سوناتا فل أو تورس ستاند أو أكورد جنط وفتحة

so confusing @user_249604 · 29-12-2010

السلام عليكم ورحمة الله وبركاته ’’’

ياخوان انا محتار بين هالثلاث سيارات
مع العلم ان السيارة الي بأخذها بتقعد على الاقل 7 سنوات معي
فلذلك أريد شيء حق كرف ويقعد وما يخرب علي ,,

السوناتا فل 2011 ---- 85 الف

التوروس ستاندرد ------ 91 الف

اكورد اربعه سلندر جنط وفتحة ----- اعتقد 93 الف

طبعا كلهن الموديل 2011

تكفون طالب شوركم ,, وش هو الافضل ,,,

طبعا اذا فبه سيارت ثانية بهالقيمة من 80-90 الف
لاتنسون تسدحونها في التعليقات

وجزاكم الله الف خير

basil almaymani @user_65374 · 22-03-2011

جالس تفكر ليش

خذلك تورس يا ابن الحلال

شكل و فخامة و آمان ومواصفات حلوة ( على انها استاندر )

ويمكن يسوي لك الوكيل خصم

zidan-10-zezo @user_160408 · 03-02-2011

التورس في الامان متفوقه على جميع السيارات من فئتها وعزلها ممتاز جدآ ومريحة وراسية لو التورس عليها علامة لكزس كان تشوف سعرها 180 الف ..

انصحك بالتورس نص فل بـ 100 الف

الشهاب اللملتهب @user_145270 · 02-02-2011

أصوت للأكورد بحكم تجربة أو تورس على حسب كلام ملاكها هنا تعتبر خيار جيد

H-MAN @user_249475 · 13-01-2011

المازدا 6

شكل أمآن موآصفات سعر

أو الألتيما

شكل أمـآن موآصفات سعر

!

المازدا 92 الف

الالتيما 88 الف

DENZEL @user_176961 · 08-01-2011

s

so confusing

بالنسبة للفيوجن مصيبتها انها صغيرة كأنها يارس ما تشيل ,,,

قول غير هالكلام ياشيخ :bigggrin:

XxTrooKxX @user_221869 · 05-01-2011

الكيا كادينزا فل الفل اللي ما بعده فل :)
سعره 108 آلاف ريال بانوراما , كامرة شاشة ملاحة ,,,,إلخ
وفيه نص فل سعره تقريبا 92 ألف ..... الفرق انه بدون شاشة وبدون بانوراما ومخمل
بـــــــــــــــــس

Ahmad Al-Sabban @user_134747 · 05-01-2011

الله يعينك

انا بعد شهرين بانزل السوق وميزانيتي قريبة منك من 90 الف الى 100 الف

لو بافكر في السيدان حافكر في

تويوتا - اوريون جراندي = 105 الف ريال

تويوتا - افالون اقل نوع = 105 الف ريال

فورد توروس سياحي = 90 الف
او توروس نص الفل = 100 الف

او هوندا اكورد ( اذا تبغى اللي فيها ايرباجات امامية وخلفية ) اتوقع في بحر ال 100 الف ريال ( ماني متاكد من سعرها )

وموفق

فهد وماقدي أحد @user_237073 · 05-01-2011

اخوي والله مالك غير التورس وأقسم بالله لوني ماخذت لي أوريون كان اخذت تورس ولكن انا بصراحه ماتناسبني وإنت حاط ظمن الموضوع تورس وقلت 91000 وهي بصراحه حلوه وجميله وسعرها جميل يعني حدك 100000 زي ماقلت في المواضيع السابقه يعني يرجعلك 9000 والله حلوه وسياره حلوه ماشاء الله كل الحالتين ربحان

الله يبارك لك ويعطيك خيرها ويكفيك شرها

كوكو507 @user_60694 · 04-01-2011

شارجر واحلى كشخه وامان فيها

Michael Jackson @user_249667 · 31-12-2010

لا تنسون شركات غير الياباني الشركه ألأمانيه فولس واقين باستا سي ترها بحدود 90000 وحلوه مواصفتها من الامان ومن الخلف ليد و أضائه متكيفه مع السائق و شاشه ملاحه لكن نوعا ما صغيره والمحرك نوعانv4 v6 دفع أمامي بس اربعه أرخص طبعا ولاتنسى الانسر ترها بعد حلوه ودفع رباعي او امامي بس قبيحه من الخلف وسعره 60000-80000 تقريبا والمازدا الترا وسيعه وسعرها يبداء من 91000 v6 وش بعد في سيارات كثيره عندك مرسيدس فئه c تبداء تقريبا من 12000 وعندك اللومينا استاندر تقريبا من 70000 ودفع خلفي وكبيره من الداخل واتمنى اني افتدك واهم شي الاستخاره

m_001 @user_240750 · 31-12-2010

هلا اخوي التورس ممتازة بس لو كانت فل ...

اما بالنسبة الى الخيارات المطروحة .. فانا اشوف ان انسبها الاكورد ..

تقبل تحياتي

AbU TaRiQ @user_55347 · 31-12-2010

السوناتا تتفوق بالسعر والمواصفات

لكن تاكد من توفر نظام الـ ABS بالفرامل

so confusing @user_249604 صاحب الموضوع · 31-12-2010

جزاكم الله خير ياخوان ,,,

بالنسبة للفيوجن مصيبتها انها صغيرة كأنها يارس ما تشيل ,,,

الماليبوا حلوة ويبيلي زيارة للمعرض ,,,

الااكورد احلى واحلى والمصيبة القطع الغالية ,,,

التوروس زينة ووسيعة من داخل بس ما ندري عن خرابتها ,,, بس شركة فورد ما شاء الله سجلها أبيض

ان شاء الله با أستخير ,, لكن قلبي مايل للتوروس ,,,

وجزاكم الله خير جميعا يا خوان ,,,

رهيب الرهيب @user_159075 · 30-12-2010

بصراحه يالغالي انت ينفع لك هوندا اكورد بس حط في بالك ان قطعها غويليه شوي

damar99 @user_247354 · 30-12-2010

بصراحـة
لو تبي أمان ورساوة وووو ألـخ...
الماليبو فل اوبشن وانت مغمض
ولكـن لو تبي شكـل وفيه قليل من الأمـآن
سوناتا او اوبتيما او كادينزا
لكن ارشح لك الماليبو
بما انها حصلت على تصنيف 5 نجوم في الأمان !!
http://sa-ar.chevroletarabia.com/vehicles/view_all_vehicles/cars/malibu/index.html
وشوف هذا موقع شيفروليه شوف خصائص الماليبو ^.^

وهذا فيديو للسيارة
http://www.youtube.com/watch?v=7YcRPV4hNpE

DENZEL @user_176961 · 30-12-2010

s

so confusing

عقب نقاشات حادة مع الاهل ,,,

توصلو الى انهم بحاجة الى سيارة تكون امنة عند الحوادث وامنة ضد السرقة أيضا ,,,

فهل أجد مبتغاي بسيارة تحت 100 الف ؟

فيوجن فـل اوبشن سعرها قرابة ال 90 الف

6 ايرباق + مانع انزلاق + نظام البريكات الامـن + ثبات ورساوة يحبها قلبك .

وانظمة الرفاهيه : سستم صوتي من سوني بـ 12 سماعه + 6 سيديات

ونظام السينك من مايكروسوفت كل شي بكلمه منك تقدر تشغل الايبود والمسجل و والخ .

جلد و فتحه و حساسات وانوار داخليه بعدة الوان رايقه و مثبت سرعه و ازرار تحكم من الديركسون و قير بـ 6 تعشيقات .

والكينه 2.5 بـ 175 حصــــان

والصراحه الهونداي معروف امانهم جدا ضعـيـــــــف .

وبالتوفيق

قاقا @user_244106 · 30-12-2010

وانا اخوك تبغى شي يعيش مالك الاسيارتين الاكورد عن تجربة كثير من الاصدقاء واحد منهم معه موديل 2000 والى الحين عايش وانا معي هوندا سيفك له 5سنين وصادم عليه وكارفها وبس قطع استهلاكيه والامان فيها حلو مره
والثانيه فورد تورس ويكفي انك تشوف الماركيز والفكتوريا منتشره بشوارعنا لها 13 سنه واما الامان حقها مايحتاج اكلمك عنه لان الفورد معروف بالناحيه هاذي
وانا الصراحه انصحك بالشكل الي يعجبك من التورس او الاكورد خذه وربي يوفقك

3E9AM @user_235562 · 30-12-2010

الماليبو فيها 6 ايرباق و فرامل abs وتراكشن كنترول ونظام ستباليتي تراك

وفيها نضام مانع للسرقة

so confusing @user_249604 صاحب الموضوع · 30-12-2010

عقب نقاشات حادة مع الاهل ,,,

توصلو الى انهم بحاجة الى سيارة تكون امنة عند الحوادث وامنة ضد السرقة أيضا ,,,

فهل أجد مبتغاي بسيارة تحت 100 الف ؟