السلام عليكم ورحمه الله وبركاته
كيفكم يا ملوك عساكم طيبين
بغيت اسألكم وانتم اهل خبره بهالامور وش افضل ميزان يقدر يضبط لي الشاصي حق الموتر
لان معي ددسن 2000 وقدر الله علي قبل سنه وطحت بحفره وجات الضربه كلها على الشاص ومال
ورحت للعضيب وقال نسحب لك الشاص ونبضبط لك الموتر قلت تم
ومالكم بالطويله هو سحب الشاص وجربه كم يوم احس فيه حذفات بسيطه بس ما اهميت فيها لاني بعدها شريت انا موتر جديد ونطلت الددسن وخليته حق مشاوير خفيفه ويسوقه اخوي الصغير
وكان اخوي دايم يقول لي الموتر يحذف ويروح يمين ويسار وانا ما اصدقه اقول له مصدق نفسك راكب بانورما يا شيخ تراه ددسن ولا صدقته
وخصوصا انه يقول لي اذا امتلى الموتر ينطل يمين ويسار عاد انا ما دخلت السالفه بمخي ولا اهتميت فيه مع اني كنت اسوقه بعض الاحيان واحس فيه حذفات بس اقول يمكن علشاني تعودت على الموتر الجديد ورساوته
الين جا يا طويل العمر قبل امس وانا رايح اشتري مقاضي رمضان وحملت الموتر والله لا يوريكم والحذفات يالله اقدر اسيطر على الموتر والحمد لله اني رجع للبيت سالم وبعدها قلت لازم اصلح الموتر وخصوصا اخوي يستخدمه وبعض الاحيان انا اطلع به للبر
بعدها علطول وديته للصناعيه القديمه وحلفت اني ما ارجع للعضيب ورحت لميزان المجد فقلت لهم السالفه وقالو لي رح افحص على دوده الدركسون ثم ارجع لنا ورحت لمحلات الهيدروليك وفصحوه وقالوا الدوده سليمه وما فيها شيء
ورجعت لهم وقلت الدوده سليمه فجاني واحد باكستاني ومعه سوري وفحصو الموتر فقالوا ان يوم سحب الشاص ما لحمه زين وانكسر الشاصي ويبي له قطعه شاص وتلحيم وقروشه وبتكلف فوق 1500 ريال وانا شفت الكسر اللي بالشاص والله اليم طوله حول حوالي 30 سم ومتشعر
بصراحه يا شباب ما عندي مشكله ادفع لو حتى 2000 بس اضمن الموتر ويضبطه ويمشي معي صح
ابي نصيحتكم يا شباب خصوصا الموتر يحذف يمين ويسار وحذفات جامده يروغ بالخط حتى اللي خلفي يكبسون لي
يعني برايكم وش افضل ميزان يقدر يسحب لي الشاص ويضبطه الله لا يهينكم لان بصراحه احترت مع هالشاص
واسفين على الاطاله والله لا يهينكم
تحياااتي .......
