خبراء الكربريتر والديلكو دقائق من وقتكم لو سمحتم ....

ZDA @user_239348 · 24-09-2010

السلام عليكم ورحمة الله وبركاته ...

نبدأ بمشكلة الديلكو :

اذا جيت اطفي السياره ماتطفي مباشره يعني اطلع المفتاح من الدقمه الموتر بعده ماطفى :smilie16:
ومن المعروف لو الديلكو يحتاج وزن تسمع حنه بالموتر وشخصياٌ وديتها لورشتين
قالوا الديلكوا مزبوط وواحد فاهم من الحي قال الديلكوا مضبوط ؟

طيب الحين لحبيبنا الكربريتر :

احياناٌ اذا طفيت السياره ... ترتعش السياره
واسمع صوت يصدر من الكربريتر
سابقاُ اذا طلع الصوت ينفلت لي من الكربريتر
واذا انفلت تطفي السياره ولازم يا ادعس بنزين او اعشق بنمره
طبعاُ بعد مانظفت الكربريتر اللي ماعاد ينفلت من مكانه
والصوت صار اخف

يإنتظاركم واذا شرحي مبهم علمووووني

طبعاُ هالمشكلتين من قبل رمضان والموتر عايش حياته معاهن ..

لكن بديت اخاف ممكن فيه اعراض سلبيه بالمستقبل ..

بإنتظاركم :wavey:

احب ترابك يانجد @user_172202 · 26-09-2010

فداك اللاش ياولد الاجواد وماعليك زود وان شاء الله ربي يرزقك أحسن سيارة بس يبي الصبر وانا اخوك والله يكتب لك اللي فيه الخير وبالتوفيق............

ZDA @user_239348 صاحب الموضوع · 26-09-2010

ههههههههههههه فداك الموتر وراعيه

اااااامين بس يارجال مابي بانوراما ابي مثل هالموتر :

فل اوبشن :smilie20:

انا بعد شوي بطلع اشوف بكم يرشون جناح عشان اركب لها واحد :bigggrin:

واحاول امر على الورش واشوف الديلكو ... جزاك الله الف خير يالنشمي :xyxthumbs:

احب ترابك يانجد @user_172202 · 26-09-2010

هلا بك اخوي الله ييسر لك امورك ويرزقك ببانوراما بس لاتنسى ترا اذا جيت اتزوج راح اخذها ليله عرسي اكشخ فيها خخخخخخخخخ الله يكون بعونك طيب انت روح لأي ميكانيكي وخليه يكشف ع الشاكوش والبليتين يمكن محتاج وزن بس ونادر الشاكوش يخرب وبالتوفيق............

ZDA @user_239348 صاحب الموضوع · 25-09-2010

ياخوك المشكله مهي بالدراهم
انا عندي مبلغ حاجزه للموتر لو احتاجت لاقدر الله..
لكن المشكله اذا بغيت تغيير بعض القطع مثل الشاكوش
يارجال بلشه ووين راح تلقى محل مازدا يبيعها لك :mad1:
شكلي برقع لها مثل غطاء الديلكو .... ميتسوبيشي :bigggrin:

احب ترابك يانجد @user_172202 · 25-09-2010

هلابك اخوي المشكله ماهي مكلفه ممكن ماتكلفك 10 ريال حقت وزن البليتين او يمكن ماتكلفك 50 ريال مع تغير البليتين او شاكوش الديلكو ماتستاهل انك تخليها اذا كنت تستخدم السيارة بأستمرار اذا كان اسبوع مافيه اي مشكله ان شاء الله اكثر من كذا الله واعلم وبالتوفيق............

ZDA @user_239348 صاحب الموضوع · 25-09-2010

امممممممممم < انلحس مخه :bigggrin:

انا لي قعده مع الكربريتر والديلكو مع نهاية الأسبوووع ومعاها كل شي يباااان ..

طيب لو تركت هالمشكله بدووووون تصليح لشهرين فيه اضرار ؟؟

احب ترابك يانجد @user_172202 · 25-09-2010

هلابك اخوي الكربوريتور تمام والمشكله من الديلكو مو من الوزنيه المشكله من داخل الديلكو اذا كان الديلكو بليتين عادي يبي له وزن او تغير ووزن صح وشيك ع شاكوش الديلكو وغيرة ان احتاج تغيير وان شاء الله تكون الامور تمام وبالتوفيق............

ZDA @user_239348 صاحب الموضوع · 25-09-2010

الله يعطيكم العافيه جميعاُ

بحكم قدم موديل السياره وشعبيتها الضعيفه ..

ماراح القى لها طقم اصلاح .... ولا كربريتر جديد

وماعندي وقت اني ادور بالتشليح على كربريتر ولا على طقم اصلاح

راح استعملها بدون اصلاح الخلل ... فيه نتائج سلبيه يا اخوان ؟؟

ممكن شهرين او ثلاث شهور بعدها راح اصلحها

+KoRn @user_19776 · 25-09-2010

غير كربريتر جديد

واكسف على طرمبة الينزين او المنظم

احتمال ماتوقف ضخ الوقود مع اطفاء السياره

كوكو 99 @user_214109 · 24-09-2010

اتوقع المشكله من كراسي المكينه

انا كانت معي كورولا موديل 99

كنت اذا طفيتها ما تطفى تجلس شغاله شوي و بعدين تطفى و احيانا تجلس اكثر من نص دقيقه

غيرت كراسي المكينه و صار كل شي تمام

و الاحتمال الثاني ممكن يكون البنزين ما يحترق زين داخل المكينه

اتمنى اني افدتك

M~أمير بكلمتي~M @user_58367 · 24-09-2010

وعليكم السلام ورحمة الله

ياليت يالغالي تذكر نوع وموديل السيارة حتى تكون الأفادة لك وللجميع

بالنسبة لمشكلة فيه ليست من الديلكو نهائياً , وانما من نفس الكربريتر يحتاج اصلاح كامل

او على اقل تقدير وزن , وياليت تذكر لنا اذا كان يتوفر عداد ضغط في السيارة كم يكون الضغط وانت واقف

طبعا سبب عدم انطفاء السيارة بسرعه هو ان الكربريتر يسحب هواء زياده وهذا يسبب تعليق

في الريس يكون مرتفع وعدم انطفاء السيارة بسرعه

خلاصة الكلام تحتاج الى اصلاح وتنظيف و وزن للكربريتر

أخوكـ

ZDA @user_239348 صاحب الموضوع · 24-09-2010

لا الكربريتر ممتااااااااااااز

مافيه الا هالمشكله

SUBARU2008 @user_83200 · 24-09-2010

هذي المشكله صارت عند اخوي وكانت المشكله من الكبريتر
انت غيرت له اصلاحات ولا لا ؟؟