قناة السيارات
السلام عليكم ورحمة الله وبركاته..
اخواني مثل واضح العنوان.. لماذا المشتري والشريطية يسألون عن ممشى في بداية السؤال للبايع او في المعارض..؟
علماً ان ممشى سواءً قليل او كثير مايضمن على المشتري ..
مثلاً شخص اشترى سيارة لايخرج بسيارته كثير ولايهتم تغيير الزيت والصيانة وفي الاخير نحن لانعرف السالفة...
او في بعض السيارات يمشون بكثير جداً جداً وثم يبرمج العداد السيارة الى أقل بواسطة جهاز موجود في ورشات مختصة لبرمجة الكمبيوتر والخ ..
نبى نشوف ارائكم...!
بس المبرمجين هذولا يبرمجون بالدس
وعليكم السلام ورحمة الله وبركاته
السيارات يا طويل العمر لها عمر افتراضي مثل ما تعرف
واوضح مؤشر لعمر السيارة هو عداد المسافة حتى لو كانت الصيانة مهملة ام لا
اذكر يوم كنت ساكن في جدة جارنا كان يبيع ويشتري في المستعمل
فنصحني قالي اذا اشتريت مستعمل حاول انك تشتري ويكون عداد السيارة اقل من 100 ألف لأن هذا يدل على ان السيارة ما استهلكت كثير
حتى زيت المكينة اول ما تشتري سيارة جديدة وكالة تغيره بعد 15 ألف كيلو بالنسبة للألماني لكن اذا وصل العداد لـ 60 أو 70 ألف او اكثر تصير تغير الزيت بعد 5 أو 6 آلاف كيلو ( التغيير أصلاً يعتمد على مالك السيارة قبل ان يقاس على المسافة )
وعليكم السلام ورحمة الله وبركاته
شيء طبيعي ممشى السيارة من الأشياء التي تدل على أستهلاك السيارة أم لا وحتى لو كان هناك تعديل في ممشى السيارة راح يبين من العمر الأفتراضي للسيارة من ناحية نظافة المقاعد هل هي مستهلكه أم لا نظافة البدي هل بها خدوش أو أصتدام من قبل أم لا نظافة الشمعات راح تبين وعند الكشف على باطن السيارة من ناحية شاصية السيارة هل يوجد بها صدأ هل يوجد بها أصتدام من قبل راح يبين والورش المتخصصه في هذي الأمور كثير وفي الأونه الأخير بدأ يظهر لنا كل يوم شركات تقوم بتطوير أجهزة كشف العيوب بالسيارات وأمتلاك بعض الورش المتخصصه منها عندنا بالسعودية حتى الشريطيه بدأو يخافون على تجارتهم منها لأن البعض وليس الكل يبالغ في وصف السيارة وبالأخير بعد الكشف كل شيء يبين.
رد مع اقتباس