تعبني مره ياجماعة الخير سااااعدوني لاهنتوا يا أصااااحب البهبهاني

هلابك اخوي شوف يبي لك وزن إبرة هواء وبنزين الكربوريتور عند اي ورشه ووزن الديلكو واذا كان يشتغل من اول نقرة مايحتاج وزن الديلكو وغير فلتر الهواء والبواجي واسلاك بواجي 454 ماراح تكلفك الشغله من 250 الى 300 بالكثير ريال مع القطع وشغل اليد وراح تزين امورك وصرفيته بالبنزين عندنا 81 مكينته 350 خلال 70 كم امشي عليه 180 او 190 يروح من ربع الى ثلث التانكي وربي ييسر امرك وبالتوفيق.......

مايحتاج قوقل ولا موقع ياعزيزي
فيه ناس بالصناعيه القديمه يصلحونه ويزبط لك الكلبليتر يخليه يغرد
موقع واحد منهم جنوب تقدير المرور القديم مادري شغال لاالحين او لا
تلاقي محله صغير بجنب التشليح الي بالزاويه تفتح جنوب وشرق
واذا صعب عليك الموقع كلمني ع الخاص راح ارسلك لمكانيكي يصلح الموتر من الالف الى الياء
مووووفق عزيزي

الله يسلم يديك اللي تكتب مشورة أكثر من الرائعة وأكيد ما يبيله تفريط ولكن وأنا أخوك

ما أعرف للموقع وترجمته عن طريق قوقل والترجمه غير صحيحه

ولا أدري هل الموقع مضمون أو لا

عزيزي انت قلتها يوجد مواقع توصل لك القطع اللي تبيها ويمكن تلقى بعض محلات قطع الغيار تبيع قطعة ونصيحة مني لا تفرط بالجمس اللي معك لأن هذه السيارة اللي تطرب وينوثق فيها .
ولك تحياتي

الله يوفقك أخوي فواز

أحبه وهو يطرب السمع هههههههه

كل شئ يتصلح وأنا خوك لكن وين اللي يعرفله والقطع توني حصلت على موقع خاص

يجيب القطع اللي تبيها للمواتر القديمه

يقولك المثل
لايصلح العطار ماافسده الدهر !!
غيره وارتاااح !
واذا كان سبب تمسك فيه ماديه كان الله بعونك ويسرلك السياره اللي افضل منه !
واذا كان عشق وولع !!! مانقول شي !!!:wink:

الله يعطيك العافيه ويخليك إن شاء الله

وطيب ما ألقى طقم جديد للكربريتر ؟

مشكلة الصرفية من عدة امور:
1- الكربريتر يحتاج اصلاح
2- الديلكو يحتاج وزن
3- البواجي واسلاك البواجي
بالتوفيق