محتار بين التاهو واليوكون والاكسبلورر والمازدا سي اكس

السلام عليكم ورحمة الله وبركاته

اكيد انا جديد هنا في هذا المنتدى :smilie16:
اتمنى له بالتقدم الدائم

اخواني انا في هذا اليوم قررت اشتري سيارة,, والي اجبرني هو تعطل سيارتي المستمر
ما اقول الا الله ييسرها

وانا من فتره محتار بين هالثلاث السيارت
التاهو واليوكون في كفه والاكسبلورر في كفه لحاله
اما المازدا فانتظر ردودكم علشان اشوف وش رايكم فيه,, وهو من الاخير يستاهل والا لا :tongue:

بالنسبه للتاهو شكله روعة
واليوكون شعبيته اكبر
وكلهم روعه في الأداء وفي المتانه وفي الراحه وفي المساحه الكبيره والمريحه بداخلهم
بس عيبهم الاثنين غلاهم وغلا قطع الغيار الي بشكل مجنون

واما بالنسبه للاكسبلورر فعاجبني فيه من اول سعره وشكله,, وكمان سعر قطع الغيار ((حسب ما سمعت))
بس عيبه ضيقه من الداخل,, الى حد ان راسك شوي ويلامس سقف السياره في المرتبه الثانيه,, والي اقصده 2010
ووصل 2011 منه بشكل اروع وبمواصفات اقوى بكثير,, وهذا الي خلاني ارجع افكر فيه

اما بالنسبه للمازدا فصراحه ما عندي اي معلومات عنه تخليه يدخل في المنافسه بين الثلاث الاوله :a1120(86):
بس صراحه لفت نظري الايام الاخيره بالنسبه لشكله,, وكمان كثرت مستخدمينه
وشفت له اعلان قبل مده بان عليه تخفيضات وحبيت استشيركم اذا كان تشوفون انه روعه بالنسبه للاداء وبالنسبه للقطع الغيار وبالنسبه للوكاله في حسن الخدمه والا لا
وحبيت اسئلكم بالنسبه للمازدا وش الفرق بين CX-7 و CX-9
وللمعلوميه العرض كان على CX-9

بالنسبه للعيوب والميزات الي ذكرتهم فوق,, حبيت اقلكم انها وجهة نظري ومن الي شفته ومن الي مجربينه,, وممكن تكون صايبه او تكون خاطئه,, والله يجزاه خير من يصحح معلوماتي

وانا كتبت هالموضوع علشان اهل الخبره يدلوني مشكورين على الزين فيهم,, وعلى عيوب ومحاسن كل نوع
وحبيت اعطيكم خبر اني باشتري السيارة بأذن الله يوم السبت القادم او يوم الاحد على حسب شوركم وعلى حسب المعلومات الي يتحطونها

اعتذر على الاطاله,, بس هم كان بصدري وحبيت افضفض لكم عنه :smilie16:
واشكر مقدما لكل من يرد ولكل من يفيدنا بمعلوماته
خالص التحيه