السلام عليكم ورحمة الله وبركاته
الإخوة الأعزاء بارك الله فيكم
حصل معي هذا الأمر وهو أنني أقود السيارة على طريق خريص
وفجأة كأن شيء ضرب بالسيارة من تحت ( من جهة السائق وذهب إلى الجهة اليمنى )
وأنا طنشت هذا الشيء توقعت عصا بالشارع
المهم تعديت 200 متر من بعد الضربة وأتفاجأ إن السيارة ترجف وكأن داخلها برد ( ههههه )
المهم يالربع طفات السيارة لوحدها بعد الرجفة وبعدها شغلتها ومن شغلتها على طول تطفي
وأخذت أشغل بالسيارة حتى مع البنزين وبعدها إشتغلت السيارة ولازم أظل أدوس على البنزين
حتى السيارة تظل شغالة، المهم إني طفيت السيارة وسحبت المفتاح منها ولا السيارة ترجف
تخيل الماكينة ترجف بالكامل ويطلع صوت من نص الماكينة
وديتها للورشة ولا يقول طرمبة بانزين وفتح التانكي وطلع الطرمبة وركب وحده ثانية
وطلع الطرمبة ما فيها شيء
وقال أن الموضوع كله بالديلكو
المهم أن السيارة بعد هذا العطل أخذت تشررب البنزين بشراهة وأيضا الكهرب بالسيارة
يتقطع مع أن السيارة عند الإشارة تطفي أو أي مكان أوقف فيها
والسيارة إل تي زد موديل 1996
فما أدري أركب لها ديلكو تجاري أو أصلي لأن الأصلي حصلته بالجميح 2547 ريال
وهل إن الديلكو القديم أقدر أستفيد منه أو عيار له معين علشان يتضبط ولا كيف ؟؟
وما هي أفضل الورش التي يتم الإصلاح بها مثل هذه الأعطال بالرياض؟
أنتظر إجابتكم وأهل الإختصاص؟؟
