قناة السيارات
السلام عليكم ...
احيي جميع الاعضاء في هذا المنتدى المميز ، باذن الله بشتري من العيسى يوكن ٢٠١١ دبل اقل فئة لون ذهبي ( قولوا ماشاء الله تبارك الله) ، طبعا دفعت لهم ٢٠٠٠ ريال لحجز السياره واشترطت عليهم قبل دفع المبلغ الباقي ان افحص السياره ( غداً) ، فياليت لو تعلموني وش اهم الاشياء اللي اشيك عليها !
شي اخر انا طلبت منهم ان تكون السياره من الدفعه الاخيره ، فهل هناك طريقه اعرف فيها ان السياره ٢٠١١ الدفعه الاخيره ؟
بالتوفيق للجميع
الف مبروك الله يعطيك خيره ويكفيك شره
ما شاء الله تبارك الله يعطيك خيرها ويكفيك شرها وعقبالنا
انصحك انك تحافظ عليها وتهتم فيها
الله يعطيك خيرها ويكفيك شرها
والف مبروك مقدماً
السيارة من الوكاله ماتحتاج فحص أهم شي البدي مايكون فيه خدوش ولا تستلمها الا في النهار وبعد مايشيلون التجليد الخارجي وتكون نظيفه علشان تقدر تدقق في نظافة البدي
وبتلقى إستيكر على باب السواق مكتوب فيه تاريخ خروج السيارة من المصنع
الشهر / السنه
يا ليت بارك الله فيك لو تحط صورة لهذا الستيكرالمشاركة الأصلية كتبت بواسطة الشـهري
و شكرا
بالتوفيق
وتفضل هذا موضوع يفيدك
http://www.assayyarat.com/forums/thread232124.html
وشف هالموضوع طازه ماله يوم
http://www.assayyarat.com/forums/thread234050-2.html
اشكركم اخواني على تفاعلكم مع الموضوع ، امش رحت شيكت على السياره ولقيت مشكله وهي ان المسجل حق السياره فيه مخش واضح ويرفع الضغط ، طبعا طلبت تغيير السياره ووافقوا ، وقاموا بحجز سياره اخرى وساعاينها اليوم الخميس باذن الله
مع التحية
رد مع اقتباس