والله دخلت لوجه الله ...
انصحك ياغالي ... دام ربي يسر لك وبتشتري موتر .. نصيحة اخوية
وخر عن كيا ...بتقولي طيب ليه ؟؟ اقولك انا :
1- لمن تجي تبيعها .. سعرها بيطيح واكيد انك بتبيعها ولو بعد حين ..
2-ماهي حقت سفر وكرف ..
3- تتقربع بسرعه
4- يبيلها استخدام حشمة
5-ما اثبتت جدارتها بشكل عام ...الى الآن ..
6- لايغرك الشكل
7- ماعليها اقبال مثل باقي السيارات كـ تويوتا و هونداي وهوندا
_______
طيب البديل ؟؟ وش الحل ؟؟ اقول ياغالي وبكل فخر خذ لك موتر يبر الخاطر ..
انصحك لوجه الله لو انت حق كرف وتاكل مطبات وما تحافظ على السيارة ... انصحك ب
اكسنت او انترا او سوناتا على قد فلوسك ....
والله اني جربت الهونداي واثبت جدارته .. وتراه منافس قوي للتويوتا
__________________
بالنسبة لقطع الغيار ..
الكيا : بعض القطع ماراح تلقاها الا بالوكاالة وانت تعرف اسعار الوكالة نار النار ..
الهونداي: اصبحت مثل التويوتا ولكن الفرق ان الهونداي ارخص من التويوتا ..
__________
عشان كذا ارشح لك الهونداي .. وانت براحتك واللي يوافقني يبدي رايه.. والله ابي لك الخير ياغالي
انا بتكلم عن نقطه معينه بس
عن السفر ؟؟
انا سافرت بالكادينزا و كرفت فيها كرف
ماشاء الله تبارك الله وربي فيها راحه ما بعدها راحه
حتى اهلي كانو معاي ما صدقوا
السفر من الرياض الى جده سيدا بدون توقف مااتعبنا و الحمدلله
و كانت السياره اريح مما يكون
من بعد ما سافرت فيها كبرت بعيني الكادينزا
بجد مركبها شي مو طبيعي
غير صوت المحرك الهادي رغم اني مسافر و داعس :wink:
اما انك تنصح هونداي و تترك كيا .,
هل تعلم ان كيا و هونداي شركه واحده و قطع غيارهم واحده ؟؟؟؟؟؟
انا ماادري على اي اساس اتعمد بكلامك هذا :a1120(121):
و من ناحيه قطع الغيار
اجيب لك شي واحد بس
فحمات الكادينزا 319 ريال !! بس
على سياره فخمه هذا السعر رخيص جدا !
اما بقيه كلامك يبقى وجهه نظر لك فقط خاصه فيك ولم تقنعني
سلام
