تغير الجير من الأول للثاني يتأخر بعد صيانة المكينة (ماركيز 1996 )

هلابك اخوي اكرفه الين يدوخ انا القير عندي قالو لي فيه ضعف كلاتشات لازم توضب والحمدلله له 4 سنوات وهو ع ذالحال ونصيحه دامه يمشي لاتوضب وكل التوضيب الموجود بالسوق تجاري واولهم ترايستار لكن اذا تبي قير روح للتشاليح اللي تجيب سيارات امريكيه مقصوصه وخذ لك قير منهن تضمن انه ماقد وضب ونظيف واقل سعر وربي ييسر امرك وبالتوفيق.......

طمنا اذا صار معك شئ

اللي سويته بالموتر
اني وديتها لفني سعودي متخصص بالفورد
غير لي منظم التعاشيق والمشكلة مازالت وبعدها غير لي
حساس عند الثروتل بدي والمشكلة نفسها وبعدها غير لي الكنترولر
اللي يجي فيه سبرنج ويكون داخل الكارتير حق الزيت وراحت النتعة
وصارت تعشق عند 25 بدل 30 ، منظم التعاشيق والحساس رجعهم لأنه
ماضبطت، وغيرت الزيت والفلتر ، وآخر شيء قال لي شكله الجير نفسه
فيه مشكلة بالكلتشات او ماشابه، سألته عن التوضيب قال لي 1800 ريال
كامل مع الزيت والقطع أمريكية، او قال لي تركب لك جير مجدد اللي يجيبها تراي ستار
من أمريكا، وقيمته ايضاً من بحدود 1800 ريال، بس مدري وين الأفضل اني اوضب الجير
الشد بلد واكون عارف وش ركبت فيه وايش غيرت له واعتقد افضل من المجدد اللي
ما أدري وش القطع اللي داخله؟

واعتقد تراي ستار يعطوا ضمان ستة اشهر أو سنة مدري بالضبط على الجير المجدد !
عموماً الميكانيكي قال لي غيرت لك الأشياء اللي ممكن يكون منها وهي الأشياء الخارجية
ودام ماضبط معناها مشكلة داخل الجير.

لا والله ياغالي وان شاء الله بحاول اشوفه واسأل عنه
واتمنى يكون الخلل شيء بسيط.


تسلم ياغالي ولاهنت ع المعلومات القيمة حقيقةً.
وبإذن الله اسوي اللي قلت عليه وان شاء الله تضبط المشكلة .

هلابك اخوي شوف اذا حساسات القير تمام عندك وماتحس بالسيارة ثقل ولاقر داخل القير اثناء التغيير اخسر 200 ولاتخسر 3000 انت غير الزيت والفلتر اول حاجه سعر الفلتر الاصلي ب60 ويمكن ارخص والوجه ب60 اذا بتغيرة والزيت 5 العلب ب50 وشغل يده ب50 واذا ودك تغير زيت الطنجرة يكون افضل وتزيد 7 علب يكون 12 علب كامل
ومن ناحية سيفون المكينه كيف تعرف انه اصلي اذا جيت تشتري بتحصل بجنب الربل الاسود(الوجه) طبعه بلون ابيض واخضر وسعره ب13 وارخص من كذا تجاري
وشيك على هواء المكينه اذا كان مرتفع حاول تنزله


واذا انت خايف انه مايضبط معك القير انت جرب الطريقه اللي ذكرتها لك من قبل وشوف اذا القير يفضي عليك او لا اذا مافيه فضاوة ويعشق الاربع ريح راسك وراح اعطيك على كم يعشق بالضبط كوضع طبيعي
من 1 الى 2 من 12 الى 16 كم
من 2 الى 3 عند 35 كم
من 3 الى 4 من65 الى 70 كم
هذا اذا كنت تمشي بهداوة وشوف اذا كان مايعشق الا اكثر من كذا يعني 1الى 2 مايعشق الا فوق ال20كم ومن2الى 3 فوق ال40 ومن3 الى 4 عند 80 المشكله تكون من الفلتر واسف ع الاطاله وربي ييسر امرك وبالتوفيق.........

ها اخوي شديت السلك والا لا

انا مدري اذا الفورد يختلف عن الكابرس في سلك القير والا نفسه

لاني شفت سيارات كثيرة وتقريبا كلها بنفس الطريقة

اذا ما يختلف راح اعلمك بالطريقة

تسلم ياغالي ولاهنت ع المعلومات.
يليت تدلني وش أغير، 12 علبة زيت ميكرون M
وفلتر الجير؟ طيب وش فيه ثاني يخص الزيت أغيره؟
وهل مثل ماقال لي الميكانيكي انه ماراح يتغير الوضع عندي عند تغيير الزيت
أو راح تزيد المشكلة مثل ماأفادني ؟

عموماً انتبهت لفلتر المكينة اتوقع سألتني عنه وهو من نوع motorcraft ولونه أبيض.

هلابك اخوي كيف فيه فضاوة بالكلتشات لو كان فيه فضاوة راح يفضي عليك القير وانت تمشي او يطلع صوت قرة كأنك تسوق قير عادي وماضغطت ع الكلتش بقوة لكن حط القير على D1 واضغط فرامل وبنزين(لاتباوش هههههههه) وادعس بشويش مع ضغط الفرامل لحد مايفز الموتر بقوة تحس ودة ينطلق اذا مافضى القير القير تماااااااااااااااااااام و100% باذن الله ومن ناحية الزيت كل 35 اذا كان 5 علب وفلتر لكن اذا بتغير 12علبه مع الفلتر الطنجرة والقير اقل شي 80 الف اذا كنت محافظ ومنظم الهواء عندك تمام لكن فكة ونظفه ونوع زيت القير ميكرون M وتغييره افضل واللون مايقلب مثل لون المكينه لكن يصير احمر غامق على سواد خفيف لكن اذا كان القير نظيف مو شرط يقلب لون الزيت اللي يقلب لون الزيت اذا كان القير على وشك التبويش لأنه يكون متأكل من الداخل ويكون الزيت كله براد حديد اتمنى فهمت على واسف ع الاطاله وبالتوفيق...........

راح اسئل عن مكانه واشوف او اوديها يشفونه .
لاهنت ع المساعدة عزيزي.


ان شاء الله هذا اللي راح يكون وبإذن الله تنحل المشكلة
واشكر مساعدتك عزيزي.


فصلته ياغالي وصارت خفيفة بس مشكلة الجير ماتغيرت وهي التأخير في التغيير من الأول للثاني
وشيكت ع الزيت حقيقةً شفته أحمر ومو ناقص مدري هل هو يصير اسود مثل زيت المكينة مع
الوقت ولا؟

المعيار شفت مكتوب عليه Mecron ®
وبعدها ارقام وآخر شيء حرف
M

وتقصد الوجه للفلتر؟

عموماً سألت ميكانيكي صاحبي وهو اللي كانت عنده السيارة
يقول تشييك الجير ما اتضح انه فيه مشكلة بالحساسات وزيت الجير نظيف مو تعبان
وفيه فراغ شوي بالكلتشات ومانصحني ازبطها الحين لأنه نفس التكلفة سواء الحين أو اذا زادت المشكلة
لأنه راح يعتبر توضيب جير بالنهاية، وعن تبديل زيت الجير قال لي اذا بدلته راح تظل نفس المشكلة أو تزداد.
وايضاً قال لي تبديل الزيت يكون كل سته شهور أو 35 ألف. هذا اللي قاله والله العالم.

هلابك اخوي طمني فصلت سلك منظم الهواء وجربت ولالا شوف الفورد اذا غيرت الزيت مرتين او ثلاث بدون سيفون على طول تكون السيارة ثقيله لكن دام القير يغير الاربع تعشيقات ان شاء الله انه تمام بدل زيت القير والطنجرة 12 علبه مع الفلتر ويمشيك 100 الف بدون ماتغير الفلتر واذا كان الوجه اصلي(ربل اسود) ماعليه وان بغيت الاسعار وكيف تبدل زيت الطنجرة انا حاضر وبالتوفيق.......

اسهل الحلول غير زيت القير مع الفلتر ودائما ابدأ بالسهل ثم التدرج الى الصعب وشكراً

شيك على سلك الجير المشبوك في الثورتل بدي شده شوي

تسلم عزيزي ولاهنت ع الحلول والرد
بالحقيقة السيارة كانت للوالد وبعدها استخدمها اخوي والحين عندي
وهذا اللي جاء ع بالي اني اشيك على زيت الجير او ابدله مع الفلتر واشوف بعدها
بالعلم انه قبل صيانة المحرك ماكان فيه شيء في تعشيقات الجير.

وبالنسبة لزيت المكينة تبّدل الإسبوع الماضي عند صيانة المكينة بـ 30-10 w اذا ماخاب ظني. والسيفون من المفترض انه اصلي .