نصايحكم يا شباب : هوندا أكورد ام ميركوري جراند ماركيز ؟

مالك اخوي الا انك تنقز لذيب بكره وتستاجر ماركيز
وبعد بكره ترجع وتسلمه الماركيز وتستاجر الأكورد
وتشوف اللي يعجبك وبكذا تاخذ السياره وانت مقتنع انها افضل من الثانيه

ايه معي أكورد 2009 وماشتكيت منها ولله الحمد
واخوي معه ماركيز موديل 2006
موتري ممشاه 160 الف
وهو موتره ممشاه تقريبا 210 الف
انا ماغيرت شي ابد حتى بواجي وفلاتر
لكن هو غير اشياء كثيره واصوات تحت الموتر تحسه متفكك
لكن موتر في الخط ملك ولا يعلى عليه وقطع غيار رخيص ارخص من الهوندا
يعني تروح تشتري قطعه ماتشيل هم السعر
وقبل تشتري جرب الثنين
لان من تجربتي
1- الأكورد أرسى وبمراحل
2- الفورد أريح من ناحية الجلوس لكن الأكورد أريح كخطوط طويله مع انها قاسيه لان الفورد يعور الظهر وجسمك يعرق ..
3- العزل الجانبي الاكورد افضل
4 - العزل الارضي الفورد وبمراحل
5 - أنوار الأكورد أفضل
6 - متعة القيادة والله كلهم
7 - صرفية البنزين للأكورد أفضل
8 - الفورد أفضل عزم
9 - مواصفات الأكورد أفضل نسبيا
10 - الفورد قطع غياره أرخص


الفورد ازين لو انك راكد وماتسرع ومعك عائله لانه اوسع خصوصا لو كنت بتطلع أكورد نص فل :)

انا بعد اصوت للماركيز


وبالتوفيق ..

اذا الماركيز سعودي ( فيه مكيف خلفي ) و نوعه LS اكيييد انصحك فيه

سيارة عمر لك ولاحفادك هع + قطع غيار رخيصه + مرييييييحه + فخامه ( اذا الداخليه بيج )