إستشاره في الباترول ربع سلقه؟؟؟

لكل من رد علي عاجز عن الشكر والردود المفيده...

بحسب ما عرفت من بعض المنتديات انك ممكن تحصله في معارض سيارات جدة ب 95 او 96 الف
وهو فعلا مثل ما ذكروا الاخوان صار الجديد منه نادر بسبب طلب القطاعات الحكومية عليه.

واما رأيي فيه .. فالشهادة مجروحة وبقوة :bigggrin:

بالتوفيق

ياشباب الرياض.... هل فيه معرض معين الواحد يروح له ويحصل عندهم؟
أرجو الإفاده عاجلا لأني رحت رحت للوكاله حصلته ب102 ألف قزاز كهرب ومراتب متقابله فقط والكميه محدوده جدا ونفس الموظف يقول تحصل بالمعارض أرخص بس وييييييييييييييين؟؟؟

إخواني هل فيه معرض معين الواحد يروح له ويحصل عندهم؟

أخوي الوقدان أنا عاجز عن الشكر...تحياتي.

كلامي عن تجربه مع ربع باترول ملك لأحد معارفي موديل 99..مكينة كربريتر..ماشي 459000بمكينة وقير بلده..ما شاء الله تبارك الله..

- حجم المكينه نفس الفتك V T C 4800 وإلا أقل حجم وقوه؟
حجم المكينة 4500 سي سي و حوالي 230 حصان..ما يجي مكينة فتك ابدا..لكن توليفها سهل
- هل هو بخاخات أو كربيرتر؟
من موديل 2004 وفوق بخاخات..اقل من كذا كربيتر..
- كم السعر بالوكاله للفئه GL اللي تجي قزاز كهرب ومرتبه خلفيه عرض؟
ما عندي علم..لكن الربع الاستاندر قيمته 105000 جديد..وحسب علمي ما راح تلقى بالوكالة..لأن الحكومة محتكرة جميع دفعات الباترول السلق للقطاعات الامنية..
- هل الفرق بينه وبين الفئه S اللي تجي قزاز هندل ومراتب متقابله كثير؟
ما ادري والله..
- بالنسبه للإستخدام داخل المدينه ممل من القير والكلتش والحوسه أم أن التغييرات سلسه ومريحه؟
مريح بشكل عجيب وتغييراته جدا سلسة وسواقته انعم من منافسيه وعزله وتكييفه جدا ممتاز..
- هل يعتبر الرانجلر الجديد أفضل؟
بالنسبة لي..لا..الرانجلر افضل كخفة وزن وحداثة شكل واكثر شبابية..والباترول اقوى واريح وافضل في العزل والتكييف ووكيله افضل من وكيل دودج كما انه مرغوب اكثر عند اعادة البيع..الباترول يكرف كرف الويل وما يشتكي..
-العيوب الميكانيكيه اللي مرت على مستخدميه؟
اغلبها مشاكل كهربائية اصبحت شبه نادرة من موديل 2004 وفوق..
-أفضل مكان أشتريه منهم الوكاله وإلا المعارض؟
المعارض بكل تأكيد ارخص من الوكالة بمبلغ يصل الى 5000..


بالتوفيق...

بكل الحالتين ماراح إشتري إلا وكاله شكرا على مرورك إخوي جمس 91 وننتظر باقي الإخوان.