هل صحيح مايقال عن النيسان والهربده !!!

^^^^

حياك الله اخوي وكلامك سليم كل سيارة على حسب الاستخدام .

تحياتي

السلام عليكم

عندي التيما 2005 حتى صوت ديكورات مافيها

للعلم السيارة استعمالي من 2005 من الوكالة اخذتها و الاستعمال يا اما اكون بروحي فيها أو معاي الأهل يعني تقدر تقول السيارة غير مستهلكه بقوة مع انها ماشية 100 الف كيلو الآن و أحيانا الاعطال اللي تطلعلي فقط استهلاكيات.

بالنهاية توقعي ان السيارة ما تتهربد الا حسب استخدامك انت . استخدامك ممتاز وهادئ وحنون بتعيش معاك السيارة من احلى ما يكون،،استخدام متوحش تحمل اللي يجيك :)

لا قوية ذي الله يهديك لو بتجيبها جيبها خفيفة مو 5 مرات !! وموديل 2010 !!

ياخوي خاف ربك

ولا شفت احد يشتكي من الي تقول علية في المكسيما 2010

كم انتي كبيرة يالمكس

ياللللليل ماطولك

ياخي حرام عليك ...

ياهلا بك اخي العزيز ...

بصراحه ماقدر اكذبك لاني ماحب اكذب احد ..

وبالنسبة للماكسيما الجديده رحيمي عنده ماكس وماشاء الله يمسك بها خطوط ولا فيها فكفكه ولا شي لكن السيارات توافيق .

طيب انا كمان اعطيك حاجة ع الطاير:smilie16: خويي ركب سوناتا 2011 ويقول في الخط انوااع القربعه والاصوات وخاصه من السقف البانوراما واصوات هواء !!!! << والرجال محافظ ع السيارة

ع العموم كل سيارة ولها مساوئ ومميزات .

تحياتي .

لا عادي ياخوي كل واحد وله وجه نظر واحترم ردك

بالنسبة لي مقتنع بكل منتجات نيسان وعندنا باترول

بس المكس الجديدة هي اللي ما خشت رأسي

تحياتي

^^^^^^^^^^^^^^^^^^^^^^^^^^^^^
كلام جميل اخوي يعني مع كل تغيرتين زيت يغير معهم مساعدات
عندي مكس 98 لما امسك فيه خط اقرب تشليح اصفط واركب بودي كامل
لان البودي يطير على قطع في الخط اخر مره طار السقف
وعند اخوي مكس 2010 مبدلين له الموتر 3 مرات كل مايروح لتشييك يحصلوها
بدون قير او بدون مكينة واحيانا مايلاقوا شي ابد
^^^^^^^^^^
يعني تتوقعون ردي هاذا منطقي للاسف اخوي ردي قريب من ردك جدا
وكلوا كلام مالوا اساس من الصحة بتاتا يعني الى متى واحنا نقول واحد اعرفه
وخووي وكل المسألة في الاخير انك ماتميل الى هاذي الشركة
والله مايسير اتكلم في شي ماجربته ابد
واسف اخوي على الرد

واحد من الشباب معه مكسيما 2010

السيارة ماشية 60 الف وقد غير المساعدات خمس مرات والسادس بالطريق

الرجال رجله حارة شوي ويسرع كثير بالسيارة بس السيارة رياضية المفترض تتحمل

غير كذا لو تلاحظ البودي الخارجي تلاقيه متفكك راح تشوفه باكثر من مكسيما بالشارع

بالنسبة لي أشوف الالتيما الجديدة اكثر تحملا من المكسيما الجديدة

مشكورين ع المرور ...

اللي جرب مهوب مثل اللي يسمع ...



حاليا انا نيساني ... حتى ارى مايجعلني اتركها ... لاني بالسابق كنت تويوتاوي . وتركتها من غير رجعه

معي ماكسيما 2007
واحلى ما فيها تحديدا هذا الموديل الداخلية ما تسمع لها صوت الا اذا طحت في حفرة جااااامدة وعلى سرعة تسمع صوت قزاز الشباك وكم يوم ويرجع الوضع لطبيعته
السيارة كارفها بس مواظف على الصيانة الدورية
السيارة تتحمل كرف مو صاحي
اللي خرف معاي الكمبريسور بسبب سوء الاستعمال والقير فيه نتعة بسبب زيت غير مناسب غير كذا ما فيه ولا شي ولله الحمد
واذا النيسان اهتميت فيه واسات استخدامه راح يعي معاك

اوف كل هالمشاكل على الياباني اللي مزعجيننا فيه العالم

وين اللي يقولون الكوري سيئ ؟؟؟ الكوري مافيها هالخرابات كلها

والله شعب متحجر و الله يعين اهل الياباني

هذيان قلم : بصراحه اول شي اهنيك واقول ماشاء الله تبارك الله الهل عطيك خير الماكس ويكفيك شرها وان شاء الله ماتشوف الا كل خير .
وبالنسبة لكلامك صراحه اقنعني زيادة وزيادة انه التتجربه خير برهان .
وبما انك قلتلي قصه المشتري انا راح اقولك قصه غيرها :p .
طبعا مثل مالاحظت في موضوعي مني كاتب عن الماكسيما هذه الموديلات ولاشي لاني ماجربتها ولاشفت بعيني لكن هذي قصه خووي معاه ماكسيما الله اعلم كم موديلها لكن اعتقد في حدود 2006 او2004 .. المهم كانو ماشين بخط سفر وكانو 3 بالسيارة والمهم الي راكب قدام كان يمزح مع خويه الي يسوق ((يعتبر خطر كبييير )) ..المهم قدر الله وجات الركبه على القير ((اوتو )) وراح القير على وضعيه الـR :a1120(121): المهم تتوقع ايش حصل اكيد بتقلي فرط القير او انكسر او التروس او او ..
كل الي صار والحمد لله علا سلامتهم اولا انه السيارة بدأت تهدي لحالها والعلامه في الطبلون علا R الين ماوقف السيارة وطبعا حطها ع ال بي ورجع حطها على الدي السيارة تمشي زي الحلاوة لكن العلامه ظلت معلقه في الطبلون على الـ R :bigggrin: >> طبعا حقد علا خويه .
ومشكوورع المرور يالغالي ^^ .

-------------
عاشق القوة : حياك الله اخوي ...بصراحه من كلامك اشفقت على سياراتكم:bigggrin: ههههههه.
بس ماشاء الله كرفت معاك .ومبين انه ايضا على حسب الاستخدام لانه السيارة تكرمها تكرمك تذلها تذلك (( ورش هع )) ..ومشكور ع المرور تقبل تحياتي ^^

--------------
super safari : حياك الله اخي العزيز ^^ .
وكلامك 100% لانه ناس كثيرين يضحو بكل شي مقابل اسم شركه معينه او علامه معينه او سعر مابعد البيع لكن انا عن نفسي اشتري عشان استخدم +استمتع +عيش الجو :p .
.وبالنسبة للباترول ماشاء الله الله يعطيكم خيره ويكفيكم شره ^^ .
وغلطاان مين يتكلم عن مكائن النيسان والهربده اعتقد انها وضحت من الاعضاء الكرام انه علا حسب الاستخدام وانه نيسان مو كله سيئ .
... ومشكور يالغلا ع المرور .
_____

تحياتي للجميع .

الأخ هذيان قلم لا فض فوك :xyxthumbs:
غالبية الناس الي تسمعهم يقولون السيارة الفلانية جيدة و السيارة العلانية تعبانة! طيب أنت جربت؟! يقول لك لا.. لكن شيء معروف !
سبحان الله. هذا الي يقول عنه معروف أكيد يكون من موقف لأحد معارفه يمتلك سيارة و لاعن أبو جدها, أو المسألة لا تخلو من عين و العين حق... يعني كل شيء وارد.
و الله و بدون انحياز لسيارة أو ضد سيارة: يا ما شفت سيارات تويوتا موديلات جديدة و على أساس أنها سيارة كرف مثل كامري أو كورلا أو شاص أو لاندكروز, و مكينتها مخبطة أو فيها علة ما تحصل في غيرها من السيارات و متعبة صاحبها. و تلقاه يمتلكها علشان تجيب سعر عند البيع (أصلاً أنا ألوم الي يشتريها منه) و تلقاه مضحي بالجودة و الاعتمادية و الرساوة فقط من أجل قاعدة [ شيك بالجيب! ]. و يجي واحد و يقول: "على حسب الاستخدام". طيب السيارات الأخرى كذلك على حسب الاستخدام!!!!!!

يعني هذا الشيء ليش ما ينذكر بكلام الناس؟!!!!!!!! لأن المسألة فقط انطباع قديم عن السيارة لأن اسمها العريق و سمعتها العالمية و انتشارها في السوق الي يخلي الناس يعتقدون أن هذا الشيء هو الأفضل.

الجودة لا تدوم.. و أيضًا في سيارات أخرى: سوء الجودة لا يدوم

طيب عندنا باترول 99 ما شاء الله ماشية 400 ألف و زود. لو سيارة ثانية ما راح تكون بنفس الحالة و تحتاج توضيب كامل. و محركات نيسان لا يعلى عليها بالأداء و العمر الافتراضي. و هذا هو الي ينقال عنه شيء معروف.
فالمعلومة التي تقول أن النيسان يهربد غير صحيحة , و هذا من تجربة.

أنا بتقلكم تجربتي أنا شخصيا لسيارتين من نيسان
الأولى : صني 2005 كانت معي ومن أحلى ما يكون إلى قبل 6 شهور واستلمها اخوي واخوي استخدامه دفش شويات وقامت تطلب
الثانية : ماكسيما 2001 شافت العين الحارة شافت العذاب شافت الهلاك لكن لنا ماضي جميل معها بالرغم من الدفاشة اللي كانت تجيها كانت تطلب صح لكن كانت تتعذب صح
وأنا حاليا لو قدر لي أن آخذ سيارة سآخذ الماكسيما الجديدة بكل تأكيد

اخوي اولا لك الشكر على هذا الموضوع الرائع

ثانيا :

انا خويي كان ودة بمكسيما من 2002 وطالع فل كامل
المهم تعرف الي يبي يشتري سيارة لازم يستشيررر
المهم راح لواحد وانا كنت معاة واستشارة تدجري وش قالة .نصيحة لك المكسيما ابعد عنها وانحش عن النيسان لاتقربة
تدخلت انا قلتلة ليش يبعد عن المكسيما . قالة المكسيما تتهربد ومكينتها تخبط بسرعة وقيرة غير يخرب . قلتلة طيب انت جربت السيارة .؟؟قالى لا ماجربتها .قلتلة كيف حكمتها عليها .قال انا كانت معاي صني وطفشتني كل يوم خربانة والقير ضرب علي مرتين ومدري وش .
طبعا انا الرجال اعرفة وااعرف اخوة .اخوة مشاء الله ماهو مقصر بالسيارت تفحيط ويلعن والدين السيارة . يعني الصني السبب من سوء الاستخدام

قلتلة تعرف ان مكاين النيسان جبارة واخذة من افضل 10 محركات في العالم ؟؟ قالي كذب هذا بس واحد كاتب موضوع وضحك عليكم .طبعا انا معاي مكسيما لها معاي سنة وللة الحمد ماحطيت فيها الا اقمشة فقط ؟؟يعني انا مجرب السيارة وقلتلة

قتلة ليش انت شايل حملة على النيسان والمكسيما .قالي انا النيسان ماادانياة هي والفوورد ؟؟!! طيب ماتدانيها تروح تعيب فيها ..؟والله حالة

وهذي مشكلة شعبنا ..انا قبل لااخذ المكسيما ماادري عن الي فيها

والله ياشالو الناس علي حملة المكسيما لاتأخذها والله لغير تندم .المهم انا قلت شكلي كل يوم في ورشة

والحمد للة اخذتها وما شفت منها الا كل خيرر
واحمجد ربي كل يوم اني اخذت مكسيماااا ومستحيل اخذ غير المكسيما

وشكرا

مستشار نفسي : حياك الله وشاكر مرورك والله يعطيك خير السيارة ويكفيك شرها والموديل الجديد2010 يمدحووه اكثر من الي قبله كماان ومايحتاج وان شاء الله ماتشوف الا كل خير .
وشرفتنا .

-----

الشهاب الملتهب : ياهلا مجددا + 3 :p << حلوة .
بصراحه الموضوع انا يعلم الله ماحطيته الا اني ابغا اشوف هل حقيقه كل النيسان كذا ولا بس كلام ناس ولا تجارب لكن اتضح لي انه فقط بعض الموديلات والطرازات ولباقي علا حسب الاستخدام ..وكل واحد يقدر يطرح وجهه نظره ومافي اي مشكله الموضوع للنقاش .
:) ... ومشكور يالغالي .

---
تحياتي .