فورد اكسبديشن ايدي باور ... مشكلة بسيطة !

نرجو معرفة طريقة حل المشكلة

السلام عليكم حبيبي عندي اكسبديشن 98 وفيه صوت فلدبل ممكن توصف.لي مكان الورشة الي مومعروفة الي تكلمت عنها الله يرحم والديك ضروري

اخوي .. حدد لي موقع مركز جوانا
بمر عليكم وودي اقابلك شخصيا ابي منك بعض الاستشارات الفنية لو ممكن
:)

:bigggrin: طيب بختصر السالفة اليوم
واقول لك ( الف شكر ) ههههه
انا صلحت القير بـ 2500 كلفني والحمدلله حصان الحين

ومشكور مره ثانيه واعتذر على طول السالفة :) بس مجرد سوالف .. فاضين تعرف :xyxwave:

ياخي ماصار موضوع قصة حياتك سردتها
خير الكلام ماقل ودل
ولاتدفع شي الا لمى تتصلح سيارتك وعليها ضمان ايضا
وترى انا سعودي وبحول الله اني صادق ولااني في حاجه اني انصب او ابتزك بشي
واذا ناقصك شي وانت بحاجه ترى في خدمتك بدون مقابل نصلح لك سيارتك
صاحب المركز

:blue: دعسة البنزين طبيعية ولا فيه اي لمبة تظر ولا شي .. كل شي طبيعي

كان ودي والله افحص لكن قلت ببحث لي عن جهاز فحص اشتريه واصير افحص بالبيت واصلح الشي الي ابيه
والسبب :
تعقدت من الورش بشكل عاااام وفي جميع السيارات الي تعاملت معها :
فورد جراند ماركيز ( كتمة بالمكينة محد عرف لها وفحص وقطع لمدة سنتين )
لكزس 95 ( دعسة المكينة ضعيفة .. في النهاية غيرت مكينة ولا فيه فايدة )
جيب شيروكي ( القير يفصل . وغيرت قير .. قالو بسبب حساس وغيرت كل الحساسات .. وبعته بدون فايدة )
جمس 97 ( فرامل ترج .. غيرت هوبات وفحمات 3 مرات بالوكالة و4 مرات برا الوكالة ونفس السالفة .. وموجود حاليا )
بيجو 307 ( محد عرف ينظف بخاخاته )
اكسبديشن 99 ( كلهم يقولون توظيب دبل وفي النهاية وديته عند ورشة غير معروفة وكلفني جنزير 400 ريال وهلالة 250 ريال وشغل يد 200 ريال ) الله يكثر من امثالهم هذولي الي فاهمين بجد
والأن فورد اكسبديشن 2003 ومشاكلة كالتالي :
.... دعسة البنزين الي تكلمت عنها سابقا .
.... صوت مثل صوت الدبل ، وانا ماشي بسرعة 100 فجاة يظهر الصوت واشيل رجلي عن البنزين واخفف السرعة لحد 40 كيلو او اقل واسمع الصوت ( دوووووف طق ) كان الدبل فصل .. وارجع ادوس بنزين وامشي 120 او 140 ... ومسافة ربع ساعه ومرات نص ساعه وترجع نفس المشكلة

طبعا الحل مالقيته .. وكان الحل جاهز عندي وهو كالتالي :
امغط ابو الي صنع السيارة لين تتعطل واذا تعطلت عرفت السبب واصلحه ..
والى الأن ما تعطلت وفيها صوت مزعج كأنه صوت عكس او كرونا .. تابع لما سبق طبعا
ولكن ما خليت طعس ولا وادي ولا جبل ولا منعطف الا ولعنت ابو خامسه ابي يخرب علشان اعرف المشكلة ولكن عيا يخرب :blue: والصوت ازعجني لما اتعدى 80 وفوق

اذا كانت ورشتكم ثقه وعلمكم طيب وشغلكم تمام .. واهم شي اهم شي اهم شي لا تقولون زادت رواتب السعوديين خلنا نصفقهم بالاسعار
يعني الرحمة والسعر المعقول هو الي يرغبني فيكم والا تقعد السيارة لين تضرب واصلحها بمعرفتي
تزيد الرواتب من هنا .. وترتفع اسعار المعيشة والكهرب والماء والتليفونات من جهة اخرى .. فنكتفي بهذا البلا الي احنا فيه غير مصاريف مدارس الصامولي بـ 4 ريال ما يكمل يومين

القاعدة المتعارف عليها بنظام الورش كالتالي :
( كلما زاد السعر كلما وجدت الحل )
التفسير :
اذا كان سعرك عااالي فهذا يعني انك لا تفقه في امور الصيانة شئ .. وفي حال عدم تمكنك من اصلاح العطل ستضطر تروح لورشة اخرى وتعطيها من مالي .. واذا ما زبطها تروح لأخرى وتنفق عليها من مالي وتحاول تنجز عند ورشة او شخص فاهم بحيث لا تخسر كل المال فيتبقى لك اكبر كمية .

واذا كان سعرك قليل جدا جدا بمعنى :
اغلب الورش شغل يدهم مثلا 500 ريال وانت تاخذ 150 او 200 ريال .. فهذا يعني انك وااااثق من شغلك
فكل ما زاد السعر زاد جهلك وفقدت اتقانك بعملك وستفقد زبونك
وكل ما قل السعر كل ماكنت واثق من عملك وزاد انتاجك وتكسب زبونك

على كل حال ..
اذا واثقين في ورشتكم من صحة عملكم فما عندي مانع راح اجي .. :smilie16:

الله يبارك فيك ياغالي :)
بالنسبة لحساس TPS انا ما ادري عنه بصراحة ولكن اعتقد انك تتكلم عن الحساس الخاص بالجير .. الي مكانة أعلى الجير بالضبط !! والا لا .؟
لأنه هذا الحساس سواها معي في لنكن تاون كار 2004 وبنفس الحركة بس سبحان الله رحت لورشة البيان فكان مختص الجيرات يعطيني معلومات خاطئة ولا اعلم ما وراء قصده .. ولكن من ضمن معلوماته ان الجير يحتاج يطلع برا وينفحص من الداخل ... الخ الخ
وطحت في فلبيني بنفس الورشة جا عندي وبدون ما يتكلم معي ولا كلمة بس ( دخل السيار على الرافعة وانزل ) دخلت السيارة واتكلم معه ما يرد علي باي كلمة ..
دخل تحت السيارة ولقا سلك الحساس تبع الجير مفصول أو غير ثابت ورأشر لي قال هذا مشكلة .. ركبه صح قال خلاص روح البيت :bigggrin: وبالفعل طلعت من عنده على البيت .. السيارة صارت تمشي زي العسل

اما الأكسبديشن فأنا يا طويل العمر حسيت بالمشكلة هذي قبل 7 شهور ورحت للبيان غيرت زيت الجير وفلتر القير الأصلية حسب كلامهم واجبروني تكون اصلي قلت ماعليه شوركم وهداية الله وقالو لي ماعندنا غير الاصلي هنا اذ تبي التجاري رح جبه انت من برا .. قلت خلاص ركبو الاصلي خصوصا هذا فورد موب تويوتا علشان تلزخه باي قطعه
بعد تركيبه بكم يوم حسي ان المشكلة زادت !! ووصارت واضحة موب مثل اول كانت تجي مره وتروح وتجي وتروح ... الحين ابد من اول ما ادعس بنزين ما يعطيني التعشيق .. احس بدعسة بنزين على الفاضي وشوي يلقم الدعسة ويفز كني حاطة بدبل وقت ما يفز من قوة الضغط وينطلق

بس على رأيك بشيك على الحساس الي تقول عنه واشوف وش يصير
واتمنى اراء اخرى في الموضوع للآستزاده وتكثيف معلومات

شاكر لك ومقدر وجزيت خيرا وكثر الله من امثالك

حيااااك الله عزيزي
اتوقع والله اعلم من دعسة البنزين المشكله
هل تضهر اي لمبه في الطبلون عندك؟؟
في حال الرغبه في فحص السياره فلدينا الجهاز الخاص بفورد وجميع البرامج والتحديثات الاصليه
بالتوووووووووووووفيق

وعليكم السلام ورحمة الله وبركاته

بارك الله فيك حاول تتأكد من سلامة حساس الـ TPS وايضاً اهم نقطة زيت القير والفلتر

وخصوصاً نوعية زيت القير لازم تكون متوافقة مع مواصفات القير وموديل سيارتك

أخوكـ