اخوي أسأل مجرب ولا تسأل طبيب
لو تلاحظ تحت اسمي انو معاي جالنت 2007 ابيض نفس اللي في الصورة
انا راح اجاوبك بكل صراحه وبأذن الله اني افيدك
سيارتي لا تختلف عن 2010 الا في الشكل الخارجي فقط
وسياره فعلا فعلا عمليه على الاخر جاتني السياره وكانت ماشيه 90 الف والحين السياره ماشيه حدود الـ 140 الف ودائم ماسك فيها خط المدينه حائل وتجيب 220 كيلو بالراحه والسياره راسيه في الخط الى سرعة 170 والعزل الصوتي جيد جدا الحمد لله من يوم ما اشتريتها ما اشتكت ولا بأي شي في المكينه والجير بوكس كله سليم واذا على القطع فهي شوي غاليه بس ما ادري بالنسبه للسيارات الثانيه المنافسه
الفرامل الاماميه سعرها حدود الـ 300 والخلفيه 250 وسيارتي تستهلك اقمشه كثير ما ادري ايش السبب يعني ممكن كل 4 شهور او 5 غير اقمشه
ومره احتجت اغير هوب لان واحد قربي اخذ السياره وغلقت فراملها وما غير فرامل ومشاها على الهوب واشتريته من الوكاله كان سعره حدود 470 ريال
ومره صدمني واحد من الخلف انكسر الاسطب الخلفي وغيرته بـ 500 ريال وكان مو موجود في السعوديه جابوه من الامارات طلبيه استغرقت 10 ايام
والصيانه الدوريه اشوفها متوسطه ايضا كلفتي حدود 1000 ريال وكانت تغيير سير ماكينه و اشياء ثانيه بسيطه بس سويت الصيانه برا الوكاله
طبعا السياره ما فيها المواصفات العاليه زي الالتيما اللي هو بصمه و غيره
بس اذا تبي سياره عمليه انصحك فيها والسياره فئتها نفس فئة الكامري سياره متوسطة الحجم
نسيت اقلك شي السياره ترا ما تجيب قيمه في السوق طبعا مو لسوءها بس تفكير الناس كذا انا السياره جاتني هديه ما خالي وكانت بـ 30 الف واللي اشترها لي عنده نفس السياره ونفس الموديل بس يختلف اللون وانا اشوف انها رخيصه يعني اذا تفكر تبيعا بعد مده ما تجيب شي
اتمنى اني افدتك واي استفسار انا حاضر
واسف على الاطاله
تحياتي اخوك حازم :xyxthumbs:
