اخواني حبيت اليوم اوريكم جيب بورش الجديد والي هو كايين .. طبعاً الجيب هذا خرق العاااااااده من جد .. شكل جذااااااااااب جداً جداً جداً واغلب مادة مستخدمة في التصميم الخارجي هي النيكل الخالص .. طبعاً معروف انه النيكل يعطي فخامة .. غير كذا المكينة الجبااارة .. مكينة بورش GT3 وهذا بحد ذاته لا تعليق عليه .. من داخل اكيد انكم تستفسرون هل تغيرت من داخل .. او كيف شكلها من داخل .. الشكل من داخل السيارة شكل البورش GT3 من ناحية العدادات وشكل الجير والدركسون الي شكله مثلث والازرار بالفضي . شي عجيييييييب طبعاً تم اضافة اشياء جديدة عليها مثل الشاشة الكبيرة .. غير انظمة الدفع وتغير نظام التعليق حق السيارة علشان يتناسب مع ظروف السيارة .. وجنوط السيارة مثل مانشوف تجي بمقاس 20 وبمقاس 22 |9| حتى على هالشي انا ماني مستعد أعلق .. السيارة تقريباً تم تجربتها وقالوا انها خالية من العيوب .. مع انها اول مره تصنع .. وطبعاً السيارة انا شفت سيارتين منها هنا في منطقة الخبر .. وكان لونهم اسود وكحلي صراحة خياااال .. طبعاً السيارة يبدأ سعرها من ال 245 الف ريال سعودي .. ويزيد حسب المواصفات .. طبعاً مقارنة بأسعار البورش السبورت تطلع ببلاش .. لأنه البورشات تبدأ من 290 الف تقريباً .. وانا جايب لكم كم صورة للجيب اتمنى انها تحوز على رضاكم .. اخليكم مع الصور ..
هذا بالنسبة للون الأسود .. وشوفوا الجلد كيف لونه بني داكن معطي منظرر مخيييف من جد .. وبرضو هذي رسالة من شركة بورش للوكالات .. انه انتهى عصر الجلد البيج أو الابيض .. صراحة روعة |9|
تحياتي لكم ..
واي استفسار انا حاظر .. اخوكم Loeinser ;)
