تاهو ولا اف جي

o0omer @user_232025 · 27-07-2010

السلام علييكم اخواني الكرام.....
طبعا هذي اول مشاركه لي في المنتدى وان شاء الله ماراح تكون الاخيرهـ...

والله ياشباب احترت وتعبت وانا افكر بموضوع السياره
مواصفات السياره اللي ابيها (جيب-دبل-عملي -يتحمل الرجل الحاره- صياته مب غاليه- والشكل طبعا - وابيه يعيش )...
المهم انا احترت وانا افكر في هل السيارات السيارتين اللي هم (تاهو lt2 - اف جي)
طبعا عائلتي صغيره وانا شباب...
وغير كذا انا استعمالي للدبل مب على طول.....
يعني راح استعمله للبحر اكثر من البر
والله محتار يعني لما اجي اسأل الناس يقولون التاهو حلو لكن البدي حقه خفيف (يقولون خذ جمس احسن على الاقل سعره مايطيح....)>>>بس مشكله الجمس سعره يصلخخ!!!
وناس تقول الاف جي مب مريح ...وان سعره مايطيح عند البيع>>طبعا هذا شي ايجابي
انا اهم ماعندي ان السياره تتحمل شوارعنا اللي رايحه فيها والجو يعني لحد يقولي حسب الاستعمال هذا شي اكييد ...
بس قصدي انها تتحمل الكرف يعني عمليه .. وبصراحه انا اميل للتاهو اكثر ياليت تعطوني رايكم ياشباب وتقولون لي اذا في سياره ثانيه بنفس المواصفات والسعر ....

واذا في عيوب للتاهو او الاف جي يعد ياريت تذكورونها
معليش ياشباب بتعبكم بس هل الموضوع راح يستفيدون منه ناس واجد
وجزاكمـ الله خييير ...

o0omer @user_232025 صاحب الموضوع · 28-07-2010

كثر الله خيركم وبيض الله وجيهكم كلكم ...
ههههه بالنسبه للعيال لسه بدرررررررررري...
بس يعني لهل الدرجه ضيق من وراى ...؟؟؟ يعني عائله صغيره تنفع ولا ؟؟؟
وان شاء الله fj بس واحد من الشباب قالي استنى 2011 يمكن ينزل فيه شي جديد واذا وااذا ما تغير شي بالجديد بيكون
2010 نزل سعره على كل الحالتين ربحان ان شاء الله بس اهم شي الصبررر...
وجزاكم الله خيير ....

رجل قانون @user_169394 · 28-07-2010

انته طلبت مواصفات يستحال ان تجتمع فى سيارة واحدة
لكن ؟؟؟؟؟؟؟؟؟؟؟؟؟
اذا تبي الرفاهية والفخامة والوجاهة وتسيد الخط فعليك بالتاهو وانسى موضوع العمر الطويل والكرف والتحمل وان اردت العكس عليك بالاف جي
هذا باختصار وبلاش مغالاة فى الوصف يا اخوة

@@@ الولهان @@@ @user_97578 · 27-07-2010

الاف جي بالخط عادي .. ماهو سي ولا ممتاز ..

لكن المراتب مريحه .. (ماهو مثل الامريكي طبعا ) لكن ممتاز وترتاح فيه .. لكن اذا عجت الدنيا ماتقدر تسرع عليه ..

انا جربت الموتر سنتين والحمدلله مرتااح خطوط وماحسيت فيه شي يعيبه بالخط ..

في نقطه ان الموتر ماشاء الله عملي الى درجه ماتتصورها .. يعني بنزين وزيت وسلامتك ..

انا انصحك بالاف جي .. واذا جاك عيال ان شاء الله طق تاهو :bigggrin: ..

موفُق

o0omer @user_232025 صاحب الموضوع · 27-07-2010

والله انا سألت ناس واجد وقالوا ان الاف جي احسن لكـ
التاهو حق 3 سنوات بعدين يطلب فشكلي بفكر بالاف جي ....
بس سؤال وابي الجواب بكل امانه هل الاف جي مريج في الخط ولا
وانا اسمع ناس يشتكون ان لما ترجع ريوس بالاف جي الكفر اللي ورا مايخليك تشوف عدل؟؟؟
والله يقدر للي فيه الخير

لحن المشاعر @user_126547 · 27-07-2010

انا جربت اف جي ومعي امريكي

اشوفه افضل من ناحيه شوارعنا الكويسه , يعني ترقى جبل مايتفكك الديكور :bigggrin:

متماسك جدا ديكوره وماتحس انه يتفكك , هذا الشي الوحيد اللي جذبني فيه واعجبني جدا

والاختيار صعب الصراحه , ان شريت الاف جي بكرا يجيك عيال انشاء الله ويكبرون

وتبلش بسعه السياره لانه ضيق جدا بالخلف :bigggrin:

ولا الاثنين يوفون متطلباتك لكن الامريكي لازم تهتم فيه بالصيانه عشان مايتعبك مستقبلا

بالتوفيق واهم شي لاتنسى الاستخاره .

o0omer @user_232025 صاحب الموضوع · 27-07-2010

ما ادري يا شباب صراااحه زتوا الطين بله زي ما يقولون ....
على العموم اهم ششي اني ما استعجل بالشراء ونستنى 2011....

ومشكورين على تفاعلكم كلكم...
بس ماقلتولي التاهو امريكي 100% ولا؟

صاحب النترا2011 @user_231869 · 27-07-2010

تاهو سياره عائليه وممتازه توكل على الله

مرسدس 190 @user_213443 · 27-07-2010

انا افضل لك fj حلو ويكرف ولاتنسى انه تويوتا ....

EXPLORE @user_145101 · 27-07-2010

اذا عندك عائلة أكيد التاهو أو الإكسبدشن

وبالتوفيق ولاتنســى تصلي صلاة استخارة

حاادي العيس @user_225452 · 27-07-2010

o

o0omer

مواصفات السياره اللي ابيها (جيب-دبل-عملي -يتحمل الرجل الحاره- صياته مب غاليه- والشكل طبعا - وابيه يعيش )...
\

دام هذا متطلباتك :

أنا أرشح الـ fj ..

جرب السيارتين , وأستخير والله يكتب لك اللي فيه الخير ~

o0omer @user_232025 صاحب الموضوع · 27-07-2010

مشكورين يا شباب.....
بس بسأل التاهو امريكي 100% ولا ..؟
وتتوقعون اني بلاقي بالمعارض تاهو جديد 2010 lt2 (معارض الدمام)..؟

فهد 77 @user_186130 · 27-07-2010

مدام عندك عائلة والسياراة راح تكون رسميه لك ولمدة اكثر من ثلاث سنوات
ارشح لك التاهو مع اني من معجبفين fg
ولو تنكسل الاثنين وتاخذ فورد إكسبيديشن افضل

KhaledALZahrani @user_28872 · 27-07-2010

المواضيع هذي تفيدك

http://www.assayyarat.com/forums/thread199760.html

http://www.assayyarat.com/forums/thread209127.html