السلام عليكم
انا شريت طوارق 2011 من خمس شهور تقريباً ، لكن بعد ما مشيت فيه 10 آلاف ولعت عندي لمبة الزيت ، استغربت كثير،،،، فتحت الكاتلوج قريت فيه أن النقص عادي وان الزيت يتبخر خصوصاً عند أول خمسة آلاف ،،، والأغرب أن النقص في الزيت يكون موجود حتى بعد المسافة هاذي ،، قلت في نفسي مو معقول كل ما مشيت ألفين ثلاثة بقعد اشوف الزيت وازوده خصوصاً أن الزيت ما يتغير إلا كل 15 ألف ومن الوكالة بعد،، والأكبر أن النقص كان لتر ونص يعني مو شوي.
مالكم في الطويلة،،، رحت الوكالة وسألتهم بدون ما أقول لهم أني قريت في الكاتالوج أن النقص طبيعي، بشوف عندهم سالفه ولا من جنبها، جاني المشرف على الورشه وقالي يمكن النقص من المصنع لأنهم ما غيرو الزيت من جت السيارة للسعودية،،، وللأسف أسأل المهندسين اللي عندهم كل واحد يقلب راسه ما يدري وش السالفه ،،، قال أيش السيارة شكل جديد وما تدربنا عليها،،، يعني أنتم الوكالة منزلين سيارة جديدة ما تسوون تدريب عليها ليش قبل ما تنزلونها في السوق ،، يعني إذا ما عرفتم انتم مين اللي يعرف يا متخلفين،،، وبيني وبينكم من يوم دخلت ورشتهم وانا غاسل يدي واقول الله يعيني عليهم ،،، السيارات مهملة وشبابيكها مفتحه والغبار يدخل والدنيا حوسه.
المهم زادو الزيت ومشت الأمور إلى الآن وهي ما شيه 11 ألف يعني ألف كيلو بعد زيادة الزيت،
السؤال :ـ ابي من خبراء الطوارق يفيدوني لو تكرمو عن رأيهم في موضوع الزيت هل هو فعلاً طبيعي،،، وشكراً جزيلاً
