تقرير مبسط عن السيارة الي حاخدها باذن الله (Subaru - LEGACY 2.5i )

reeedz @user_243939 · 25-02-2011

بسم الله الرحمن الرحيم ..

اليوم كنت ف اليمني وكالة سوبارو وايسوزو وصورت كم صورة لليجاسي الفئة 2.5i وحبيت احطها فموضوع عشان تستفيدو وتفيدوني معاكم ..

بالنسبة للمواصفات ..

انا عندي حركة جديدة وهيا اني ما راح اقول المواصفات الاعتيادية ..

حاقلكم المواصفات الي ينساها الناس يعني الي ف النت ما يدري عنها الا لما يشوفها بعينو واتمنا افيدكم ..

المواصفـــــــــــــــــــــــــات :-

1- جنوط مقاس 17 ..

2- البريك تتش ..

3- السيارة السيدان الوحيدة ف اليابان التي يوجد بها عازل خاص بعدم دخول المحرك على السائق وقت الحادث <<<<<< يعني لو صار الله لا يقدر ع احد حادث وجه وجه او صدم ف اشارة او او او ما راح يكون علي خطر كبير لانو الي ف الكبوت ما راح يخش علي بسبب العازل الي ذكرتو ..

4- النظام الصوتي ب6 لو 8 سماعات ويستقبل 6 سيديات ..

5- في ميزة حلوة ف النظام الصوتي كمان وهي انك تقدر تتحكم ف قوة السماعات <<<<< يعني تقدر تخلي السماعات طبيعية زي اي سيارة عادية او انك تخلي السماعات ترج وتحس بحركتها اتمنى انك فهمتوها لاني مني قادر اوصل الفكره..

6- وجود 8 ايرباقات وهي من اكثر السيارات امانا ف فئتها ان لم تكن الأأمن ..

8- وجود منظف للانوار الامامية ..

9- الشنطة كبيرة جدا لدرجة اني ما عمري شفت ف حياتي شنطة سيدان اكبر منها ..

10- أفضل سيارة في فئتها من ناحية المساحة الداخلية وفعلا تجلس ورا وانتا (مرتاااااح) لا ضيق ولا شي ..

11- كل راكب يقدر يتحكم بالمكيف يعني ممكن اخلي بارد ف جيهتي والراكب يخلي ع الدفاية مثلا اوع المروحة او بارد بس بدرجة اخف ..

12- زنون ..

13- كشافات ضباب ..

14- وللي ما يعرف ... دفع رباااعي يعني انسى تحوس ال باليالله ..

15- مثبت سرعة ..

16- السيارة يابانية 100% قطعة قطعة من الديكور الداخلي الى ابسط قطعة ف السيارة ..

نجي للسيارة ك قطع غيار وخدمة ما بعد البيع ..

اول شي الي يخاف منو الكل توفر القطع وارتفاع اسعارها ..

الاسعار للي مايدري ترى قريبة من الكامري دحين اسعارها نزلت عن الشكل القديم مررررره ..

بالنسبة لتوفر القطع قلي يا عمي اقسم بالله مافي قطعة ف السيارة الا موجوده <<<< قلت كلام مندوب مبيعات يعني ح يقلي مافي قطع ؟؟؟؟
ف رحت ع الصيانة وسالتو عن اي قطعة اعرفها ما في شي الا وسالتو عنو مو يقلي موجوده يطلعلي هيا وقلي المندوب عن خدمة جديدة وهي اذا صار ف يوم وجيت وما لقيت قطعة معينة يوفروها مباشرة من البحرين وخصوصا انو قطع السوبارو ما فيها تقليد يعني اذا كنت ف الشرقية ما يحتاج تستنى اكثر من 24 ساعة هدا اذا ما كانت موجود اصلا ..

وبكدا حلينا مشكلة القطع الي خايفين منها ..

نجي دحين للسيارة ف صور واعذروني على قلتها ..

هدي صوره للسيارة بشكل كامل ..

وهدي من زاوية تانية ..

صوره تبين الجنوط الرياضية مقاس 17 ..

ودي صوره تانية للجنط ..

ف الصورة منبين انو في مساحة بس مو داك الكبر بس والله ترى فرق لما تجربها مع العلم انو مقعد السائق راجع ع ورا زيادة ..

صورة للعداد ..

ودي صورة للديكور الداخلي الجميل مع العلم انو بامكانك تركيب نيفيجيشن من الوكالة ب 3000 وشويه ..

أهم شي يابانية 100%..

وهدي 3 صور لل sti > عشان اقهر نفسي بس ..

ف النهاية اتمنى الي ما يعرف السوبارو الموديلات الجديدة لا يفتي على حاجات قديمة ..

واتمنى تعذروني لاني مو محترف في التصوير ..

عالطاير ..

بصراحة اقدر واشكر مسؤول المبيعات السيد: ابراهيم محمد القاضي ..

والله انسان يخليك تبغا تشتري السيارة ..

وآسفين ع القصور ..

ŞЙỊṔỆЯ_Ẍ @user_174557 · 10-04-2011

ل

لمبه

نعم فيها اللي يرفع وينزل النور .. لكنه أوتو حسب إرتفاع السيارة ونزولها

وألف مبروكـ سيارة تستحق الإقتناء

أخوي لمبة متأكد من كلامك ؟؟ لأن السؤال دا في بالي من زمااان .. ونفسي أتأكد .. لأن السوبارو سياراتها فيها مواصفات كثير والناس ما تعرفها والوكيل ما يكتبها .. ..

يعني افهم من كلامك ان فيها النظام اللي يرفع العدسة وينزلها على حسب ارتفاع السيارة :)
..

reeedz @user_243939 صاحب الموضوع · 19-03-2011

O

Omar F1

لا تورط نفسك بسيارة جديدة اذا مش متأكد من الوضع المادي, لو اضطريت تبيعها بعد فترة قصيرة قد تخسر فيها مبلغ كبير
التأجير ابعد عنه حيطلع عليك سعر السيارة كثير جدا
ولا أوصيك باللون الابيض :), حتى الرمادي والفضي ايضا جميل
بالتوفيق ان شاء الله.

الله يكتب الي في الخير انا حاحاول واشتغل من عندي والباقي من عند الله ..

شكرا لك ..

Omar F1 @user_121970 · 19-03-2011

لا تورط نفسك بسيارة جديدة اذا مش متأكد من الوضع المادي, لو اضطريت تبيعها بعد فترة قصيرة قد تخسر فيها مبلغ كبير
التأجير ابعد عنه حيطلع عليك سعر السيارة كثير جدا
ولا أوصيك باللون الابيض :), حتى الرمادي والفضي ايضا جميل
بالتوفيق ان شاء الله.

reeedz @user_243939 صاحب الموضوع · 19-03-2011

م

منصور ..!

هاه وش صار على اخوي شريت ولا لأ ؟!

دعواتك ياخي ..

نزلوا دحين 2011 وخربوا عليا مع انو مافي ولا تغيير بس مع الأسف انرفع السعر ويقول امكن يرتفع زيادة بسبب الأزمة ف اليابان ماعندهم علم بس الاسعار ثابتة الى الان ..

__--__--________--__--__

السبب الاول: الوالد الله يهديه بدا يحسبها وزي كدا من ناحية المشاكل ف اليابان..

السبب التاني: انا كنت حاخدها كاش بس الي صار حصلنا ظرف ودفعنا مبلغ خورافي وطبعا اسمع بالكاش بعدها قلتلو تاجير قال حرام قلتلو اقساط وهوا دا الحل الوحيد الي باقي طبعا ..

بس للاسف احنا ناقلين والسنة دي اول سنة ليا ف الشرقية ( من المدينة ) ف الي صار يقلي لازم كفيلين وغارمين كمان وهدي شغلتها شغلة زي منتا عارف ..

وانا دحين قاعد اعد النجوم وادور حل بس مافي الا اني اصبر اذا تعرف طريقة مناسة لوضعي يريت تفيدني ..

بالنسبة للسيارة انا الين دحين مقتنع فيها وما اهتزت قناعتي فيها ابدا ..

ههههههههههه المشاركة ربع سطر والرد 100 سطر ..

اسف ع الاطالة واشكرك ع تفاعلك ..

منصور ..! @user_229472 · 19-03-2011

هاه وش صار على اخوي شريت ولا لأ ؟!

reeedz @user_243939 صاحب الموضوع · 18-03-2011

3

3E9AM

ما شاء الله تبارك الله

أحسنت الإختيار

الله يحفظلك هيا و يبعدها عن أعين الحاسدين

تحياتي

آمين يا رب ..

شكرا لك ..

3E9AM @user_235562 · 16-03-2011

ما شاء الله تبارك الله

أحسنت الإختيار

الله يحفظلك هيا و يبعدها عن أعين الحاسدين

تحياتي

reeedz @user_243939 صاحب الموضوع · 15-03-2011

ل

لمبه

نعم فيها اللي يرفع وينزل النور .. لكنه أوتو حسب إرتفاع السيارة ونزولها

وألف مبروكـ سيارة تستحق الإقتناء

أتوقع كمان الاستاندرد الي حاخدها يعني فيها بس مني متاكد 100% كاني سمعتو يقول فيها ..

شكرا لك ..

reeedz @user_243939 صاحب الموضوع · 12-03-2011

x

xxo7

مع احترامي لإختيارك

لكن الشكل قبيح صراحه

واشوف الكامري اجمل !

؟؟؟؟؟؟؟؟؟؟؟؟؟؟؟

والله شي غريب تدري انك اول واحد يقولي الكلام دا !!

ع العموم الناس ازواق وما اقارن استرالي او تايلندي ب ياباني ..

شكرا لابداء رايك ..

xxo7 @user_65427 · 12-03-2011

مع احترامي لإختيارك

لكن الشكل قبيح صراحه

واشوف الكامري اجمل !

reeedz @user_243939 صاحب الموضوع · 12-03-2011

N

New Leader

دام كذا اجل الله يوفقك ويبارك لك في السيارة، وانا رأيي في السيارة ما يحتاج السيارة ممتازة وسريعة وثابتة ونظرة، اول ما شريتها العالم انهبلو (اقصد الي قريبين مني)
اول ما يشوفها يقول وش سوبارو ذي، وبعد ما يجربها ويشوفها ينهبل، من جد
طاروبي العالم، كلهم يقولون من وين طلعتها ذي؟ (لانها ميب مشهورة ولا احد يعرفها)

وفي الأخير السوبارو سيارة ممتازة وإدمانية (يعني تدمن عليها كل الشباب الي استخدم وحدة لازم يرجع ويشتري ثانية) وانا عن نفسي هذي مي أخر سوبارو اخذها وناوي على ثانية لكن في المستقبل، الحين أبي اغير، حالياً معي ماركيز 2005 (ولله ياهي فرق خرافي عن الليجاسي لا فراملها ولا شي يخي أحس اني اسوق سفينه بدل ما كنت في فورملا 1)

ههههههههههههههه

والله قويه ف حق الامريكي ..

بس الصراحة انتا غيرت تغيير قوي احسن شي ف الماركيز المطبــــــــــــات والله ما تحس فيها ..

الله يوفقك وتشتريها مره تانية ..

شكرا لك ..

reeedz @user_243939 صاحب الموضوع · 10-03-2011

ا

ابومهد

خبر سيئ لمحبي الأمبريزا ...

كنت عند الوكيل اليمني فرع طريق خريص وللأسف لا توجد عندهم فئة الـ wrx قال الطلب عليها قليل عشان كذا ما رح يجيبوها كنت ناوين عليها انا وأخوي الحقيقة من
بعد كذا جاني احباط شديد حرام والله سيارة قوية وسعرها مناسب جداً والعجيب في الأمر
يقولي المسؤول عن البع بكل بساطة خذ الـ sti والفرق بين السيارتين حوالي 50 الف
ريال يعني فرق مب بسيط لو معي كاش كا اخذتها من البحرين او قطر بس لأني باخذها
اقساط هذا اللي مربطني ومخليني انقهررر بزيادة الصراحة الوكيل فاشللل .

للأسف هدا الموجود ..

ما باليد حيله ؟؟

ابومهد @user_23044 · 09-03-2011

خبر سيئ لمحبي الأمبريزا ...

كنت عند الوكيل اليمني فرع طريق خريص وللأسف لا توجد عندهم فئة الـ wrx قال الطلب عليها قليل عشان كذا ما رح يجيبوها كنت ناوين عليها انا وأخوي الحقيقة من
بعد كذا جاني احباط شديد حرام والله سيارة قوية وسعرها مناسب جداً والعجيب في الأمر
يقولي المسؤول عن البع بكل بساطة خذ الـ sti والفرق بين السيارتين حوالي 50 الف
ريال يعني فرق مب بسيط لو معي كاش كا اخذتها من البحرين او قطر بس لأني باخذها
اقساط هذا اللي مربطني ومخليني انقهررر بزيادة الصراحة الوكيل فاشللل .

reeedz @user_243939 صاحب الموضوع · 09-03-2011

b

boo7 alsmt

.

.

اقول ان شاء الله مبروك مقدماً يارب ..

والله يعطيك خيرها ويكفيك شرها ان شاء الله ..

.

.

آمين يارب ..

يعطيك الف عافية ..

boo7 alsmt @user_255502 · 09-03-2011

.

.

اقول ان شاء الله مبروك مقدماً يارب ..

والله يعطيك خيرها ويكفيك شرها ان شاء الله ..

.

.

reeedz @user_243939 صاحب الموضوع · 09-03-2011

ت

تفاحه تفاحه

حبيبتي جريدة الحياة بتاريخ 4/3 يوم الثلاثاء رقم الصفحه 3 :bigggrin:
واليوم كمان في اعلان بتاريخ 4/4 يوم الاربعاء بنفس الجريدة الحياة وصفحه رقم 29.
اعذرني ياحبيبي مشغول بالدراسه وانتا عارف كيف تعب الدراسه .الله يكون بالعون دعواتك ..ونصيحه مني لاتشغل بالك بالسياره لو ماجات الليقاسي بتجيك ان شاء الله بم ام دبليو x6 :xyxthumbs:واصبر ورح يجي اللي تبغى حبيبي وخليك مع ربي ماحتضيع ان شاء الله وبالتوفيق ياعسل. .وتفائل حبيبي الحياة لسا قدامك ماتستعجل ياقمر

الله يعطيك العافية ..

دعواتك بس ..

reeedz @user_243939 صاحب الموضوع · 09-03-2011

H

H-KYD

اذا انت في الرياض وش راييك نتقابل....................:tongue:

اذا ودك عطنى خبر قبل الساعة 9 مساء عشان تجلس مع ملاك السوبارو تتعرف عليهم وتاخذ العلم منهم صدقنى راح تنبسط وراح تحب الموتر اكثر واكثر واكثر وتعرف وين الاشكاليات بالضبط.........وش قلت

والله للاسف انا ف الجبيل كان ودي والله ..

ع العموم اشكرك ع مجهودك ..

تفاحه تفاحه @user_209290 · 09-03-2011

اخيرا نزلو اعلان ..

بس اش الجريدة ؟ وايش التاريخ ؟؟

والله انك صادق السيارة شاغلة اغلب تفكيري حاليا ..

ومشكووووووور والله ما قصرت معايا اتمنى اشوف ردودك دايما ..

حبيبتي جريدة الحياة بتاريخ 4/3 يوم الثلاثاء رقم الصفحه 3 :bigggrin:
واليوم كمان في اعلان بتاريخ 4/4 يوم الاربعاء بنفس الجريدة الحياة وصفحه رقم 29.
اعذرني ياحبيبي مشغول بالدراسه وانتا عارف كيف تعب الدراسه .الله يكون بالعون دعواتك ..ونصيحه مني لاتشغل بالك بالسياره لو ماجات الليقاسي بتجيك ان شاء الله بم ام دبليو x6 :xyxthumbs:واصبر ورح يجي اللي تبغى حبيبي وخليك مع ربي ماحتضيع ان شاء الله وبالتوفيق ياعسل. .وتفائل حبيبي الحياة لسا قدامك ماتستعجل ياقمر

ابومهد @user_23044 · 09-03-2011

أخوي بسئلك مجود عندهم امبريزا wrx مو الـ sti اللي ييجي سعرها 100 الف تقريبا