أستفسارعن كراون فكتوريا2007 امريكي

عالي الهامه @user_247440 · 10-12-2010

السلام عليكم ورحمه الله وبركاته

حبيت استفسر عن سيارتي الجديده كراون فكتوريا2007 فل كامل استخدام امريكي

وش تنصحوني فيه من ناحيه الزيوت والبنزين وكم عمر الماكينه تقريبا وهل اغير زيت القير مع الفلتر فيه ناس انصحوني بتغيير الرديتر والثلاجه لانها ما تحمل الحراره وانتم عرافين اجوائنا زين
اغير بالسياره شئ ولا لا علما باني ما ابخص الفورد زين

تكفوووووون لا تبخلوا علي بما عندكم من خبره ومعرفه بالفورد
تقبلوا تحياتي

النادر مكه @user_236638 · 14-02-2011

مبروك الموتر بس نصيحه من اخوك الصغير غير زيت الجربكس مع الوجه اوك وباقى الزيوت غيرها لضامن راحه البال بالنسبه للزيت انا اخذتها من مهندس فوردات وشايب وسعودى وولد بلد وصاحب صنعه خذ اى نوع 20/50 ولا تقرب من الكاسترول مو تنقيص من كلام الاخو اللاى ينصحك فيه قبلى بس وربي انا من قبل جاوبت عندى مكينه الفكتوريا 94 مرتين وكنت اتعمل كاسترول تحياتى والعذر والسموحه من الله ثم منكم

عالي الهامه @user_247440 صاحب الموضوع · 14-12-2010

الله يبارك فيك أخوي
جـــــذاب

ويعطيك العافيه على تفاعلك وردك على الموضوع بهذه النصائح المفيده

التي أفادتني وتفيد من قرأها

فشكرا لك ودمت بصحه وعافيه

أنـــــس @user_34305 · 12-12-2010

الف مبروك السيارة والله يعطيك خيرها ويكفيك شرها

السيارة لاتحتاج لتغيير راديتر او غير ذلك من القطع .. لأنها موحده في الامريكي والخليجي.

فقط غير الزيت كما هو موصى به في الشركه وهو كاسترول 10/30 لأنه خفيف على المكينه ولايتعب طرمبة الزيت كل 5 الاف كيلو مره بسيفون ومره بدون .

وايضا غير زيت القير كل 40 الف كيلو مع الفلتر ووجه الكارتير 5 علب فقط ولاتزيد عن ذلك . يكلف تقريبا 150 ريال .

وغير صفاية البنزين كل 35 الف احتياطا وسعرها حاليا 35 ريال .

هذا اهم شئ .. وبإذن الله تعيش السيارة زمنا طويلا بدون اي اعطال.

الوجيه 10 @user_29328 · 11-12-2010

بنزين 91 جميع سيارات فورد 91

عالي الهامه @user_247440 صاحب الموضوع · 11-12-2010

اخي7mode

يعطيك العااافيه على العلومات القيمه

وما قصرت

ومن لديه اي معلومات غير اللي ذكرت رجااااء لا يخلينا

وشكرا للجميع

7mode @user_247078 · 10-12-2010

بالنسبه للبنزين انصحك با 95 ازين للبخاخات والزيت خذ عياره 50-20 يستحمل الحراره
بالنسبه للرديتر والثلاجه ما لي خبره فيها
وانصحك انك تغير الزيت كل 3000 كم اذا تبغى تحافظ ع المكينه
زيت القير شيك عليه اذا حسيت انه معدوم غيره مع العلم انه يتغير كل 60000 كم مع الفلتر :smile:
اتمنى اكون افدتك
تقبل مروري

dedo-vip @user_228795 · 10-12-2010

والله ما أعرف عن الفورد شي أبد بس بكم شريتها لأني أدور وحده