للبيع شيروكي 2000 باب واحد

السياره موجوده في الرياض

هلا بك أخوي ..
الموتر لا نصب ولا تطعيس ، بلد ما عليه ولا شي
الجنوط و القطع حقت وكالته ما عليه أي تعديل
الموتر ماخذه من سيارات شركة الكهرباء ، يعني مع مهندس
قبل .. قلت الموتر تحت الفحص .. و دخلته الفحص الدوري يوم أخذه
و اجتازه الحمد لله بدون أي اصلاحات ، ما غيرت فيه الا المساحات ذاك الوقت
و الكفرات و اجتازه الحمد لله ..

الصوره ما فضيت لها والله .. لكن ممكن ترسل لي رقمك على التقييم زي ما
ارسلت قبل .. و أنا أتصل فيك و تجي تشوف الموتر ( موجود في الرياض )

الموتر سليم من الصدوم ، لكن ما أدري إذا صدموا فيه في الشركه ولا لا

طيب الموتر حق نصب او تطعيس ؟ وهل عليه تعديلآت ولآ لأ ؟
وش الجنوط اللي عليه ؟
وش نوع الكفرآت ؟
وهل فيه سمكره او شي ..
ووش الخرآبآت اللي فيه ..
وأذآ مآعليك آمل نزل صوره .. لاني ماقدر اسوم وانا ماشفته :)
ولآ عطني آي وسيلة آتصآل فيك وآجيك وآشوفه .. :)

يا جماعه ، وصل السوم في مكان آخر لـ22 ألف ريال
و أنا منيب بعيد مرهـ إن شاء الله

بالتوفيق

طيب يالغـآلي كم حدك .. ~ :)

الله يرزقك..اذا لك حد حط حدك فيه

هلا بك أخوي

سومتك بعيده عن حق السياره !!

الله يوفقنا وياك .. لكن انت كسرت بقيمتها

حبيبي انا ابدا السوم
16000 الف
اذا لك رغبه هذا ايميلي
[email][email protected][/email]

السلام عليكم ورحمة الله ..

يا جماعه من الشروط إني ما أنزل رقم الجوال ..!

و الأخوان اللي ردوا مشاركاتهم ما تسمح بالرسائل الخاصه
لأني استلمت رسائل زوار لكن ما قدرت ارد عليها يعطيني ايرور ..!

يا ليت الأخوان يرسلون أرقامهم على الخاص بالسومات و أنا أتصل عليهم
ما فيه الا هالحل ..!

شكراً

حط رقمك بعد اذن الاداره او ارسله على الخاص

ومآضن تقدر ترسل خآص مشـآركـآتي قليله .. ~ لكن بعد اذن الادآره حط رقمك هنآ أذآ مآعليك إمر .. ~ :)