س : متى اغير زيت سيارتي وهل لون الزيت او لزوجته دليل على صلاح الزيت ام فساده؟

[الحنووووني]

السلام عليكم ورحمة الله وبركاته

مبروك عليكم الشهر وعلى كل المسلمين

انا ابي استفسر ممن لديه خبره او علم في متى يمكن او يجب ان يغيير الزيت لأن مره غيرت الزيت وقال لي الكهربائي زيتك يحتاج الى تغيير وانا ما صار لي شهر مغيره ولونه اشقر وانا ما اسافر برا المدينة
والأن صار لي 4 شهور ما غيرته وانا ابي استفسر منكم يا اخوان لكي استفيد و انفيد بإذن الله عز وجل ياليت الاجابات تكون واضحه جداا ومفصلة وهل لزوجت الزيت او لونه يحدد صلاحه ام فساده وجزاكم الله خيرا وكل عام وانتم بخيرر ...

[احب ترابك يانجد]

هلابك اخوي من الغلط والشائع لدينا للكسب من وراء ظهورنا والاحتلال عل علينا على قولتهم من باب العناية والمحافظه على المحرك لابد تغير الزيت كل 3000كم هذا اكبر غلط 3000كم انا امشيها بأسبوع واحد يعني بالشهر كحد ادنى امشي 8000 كم يعني اغير مرتين او ثلاث مرات بالشهر هل هذا يعقل انا عن نفسي بالصيف من 7000 الى 8500كم بس كل تغيرة بالسيفون هذا بالصيف الشتاء مااغير اقل من 9000 ورغم اللزوجه باقية وبقى اللزوجه دليل على ان كفاءة الزيت باقيه من ناحية اللون سواء تغير ام لم يتغير عادي اهم شي اللزوجه وبالتوفيق .............

[Nice_Man]

كلامك غرييييب يا (( اعشق ترابك يانجد )) .... شقاعد تقول يارجل

الزيوت انوااااع للصبح ... في شي 2000 كيلو .. في شي 5000 كيلو في شي 10 الاف كيلو في شي 15الف كيلو

يعني تلاقي موبيل 5000 وموبيل 10 الاف وكذا .... مو كل الزيوت زي بعض .. ولا احد نصب عليك ولا شي

وتغيير الزيت اللي بدون ترتيب هذا من الاشياء اللي تعدم ام السياره

تدخل تختار زيتك يا من موقع النت حق الزيت وتشوف ابو كم تبيه

وكل ما كان يمشي اكثر كان سعره اعلى لكنه اثقل حبتين .. فتلاقي السيارات الجديده احيانا يحط لك زيت 5000 مو 10 عشان يكون اخف .. وحتى لو حطيت 10 مامن خلاف طبعا

وتعرف مثلا موبيل ... بالرقم هذا ابو كم .. وتحطه .. ولمن تمشي المسافه المحدده تغيره وصلى الله وبارك


وبالتوفيق لك

[اشهب العين]

شباب اذا كان لون الزيت اسود غيروووه نصيحه لانه يعدم الماطور \\\\\ اما اللزوجه فهي مهمممممه جداجدا

[احب ترابك يانجد]

هلابك اخوي NICE_ MAN محد لعب علي ولا شي اول شي السيارة مااستخدمتها بطلوع او نزول ولا للسرعات العاليه من 180 وطالع ولااستخدمت السيارات للتحميل ؟؟؟ اتمنى كلامي واضح انا راح اسألك سؤال واحد زيت بترومين الترا 7 لزوجه 20\50 العادي اللي بالبناشر الحد الاقصى لتغير الزيت على كم كيلو يقولون البناشر بعد 4000 بالكثير لكن تفاجأت عندما ذهبت لبناشر بترومين اكسبرس ونفس الزيت يمشيك 12 الف على الضمان بنفس اللزوجه ...؟
انا اعلم ان للزيت له لزوجه مختلفه خفيف او ثقيل مثلا شل سوبر بلس استخدمه يومين يقلب لونه على طول خلال الالف كم الاولى هل هذا يدل على عدم جودته وهل اذا قلب لونه يلزم التغيير ب 2000 كم الاولى بالرغم اني امشي 2000 باقل من اسبوع واحد يعقل التغير بالشهر 4 مرات خلينا واقعيييييييييييييييييييين اترك الجواب لك .....؟
علما بأن الزيوت العادية الموجودة بالاسواق لدينا هنا بالسعودية كافيه وتتحمل الى 12000 كم بوضع طبيعي ...
شوف اخوي بدل زيت سيارتك مع السيفون وروح لأقرب بنشري وخليه يشوف لك الزيت اذا مشت السيارة 3500وقول له مشى 7000 الاف 100% راح يقولك غيرة طيب خلي الزيت يمشي 7000 وروح لبنشري ثاني وخليه برضو يشيك وقوله ماشي 3500 هل يمشيني الف زيادة واجي اغيرة عندك مثلا الاسبوع الجاي بيقول اوكي بدله اذا مشيت الف زيادة المسأله غش في غش وانا اخوك وانا جربت هذه الحركة على اكثر من بنشري وطلعت بنتيجه مع العلم استخدم زيت بترومين اكسترا سعر العلبه 9 ريال 9*5=45+15سيفون+شغل يد 15 المجموع75 ريال هذه قيمة التغيير(بالله عليك تقولي بكم انت تغير زيت سيارتك) الله يديم الرخص والله اني اغيرة على 8000 ويبقى فيه لزوجه اتمنى انك فهمتني بوضوح ولازم ننتبه من الغش ونصب البناشر ماضنيت الاجنبي وانا اخوك يبي الخير للسعودي عينه على رياله وبس مسأله التغيير كل 3000 او 4000 والله انها تجارة على ظهورنا واسف ع الاطاله وبالتوفيق.........

[Nice_Man]

ياقلبي انت ... لمن جاني على الايميل انك رديت قلت شكله زعل مني

بس الحمدلله

كلامك سليم وكلامي سليم .... الزيت اللي بعد 1000 تغير ... وعند ال2000 تنتهي لزوجته هذا مو مغشوش ولا شي ... هذا هو مصنوع كذا ... انت تخلص ال2000 باسبوع
غيرك بالشهر يادوب 1000 ... انت ماراح تحط الخفيف اكيد لانك مستهلك
راح تحط اللي يمشيك 10000 الاف
الالترا اللي قلتلي عليه ما اعرف والله كم يمشي

بالوكاله انا هم يحطولي موبيل 40 مدري كم ابو 10 الاف كيلو .. وفي موبيل بس بارقام ثانيه يمشي 5000 ارخص منه ..


يعني انت صح وانا صح ... وموفق خير

[احب ترابك يانجد]

هلابك اخوي والله مازعلت ولا شي بس هذا الواقع افا عليك بس شي يقهر اشوف هالنصابين يلعبون علينا وحنا ياغافر لكم وانا اعرف انواع الزيت تخليقي وغير تخليقي وله كم نوع بس الزيت اللي يتغير كل 2000 هذا على حسب ظروف القيادة مثلا بمناطق الوعرة والطلوع والنزول والتحميل انا معك بهذه ولكن كلامي عن الزيوت العادية الموجودة بالاسواق لدينا وبحكم الشايب الله يطول بعمرة كان ميكانيكي سابقآ وكنت احد ضحايا التغير المبكر للزيت مسكني وعلقني قال لي شوف تأخرت او استعجلت بتغير الزيت كله واحد اهم شي روح المكينه ؟؟؟؟انا اسأله وش روح المكينه قال الرديتر بالأخص الحرارة اذا المكينه مايجيها حرارة تيقن يقين تام الزيت ماراح يحترق بسرعه ولايقلب لونه الا اذا كان بالمكينه خلل راح يقلب الزيت بسرعه ب1000كم الاولى لكن من ناحية اغلب السيارات الجديدة تحتوي على مبرد لزيت المكينه يعني لاتشيل هم الزيت واسف الاطاله ولكن من باب الفائدة وبالتوفيق...........

[فكتوريا2000]

يا رجال انا مزاجي امشيها 4000 او 5000 وبين كل مرتين سيفون والحمد لله تمام

وحسب ما قريت من أحد الخبراء هنا ان تغير لون الزيت طبيعي لكن مو في اول 500 كيلو ويصير اسود مرة

لان الزيت ايضا يقوم بعملية التنظيف ولازم يسود


واشوفكم هنا تقولون الكذب علينا



مرة غيرت الا ويجي اقول تعال شوف السيفون يهرب زيت


نزلت لعنده تحت السيارة واناظر الا والزيت على السيفون كله وشوي على الحديدة اللي شكل ضرب تحت الكارتير

قلت لا تغيره عادي بس امسحه ونظفه


مسوي ذكي ال*** السيفون مليان زيت ومهرب قليل على الحديده


المهم دقيت على اخوي وقلت له شف بالحوش مكان السيارة فيه شئ زيت


قال لا



عرفت انه يصرف اللي عنده