معقوله هذا الكلام صحيح ..!! ارجوا تفيدوني !

الله يعطيكم الف عافيه

على فكره جرحتني يا ( الحمد لله +)

انا اعرف تماما ما هي الشركه المقصوده بالسوء في ردك

ببساطه لم اذكرها لاني اعشقها حتى الموت

ما قصرتم اخ نواف واخ قاقا

اتوقع يربح اقل شي 70000 في الاند يعني يطلع سعره مع الشحن بحدود 120 الف وهذا هو السعر الي مفروض يكون فيه سعر الاند

اعجبوني هذولي الردين فقلت اعلق عليهم دايركت

انا قريت حكاية السعر من موقع امريكي و هم ابخص بالشغلة مننا و معارضهم بالهبل لكل من هب و دب من السيارات

اللي حاصل انه الوكيل يشتري السيارة بسعر المصنع "سعر المصنع مختلف تماما عن الMSRP " ولو باع السيارة المصنع يرجع له جزء معين من المبلغ مثل المكافأة انه باعها بسرعة بحيث انه حتى لو وراك الفاتورة و قال لك اشتريناها بمبلغ كذا ترى هو صادق يمكن لكن ركز على حكاية انه ما قال لك شي عن مبلغ مرتجع من الشركة الأم ويمثل باعتقادي يمكن 5% من قيمة الفاتورة لو مو اكثر

لو اضفنا قيمة الشحن من هناك لهنا احسب زيادة الفين ريال حق الشحن وعليه لمن نفكر فيها بهذا المنطق فترى السيارات ارخص من اللي احنا نشوفه وتعال بالمنطق الحين احد ما شاء الله عليه مغرق السعودية بمعارضه تتوقع انه يبغى يربح 4000 و مسوي المسكين فوقها ؟! الا انا و انت المساكين يا حياتي طايحين بالدين عشان سيارات و المستفيد هو و البنوك . عوافي بصراحة :c0214:
على السيرة حكاية التسعير انا قرأتها من هذا الرابط http://www.carbuyingtips.com/car4.htm للاستزادة

احب اللي يعطيني تجارب قوية مثل هذي وبيني و بينك اتفق معك بشي واجد

انا بعطيك تجربتي وانت عاد شف ، سألت عن سيارة الميلان ايام كان المعرض فاتح في اوتو مول اثنين بشيفتين مختلفين. حق الصباح عطاني سعر و حق المساء اظن زاده 4 آلاف والسيارة وحده و تصفيات يعني محد يبيها

واصلا اشوف انه سذاجة ان الواحد يروح يشوف سيارة قبل يشيك مواصفاتها بالنت يعني ترى الشغلة ميب ذاك التعقيد وبالمرة يشوف الMSRP الدايخ عشان ياخذ انطباع عن سعر السيارة لكن اللي يجيك مفهي ولا كأنه يقول انا دلخ اسرقوني يعني مب فوق انهم رافعين الاسعار خلقه الا الاخ يمكن ينصبون عليه زيادة ولا جاب لهم خبر . الله المستعان بس

لو مكسبه 4 الاف مافتح معرض ماهو عاد وكاله

(بعض) الموظفين الكذب عنده شيء اساسي للتسويق للأسف
(الحمدلله الذي عافانا من ما ابتلاهم به وفضلنا على كثير من خلقه تفضيلا )
وللأسف اي شيء يقولك اياه الموظف تقدر تبله وتشرب مويته مثل مايقال
حتى لو لعب عليك وقالك السياره 400 حصان ورحت اخذتها وطلعت 200
ماتقدر تطالبه ولا بشيء ومساكين الي ماعندهم خبره يصدقون وينلعب عليهم
لاكن الله لهم والحق مايضيع

مره مريت احد وكالات الشفر وسألته عن صافي عزم احصنة الكومارو ( SS )
وانا عارفها بس ابي اشوف وش يقول قالي عدد فوق ال500 حصان نسيت كم بالظبط
واقوله اكيد يقول اكيد لاتشاور اقوله هذا اكيد صافي العزم ماهو اجمالي يقول ايه
صافي العزم , سلك لي ايها وهي حول 400 حصان زادني حول 100 حصان هديه
على حسابه الخاص جزاه الله خير ,

وقد سألت عن تجربة قياده للسييرا قالو لي مافي قلت ليه ؟! قال السييرا معروف !!! قلته طيب التاهو معروف اكثر من السييرا والكامري مبيعاتها اضعاف اضعاف السييرا ولهم تجارب قياده وش ذا العذر الخايس قال لا الكامري ماهو معروف مثل السييرا قلت له صح معروف اكثر من السييرا عندنا هنا :bigggrin:


على ماقال يوسف الثنيان الله يذكره بالخير "يعني كيف الحال"

ومره رحت مع احد الاصدقاء الى وكاله لي معها تجربه شخصيه من اسوء
وكالات العالم وقعد يمدحه له الموتر والصيانه وانواع الكذب
ومستحيل يقعد في الصيانه اكثر من 4 ايام ولازم بديل وكذب وكذب وكذب
حسيت اني في وكالة فراري في امريكا من كثر الكذب وهو كذاب
تقعد السياره عندهم بالاشهر ولافي بديل ولاهم يحزنون كله كذب في كذب

لاكن للأمانه ماهو كلهم البعض فيه خير ويقول الصدق
بس احتياطا لاحد يعتمد كلام الموظف في اي شيء ابدا ويروح
يتأكد بنفسه من موظفين الفروع الثانيه ومن المنتديات والمعارف

مشكورين كلكم

امين يا راعي الازيرا

صعبة صعبة

صدقني المفخرة ما له بديل

الله يرزقني و يرزقك و السامعين بـ VXR 2011

قولوا آمين :smilie16:

حسب اللي اعرفه بالمحاسبة .. ان البظاعه بشكل عام تجي بمسمى (بظاعه امانة ) او (منتج امانه ) بدون مايدفع الوكيل اي شئ ... فقط عليه توفير مستودعات ملائمة ودعاية جيده وتسويق جيد .
ثم يبدا يبيع وياخذ المتفق عليه من المكسب والمبلغ المطلوب من المصنع يدفعه لهم ..

واذا كنت غلطان ياليت احد يوضح لنا اكثر

اشكركم شكرا جزيرا

الشعب اصبح ملعوب عليه

ولا يوجد اي نظام يحميه

لاندكروزر افالون شوف سياراته

ارتفاع واللله باهض الثمن محد يطوله

حبيبي الشريطية اللي ماوراها مصاريف ابو جميل مايقنعهم ربح 4000 ريال

تبي الوكالات توافق على هالربح؟؟ مستحيل

ع اقل تقدير ربح الوكيل يكون 20% من إجمالي مصاريف السيارة

يعني لو تكلفت السيارة 190,000 ريال
20% ربح الوكالة 38,000 ريال

بيكون سعر السيارة للمستهلك (المواطن المسكين) 228,000 ريال

ينقل إلى نادي سيارات الدفع الرباعي

شووف بوجميل يربح بكل موتر اقل شي مرهـ مرهـ 29 بالميه

والكروزر ولا بلاش وش لي فيه اكرهـ والله

سعرهـ غالي ومواصفات زفت احسن مافيه دخول بصمه بس والله هو مايسوهـ اي شي

شوف الامريكي بس وريح باالك

لكن مو لهالدرجه

اخوي مو بس شركة كل الشركات
الاسعار في ارتفاع
و احنا نشتري و حنا فرحانين
4000 :tongue:
و كورولا وصل سعرها 80 الف :blue:

ياشيخ مستحييل
وش اللي 4000 مكسب
لو كذا ما كان شفت بعد كل 20كم فرع لابو جميل

ممكن المكسب حول ال150,000

+ نصيحـة
حرام تدفع 190,000 على سيارة مقاعدها يدوي؟!
زود حبتين وخذلك باترول ولا دينالي ولا نقص حبتين وخذلك تاهو ltz
وانت براحتكـــ

انا اشكر كل من رد على موضوعي

يا شيخ احترم نفسك ..

حسن اسلوبك

وشو يهذرون ؟

عيب عليك هذا الكلام انك تقصدني بالهذر ومن حقين تويوتا


استح على وجهك

إنه أبو جميل يا بشر ,,

معقوووللة 4 الاف ولا ما دخلت راسي ما اعتقد شكلو مخرف الموظف