افضل ماوجدت من انواع كفرات الفورد وحبيت اشارككم ....

3ashg55 @user_147610 · 16-09-2010

بسم الله الرحمن الرحيم

كيفكم يا اعضاء انشاءالله بخير :wink:

بدون مقدمات

انا مقدم على شراء اطارات لسيارتي ماركيز 2007 جنوط 16

وقد ضعت في عالم من الإطارات بسبب كثرت الخيارات التي امامي :confused1:

طبعا راح يكون اختياري احد الماركات العالمية :xyxthumbs:

ميشلان , هانكوك ، برجستون , يوكوهاما

طبعا من كثرت المواضيع الي قرأتها بالنت عن الإطارات وللأسف

البعض يسب مثلا كفرات مشلان لأنها لينه او قاسيه
او تتسحل بسرعه (مجرد مثال)
وفي الحقيقه هو قام بشراء إطارات ذات رقم TREADWEAR اقل من 100
طبيعي انها ماراح تكمل معاه سنه

مع العلم انه ميشلان صنعة اطارات بــ TREADWEAR مختلف الأرقام من 100 حتى 800

والخبراء ينصحون بشراء ارقام من 200 فما فوق

واكثر الي عندنا بالسوق الأغلب مابين الـ 200 الى 400 حسب ماشفت بعيني بالسوق

وانا احد إطاراتي رقم الــ TREADWEAR الي عليه 740

واستخدمته لمدت سنتين ونصف ومشاويري كثيره وحتى الأن كأنه جديد ولم (يتسحل)
مع العلم انه في الأمام وليس في الخلف

بس مشكلته السرعه و الـ TEMPERATUER رمزه B

فـ مو ذنب ميشلان ان بعض الناس مايعرف يقرأ المعلومات على الإطار :a1120(121):

هل معقول اني اشتري سيارة دفع رباعي 2010 من نسان مثلا اكس تريل (132 حصان)

واحكم على نيسان بالسيارات البطيئة والغير قوية

بينما يوجد هنالك سيارات دفع رباعي قويه2010 كـ الباترول (400 حصان)

:confused1::confused1:

كل شركه قويه تظع امام المستهلك كل الخيارات الممكنه لترضي كل الأذواق ولا...

كلامي ممكن يكون صح وممكن يكون خطأ :smilie16:

ادري طولت عليكم <<<<< يحب الفلسفه

على كل انا رحت اليوم لم وكيل يوكوهاما و برجستون

وحصلت المواصفات هذي

يوكوهاما ياباني

P 2225/60 R16 98W

TREADWEAR 300

TRACTION A

TEMPERATUER A

بــ 400 ريال

طبعا السرعه والحراره والإحتكاك ممتازه بس الـ TREADWEAR هو حلو وممتاز بس انا طماع ابي رقم اكبر

وللمعلوميه الـTREADWEAR تعني احتكاك الزرع او الدعسه او عمره (الوكاد انه كل مازاد الرقم كل ماكان افضل)

وحصلت

برجستون ياباني

P 2225/60 R16 98V

TREADWEAR 260

TRACTION A

TEMPERATUER A

بــ 420

طبعا لو انلاحظ انه
السعر والسرعه والدعسه لصالح الـ يوكوهاما
طبعا هذي اسعار الوكيل

رجعت وبحثت بالنت بالمواقع الأجنبية عن الكفرات ومواصفاته

وحصلت مشلان مواصفات حلوه مره

Michelin Pilot Sport A/S Plus

P 2225/60 ZR16 98W

TREADWEAR 500
TRACTION AA
TEMPERATUER A

شوفو السرعه
وشوفو الإحتكــاك
وكل المنتديات الأجنبيه تمدحه

وهذي صورته

طبعا هو نوع سبورت ومواصفاته لسيارات السباق فـ هو فوق الي انا احتاج وبزياده

بس انا حاط عيني عليه:cool1:

طبعا سعره بالنت 142 دولار << 533 ريال

وحصلت

Michelin Primacy MXV4

P225/60 R16 98V

TREADWEAR 620
TRACTION A
TEMPERATUER A

هذا حلو ويصلحلي

وسعره 141 دولار <<<< 528 ريال

وهذا الكفر حقي الي عيا لايتسحل واسمه

Michelin x radial

P225/60 R16 97T

TREADWEAR 740
TRACTION A
TEMPERATUER B

بس السرعه والحراره مو الي ببالي

,,,,,,,,,,,,,,,,,,,,,,,,,,,,,,,,,,,,,

هذا افضل مالقيته على النت لمشلان
ياليت احد من اهل الرياض او الشرقيه يمر الوكيل الجفالي
ويأخذ معه اسامي الكفرات ويسأل عن سعرهن ويفيدنا

وادري اني بنصدم بأسعارهن :a120(89):

وبحثت عن برجستون
وحصلت

Bridgeston Turanza Serenity

P225/60 R16 98H

TREADWEAR 700
TRACTION A
TEMPERATUER A

مواصفات حلوه وممتازه
بــ 127 دولار >>> 477 ريال

وحصلت

Bridgeston Potenza RE960AS Pole Position

P225/60 R16 98W

TREADWEAR 400
TRACTION AA
TEMPERATUER A

ايضا مواصفات حلوه

بـ 121 دولار >>>454 ريال

وبعد كذا دخت من كثر الفرفره بالنت من موقع لموقع

وهل تتوقعون اذا حصلت الكفرات عند الوكيل هل راح تكون نفس سعر النت ولا لا ؟؟

وسؤال للخبراء وللي يعرف

كل الكفرات أو اغلبها

P225/60 R16 98H

رمز R
وهو على حسب معرفتي يرمز إلا ان الكفر مصنوع
بطبقات من الأحزمة الفولاذية
وهذ اغلبية الكفرات

و

P225/60 B16 98H

رمز B
يرمز إلا انه الكفر مصنوع
بطبقات من الأحزمة النسيجية

بس كفر الميشلان السبورت الي حاط عيني عليه

P 2225/60 ZR16 98W

وش معني ZR
؟؟؟؟

بحثت بالنت ماحصلت شي

الي عنده علم لايبخل علينا

مع خالص تحياتي :

مجنون بحبك FORD @user_250957 · 12-01-2011

الله يعطيك العافية على طرحك للموضوع وشكلها مصادرك كلها من مواقع شركات الاطارات أنا أهنيك على موضوعك الشيق والله يعطيك العافية بس أفضل شركة أطارات ميشلان والتاريخ يشهد لها

الدحمي700 @user_102606 · 12-01-2011

الياباني
برجستون يوكهاما
السومتومو تيوووو
الامريكي
مشلان قودير

الرعـــــودي @user_200388 · 06-11-2010

طيب انا
كنت اشتري بردجستون ترنزا 225-60-16
وكان دون 400 الآن وصل 440 و450

وابغير

وش افضل التويو ولا السوموتومو ولا هانكوك ولا الدنلوب لانها اسعارها كلها متقاربه من 300 الى 330

ماركيز لمتد @user_237077 · 18-09-2010

اذا الميزانية تسمح الميشلان الافضل من جميع النواحي
واذا تبغى ارخص نصيحه لاتدور غير التويو قبل يومين مطقم للماركيز تويو (بروكسس)
235/60/16
w = يعني السرعه مفتوحه
صراحه الكفر ناعم البارح جاي من سفر على 190 رساوه وثبات لكن يعيبه فيه صوت بس مو قوي يعني لو ماكنت مجرب ميشلان ماراح تحس بالصوت

Night @user_14595 · 17-09-2010

السلام عليكم ورحمة الله وبركاته

اخي الفاضل انصحك للفورد للرساوه والهدوء والثبات الميشلان

وبالتوفيق ان شاء الله

مع التحية

Night

تم نقل الموضوع من منتدى السيارات العام الى قسم الالكترونيات والاكسسوارات والعنايه بالسيارات

سامي القرشي @user_164823 · 17-09-2010

السلام عليكم ورحمة الله وبركاتة

جايبلكم عن انواع الكفرات
طبعا تنوعت الكفرات وتشكلت فاليوم الواحد لو بيشتري

كفر مايدري ايش بيشتري
ومايدري ايت الافضل كل مين يقول هذا الكفر افضل
طبعا الفضليه تكون للكفرات المعروفه

ً
راح نبدأ بالكفرات الممتازه
تقريبا في المقدمه برلللي ومن ثم هذه الكفرات الأخرى على رغبة الركاب
دانلوب تويو ميشلان برجستون جود يير
وبعدين تجي
الفالكين والكومهو والهنكوك
وبعدين الكفرات الصينيه
مثل وانا وجي تي وغيرها طبعا الكفرات كثير وحنا ذكرنا بعضها والمشهور منها
طبعا هاذي الكفرات معظم الناس بيشتري الكفر مايسال عن تحمله للحراره
ولا الظغط لاكن الاشياء هاذي مهمه وممكن تتسبب في اضرار ماديه ومعنويه

عالعموم لااطيل عليكم بانسبه للكفرات لها سرعات معينه فكل كفر له سرعه معينه
واذا مشي اكثر من السرعه المحدده له اكثر من ساعه ممكن يضرب عليه باي وقت
وهاذي هي السرعات علماً بانها في بعض الأحيان بتختلف من شركه لشركه

J يتحمل سرعة 100
K يتحمل سرعة 110
L يتحمل سرعة 120
M يتحمل سرعة 130
N يتحمل سرعة 140
P يتحمل سرعة 150
Q يتحمل سرعة 160
R يتحمل سرعة 170
S يتحمل سرعة 180
T يتحمل سرعة 190
H يتحمل سرعة 210
VRيتحمل سرعة 210
V يتحمل سرعة 240
ZRيتحمل سرعة 240
w يتحمل سرعة 270

من ناحيتي انا نوع الكفر بريجيستون ونوعه سبورت w دعسه رياضية

The_Game @user_133527 · 17-09-2010

طيب شفت البريلي
انا مركب على الابيكا الجنط مقاس 15
سرعته 210
نفس مقاس الوكاله الاصلي لكن بريلي
صراحه الكفر ماشاء الله من ابدع مايكون
سعر الواحد 420 ريال لكن عليه خصم
تحياتي لك