توضيب مكينة الددسن!

[ساري الدياجي]

في البداية أشكر الإدارة الكريمة على هذا الملتقى الرائع وأحيي جميع المشرفين والأعضاء الأكارم ويسعدني استشارتكم فأنتم نعم الأخوة

يا أخوان

أنا عندي ددسن غمارتين موديل 98

ومكينته تصرف زيت بشكل كبير

يعني في الصيف ومع تشغيل المكيف كل ما تمشي 1000 كلم تاكل لها علبة زيت كاملة حجم 1لتر.. وأحيانا تطلب نص علبة إضافية

والسيارة على هالوضع منذ سنتين

وعزمها قوي و ما هو شين

بس أكلتني بالصرفية مع العلم انها لا تظهر دخان أزرق مع الشكمان

وش راي المهندسين وأهل الخبرة

هل تحتاج توضيب كامل؟

أم تسقيط شنابر؟

وكم يكلف هذا

وكم يكلف ذاك؟


وماذا تحتاج بالضبط.. وكم تكلف تقريبا ؟


انتظركم يا أهل الخبرة..

[M~أمير بكلمتي~M]

يجب عليك يالغالي تفحص اذا كان فيه تهريب من خارج الماكينه لا من داخلها

مع الاخذ بكلامك انه لا يوجد دخان ,, شيك على الصوف ووجيه الكارتير والماكينة بشكل كامل

وفلتر او سيفون الماكينه والقاعدة تبعه

اذا كان فيها تهريب زيت او شئ ,, وبعدها تطرق لأمر فك الماكينه وتغير الشنابر فقط

وبعض الجلود الي هي مسببه لنقص الزيت من داخل الماكينة

طبعا ماننسى نوع الزيت الي تستخدمه يجب يكون نفس الموصى فيه ولا يكون اخف

وخاصة مع الصيف انه ممكن يتبخر

أخوكـ

[ساري الدياجي]

يجب عليك يالغالي تفحص اذا كان فيه تهريب من خارج الماكينه لا من داخلها

مع الاخذ بكلامك انه لا يوجد دخان ,, شيك على الصوف ووجيه الكارتير والماكينة بشكل كامل

وفلتر او سيفون الماكينه والقاعدة تبعه

اذا كان فيها تهريب زيت او شئ ,, وبعدها تطرق لأمر فك الماكينه وتغير الشنابر فقط

وبعض الجلود الي هي مسببه لنقص الزيت من داخل الماكينة

طبعا ماننسى نوع الزيت الي تستخدمه يجب يكون نفس الموصى فيه ولا يكون اخف

وخاصة مع الصيف انه ممكن يتبخر

أخوكـ

الله يبيض وجهك على هالتجاوب أخوي أمير

وبالنسبة للتهريب ما أعتقد أن فيها أي تهريب لأني ما لاحظت وغسلت المكينة ولم يتبين لي شي

ومع ذلك سأتأكد- بعد نصيحتك - من التهريب قبل فك المكينة

ونوع الزيت موبيل 40 للخدمة الشاقة

وفي الشتاء ما تنقص كثير

لكن في الصيف الله لا يوريك كل 3 أيام أعايرها وأزود زيت خايف تخبط


كم يكلف توضيبها كامل تقريبا

شغل اليد .. وقطع الغيار

لأني مليت من كراتين الموبيل أشتريها من محلات الجملة عشانه

[M~أمير بكلمتي~M]

بصراحه مالي علم بسعر موديل سيارتك

ولكن معروف شغل اليد حول 1000 ريال + 700 او 400 ريال للمخرطه حسب نوع التوضيب

والقطع عاد حسب المطلوب ولكن اهم شئ مادامك فكيت الماكينة غير اي شئ يحتاج الى تغيير ولو كان فيه نص عمر

طبعاً اذا كانت تحتاج الى توضيب فحاول تروح لورشة معروفه في التوضيب واهم شئ المخرطه

بالنسبة لي وضبت ددسن موديل 92 قبل 3 سنوات فكلفة علي حوالي 6500 ريال من قطع اصلية وشغل يد

توضيب كامل

أخوكـ

[ساري الدياجي]

بصراحه مالي علم بسعر موديل سيارتك

ولكن معروف شغل اليد حول 1000 ريال + 700 او 400 ريال للمخرطه حسب نوع التوضيب

والقطع عاد حسب المطلوب ولكن اهم شئ مادامك فكيت الماكينة غير اي شئ يحتاج الى تغيير ولو كان فيه نص عمر

طبعاً اذا كانت تحتاج الى توضيب فحاول تروح لورشة معروفه في التوضيب واهم شئ المخرطه

بالنسبة لي وضبت ددسن موديل 92 قبل 3 سنوات فكلفة علي حوالي 6500 ريال من قطع اصلية وشغل يد

توضيب كامل

أخوكـ

الله يجزاك خير.. بس 6500 كأنها كثيرة شوي وانت أبخص يالغالي خصوصا أنها موديل 92

بيض الله وجهك وفعلا انا باخذ بنصيحتك وإذا فكيت المكينة بغير كل شي فيها لأني بستعمل

[Made for ksa]

أخوي .. 6500ريال ماهي بكثيرة إذا بتخلي المكينة جديدة مثل الوكالة .. لكن أنت أحسبها لو بتشتري سيارة جديدة كم بتخسر و إذا ربتوضب كم بتخسر .. والددسن معروف عنها أنها صبور وعمليه وتتحمل .. فأنصحك تتوكل على الله وتوضبها توضيب كامل وإن شاء الله تخدم معك 10 سنوات بدون مشاكل إن الله أحيانا ..

ونصحيه إذا جيت بتوضب في أي ورشة تأكد أن الورشه فيها مخرطه بنفسها وليس المخرطه لورشه وشغل اليد في ورشة لأن هذه تعتبر ثغره عليك يعني لا سمح الله ما يضبط الشغل كلن بيحط المسؤوليه على الآخر وبتضيع بينهم .. فالأفضل تشوف لك ورشه كويسه وعمالتها فلبينين .. وأقرأ مواضيعي وإن شاء الله تستفيد

تحياتي لك

[ساري الدياجي]

أخوي .. 6500ريال ماهي بكثيرة إذا بتخلي المكينة جديدة مثل الوكالة .. لكن أنت أحسبها لو بتشتري سيارة جديدة كم بتخسر و إذا ربتوضب كم بتخسر .. والددسن معروف عنها أنها صبور وعمليه وتتحمل .. فأنصحك تتوكل على الله وتوضبها توضيب كامل وإن شاء الله تخدم معك 10 سنوات بدون مشاكل إن الله أحيانا ..

ونصحيه إذا جيت بتوضب في أي ورشة تأكد أن الورشه فيها مخرطه بنفسها وليس المخرطه لورشه وشغل اليد في ورشة لأن هذه تعتبر ثغره عليك يعني لا سمح الله ما يضبط الشغل كلن بيحط المسؤوليه على الآخر وبتضيع بينهم .. فالأفضل تشوف لك ورشه كويسه وعمالتها فلبينين .. وأقرأ مواضيعي وإن شاء الله تستفيد

تحياتي لك

كلام مقنع فعلا

خصوصا أنك نبهتني للورش الشاملة اللي يكون فيها مخرطة ..هذي النقطة غايبة عن بالي

أما العمالة الفلبينية فهي الأمهر والأكثر أمانة وجدية فعلا.. ويكفيك انهم الأقل كلاما وهذرة

والله يجزاك خير ما قصرت

[anas2912]

ددسن 92 ومغير الرأس والبساتم والبلوف وذراعين كلف مع القطع وشغل اليد والمخرطه توضيب كامل 2500 ريال
لأن شغل اليد 500
المخرطه 650
والباقي قطع لأني مجدد معظم القطع لكن القطع رخيصه ماشاء الله مقارنة بغيره