حبيب قلبي مشكلتك ماوضحت انت متزوج ولا عزوبي وكم عمرك وفئه السيارات هل هي فل ولا نص فل
على العموم اذا انت متزوج التورس لان شكلها رسمي عازب مكسيما شكلها شبابي وبالتوفيق
مبروك مقدما :ch19:
استخير ربك وصلي ركعتين استخارة
ولو انك شاب المكاسيما حقت شباب ورياضية وشكلها حلو
اما لو تبغى سيارة للعائلة التوروس حلوة واسعة ومريحة ووكليلها من افضل الوكلاء
السيارتين كلها ابداع وتخليك في حيرة أي وحده تختار ..
يميز الماكسيما خلفية أجمل . ويميز التوروس الدفع الرباعي .
وانت جرب السيارتين وشوف الي ارتحت لها وبالتوفيق ان شاء الله
او عندك SEL توروس 98 الف
او ماكسيما sv نص فل 109 الف اتوقع
التوروس = رساوة خيالية بالخط ( مجرب السيارتين ) هدوء ومتعة في القيادة..تميل للفخامة
الماكسيما = رياضية ممزوجة بالفخامة 4dsc = 4 door sport car ..تعجبني السيارة بكل ما فيها والشي الوحيد اللي حولني من المكس للتورس هو وكيلها :)
الفرق بين الوكالات :
توكيلات الجزيرة صيانة مجانية اول 3 سنوات اما الحمراني لا
الصيانة الدورية في التوكيلات تاخذ نص ساعة وتخلص .. واحد من الشباب رامي الماكس حقته يومين عند الحمراني
لما رحت الحمراني قبل شهرين او 3 شهور والله اني داخل بالشيك حق الماكس فل كامل ومع ذلك محد يعطيك وجه ... ويوم دخلت على مدير المبيعات قالي خل رقمك وباتصل فيك بعد كم يوم عشان بتجينا دفعة والنتيجة سحب علي سحبة الييييمة .... رجعت للفرع وزبدت في وجيهم
وقلت انا لي شهر انتظر سيارة وما جبتوها المفروض انتم تطرووني اشتري مو انا حسبي الله عليكم
التوكيلات دخلت ورب البيت ما اعرف شي عن عروضهم ... قلتله ابي توروس دم الغزال 2011 رباعي ... قالي الموظف ابشر وعندنا عرض صيانة مجانية 3 سنوات من اصل 5 سنين ضمان ... ودفعت عربون يوم الاحد واستلمت سيارتي يوم الاربعاء .. واللي عجبني انه مسلميني السيارة تانكي فل :) .... اما خويي راعي الماكس ماخذ سيارته ولمبة البنزين مولعة ههههه
الزبدة السيارتين من اروع ما يكون انت استخر وربي يكتبلك اللي فيه الخير
