^^
تعرف كم حجم تانكي التاهو واليوكون؟
اقولك السيارة تعمل على اربعه سلندر على الخط :wink:
بحسبه بسيطه بتعرف ليش ماخلص الا ربع الى ثلث التانكي
اول شي النظام اللي تتكلم عنه يشتغل اربع سلندر وتريح اربعه هذا ما يتحكم فيه السواق الكمبيوتر هو الي يتحكم فيه وله شروط مثل اذا كنت واقف عند اشاره يفصل لك اربعه سلندر للتوفير او كنت مثبت السرعه على سرعه معينه والظاهر انها محدده بسرعت 100 ما ني متاكد من المعلومه يعني بعد الميه تشتغل الثمان سلندر واذا احتجت لعزم شبكت الاربع المفصوله وفي طريق السفر تحتاج لعزم لانه في الغالب الطريق نزول وصعود وهواء معاكس
وثانيا حجم تانكي التاهو واليوكن 100 ليتر او قريب منها
ونفرض ان صديقك طلع من الرياض للشرقيه المسافه بينها 400 كيلو
و انت تقول ما بين ربع التانكي الى الثلث
نفرض انه وصل بربع التانكي يعني 25 ليتر قطعت فيه مسافت 400 كيلو
ونفرض انه قطع المسافه بثلث التانكي يعني بـ 33 ليتر قطع المسافه الي بين الرياض والدمام وهي 400 كيلو
وعلى هذي الحسبه التانكي يمشيك ما بين 1200 الى 1600 كيلو
فهل يعقل مثل الكلام
على العموم ما فيه فرق كبير في الصرفيه بين التاهو والاكسبديشن وهي تقريبا تمشيك في حدود 700 كيلو
الله لا يهينكم جميعا
وودي اعلق على كل رد لحاله ولا يسعفني الوقت.
امس قلت مايبيلها واضحة اكسبيديشن وخلاص
اليوم قلت وين عقلي انا الزود عند التاهو
للأمانة باصبر فترة بسيطة كم اسبوع حتى تهدا النفس
احس تفكيري مشتت ولا ادري وش ابي هههههههه
الله يعطيكم العافية جميعا
يعجبني الانسان الصبور والي يقتنص الفرص من عروض السيارات لانه فيه عروض جايه بسبب التنافس على تصريف مثل هذي السيارات والي سوقها في امريكا في الوقت الحالي ضعيف
وخصوصا انه فيه اشاعات عن توقف تصنيعها مستقبلا فهم في حاجه لتصريف المخزون
