلا اخوي روعتني وش المشكلة معك ياليت تشرحلي

لاني بالكثير الاسبوع الجاي مطلعها وياليت لو تفتح الخاااص

هلا اخوي


اذا ماتبي فلوسك روح خذها هذا اخر كلام توصلت له بعد مرمطتي معهم لمدة سنه وسبع اشهر ولكن ولله الحمد تم استراجاع مبلغ السياره بالقوة الجبريه عن طريق المحكمه ونفذ عن طريق الاماره بعد رفضهم تنفيذ الحكم وعندي جميع الاوراق اللي تثبت

وكاله مايهمها العميل بعد شراء السياره وكاله لا تحترم شروط البيع وكاله تقولك بالفم المليان بلط البحر

نصيحتي وخر عنها .. واي استفسار انا حاضر ..

تحياتي واسف ع الاطاله

الضمان اربع سنوات او ١٠٠ الف كيلو مع صيانه مجانيه اسيور فلاتر زيت بس غير شامل المساحات والكفر والفحمات

اخوي ماراح يفيدك غيري لانه انا شاريها قبل اسبوعين
نبدا على بركة الله
CTS ٣.٠ سي سي نفس ٣.٦ سي سي الفرق بالمكينه والجنوط الاولى جنوط ١٨ وشقل النقشه غير اما الثانيه ١٩ انش بشكل حلو
كلهم بانوراما مصابيح زينون متكيفه مع المقود مصابيح ضباب اماميه وخلفيه رشاش مويه لتنظيف الجزاز الامامي واللمبات تسخين تبريد المقاعد الاماميه مكيف منفصل للسائق والراكب الامامي مثبت سرعه شاشه مع نفاقيشن فتحته يو اس بي وفتحتة اي بود وهاردسك بسعة ٤٠ جيجا طبعا القير اتوماتيك مع امكانيه جعله عادي وفيه من خلف الدركسون الشفت يجي معاه كفر اظافي صغير والعفريته وطفاية حريق وعده سالمه صغيره واربع مسامير خاصه للكفر لعدم السرقه في اضائه داخليه عاطبلون والبيبان خفيفه ورومنسيه مره حلوه العيب الوحيد مافيله بلوتوث لانه بلوتثه بالنطق وبالانجليزي
الاسعار : ٣.٠. اول شي بقولك ١٦٠ الف وبعدها بقولك ١٥٧ الف تقدر اذا بتدفع كاش توصلها ١٥٥ او ١٥٤ الف انت وشطارتك طبعا مع شامله الاستماره واللوح يبقى التامين الشامل وبيعطونك كوبون حق التظليل والازي منو من ٣ ام ب ٣٥٠٠ ريال بس كل شي فيله من الى حماية وجهيه واطراف الباب وضد الصدا وتظليله وحمايه داخليله للدعاسات والكراسي
٣.٦ سعرها ١٧٥ الف وشوي يقولك بعد مايشيك ١٧٠ الف انا خذيتها ١٦٧٩٠٠ الف مع اللوح والاستماره والتامين ٤٤٠٠
خذيتها اسود من داخل بيج
بعض اللوان اغلى مثل الابيض ثلاثي الطبقات ومادري شنو يمكن فرق الفين لثلاث
الي انصحك به ٣.٦ فرق واضح عن٣.٠. وعندهم تجربه لل ٣.٠ وال ٣.٦ تاخذها منهم ساعتين انا جربتهم كلهم حتى السي ار اكس الكروس اوفر
السياره من ابدع مايمكن وهيبه وكشخه لها اسبوعين عندي وماشيه ٣ الاف كيلو
الله يعطيك خيرها ويكفيك شرها وانا معك اللهم امين

اذا بتاخدها 3000 سي سي لا تاخدها
وسعرها ينقص في البيع صراحه انا مااحب اليابانى بس في خيارات افضل انفنيتي او لكزس رياضيه

خذها وانتا مغمض وانا شوفت موضوع لك تبغى ياباني بالسعر الي عندك واستغربت

الكاديلاك افضل بس عيبها قطع غيارها غاليـه وكمان وكيلها الجميح الله يعينك عليه

وترا هيا سياره TooooooooP كشخـه + شكل مميز + مكينه جباره + مواصفات + فخامه + ويكفي شعارها :xyxthumbs:

والله يوفقـك وانصحك فيها وماعليك من كلام الناس نصيييييحه نصيييييحه نصييييحه ( اسأل الي جربوها ) بسسسسسسسسس

ولا تروح تسال واحد منحوس جربها وطلع عندو عيب مصنعي ويقعد يذم في السياره
لا ترى العيوب المصنعيه في كل السيارات

وبالتوفيق

ماعليك من التصنيف , كله خرابيط لاترد على اللي يكتبون هنا.

انا معي كابرس 2006 قبل لااشتريها ياكثر اللي قالوا لي ابعد
سواء هنا بالمنتدى او خارجه, الحمدالله الآن السياره لها معي
خمس سنوات ونصف وماشيه تمام.

اذا تبي العلم اسأل اي واحد بالشارع أو رح للصيانه راح تلقى
ناس يسوون صيانه لسياراتهم إسألهم وتلقى العلم.

أنا سألت شخص معرفه شغال هناك يقول السياره ماعليه كلام
بس إذا رجلت ثقيله عليها أبعد عنها لان السياره يبغالها عنايه

^^^ انا شفت ان كايلاك مصنفينها الشركة الثانية من ناحية الخرابات؟؟؟؟؟

هذا مخوفني للحين

الفئه اللي انت تبيها هي سعرها 157000 وصيانتها 4 سنوات او 100,000
عليك البانزين والباقي عليهم (صيانه دوريه من تغيير زيت وخلافه حتى ضمان
المحركات)

وصراحه انا مريت الوكاله وناوي عليها بس قاعد ارتب اموري. من رأيي انه
لايوجد أمريكي بفخامتها لاداخلياً ولاخارجياً.