شباب .. أنا عندي نيسان أرمادا موديل 2010 .. السيارة توي عملتلها صيانة الـ 5000 كلم ... من يوم ما طلعت السيارة في عندي صوت "خرير" موية تحت الطبلون يطلع بس لمن أشغل السيارة وبعدين يختفي وما أسمعه أبداً .. الصوت ساعات يختفي وساعات أسمعه .. ماله وقت معين .. طبعت بحثت عن الموضوع والجميع أحمعو إنه هاذا بسبب موية اللديتر تكون ناقصة ويكون في هوا داخل في نظام التبريد وهو اللي يسبب هذا الصوت .. طبعاً لمن وديتها الوكالة لصيانة الـ 5000 كلم قلتلهم على المشكلة والمهندس شكله فاهم قلي هذا إحتمال من موية اللديتر اللي تروح لدافية المكيف .. المهم شيكو على السيارة وقالولي خلاص حلينا المشكلة والصوت راح .. طبعاً الصوت ما راح ولا شي ..
اليوم حبيت أجرب بنفسي الطريقة اللي قالو عليها الشباب .. وهيا إنك تفك غطاء اللديتر وتزود الموية اللين ما يتعبى اللديتر وبعدين تشغل المكيف الحار حق السيارة وتستنى شوي اللين ماتنقص الموية وترجع تعبي ثاني .. أخوكم حب يتفلسف شوية وقعدت أدعس بنزين ألين ما طلعت موية اللديتر ونقصت طبعاً ..
مأطول عليكم .. لاحظت لون موية اللديتر اللي في السيارة "زرقة" والعادة تكون خضراء أو حمرا .. طبعاً رحت جبت دليل السيارة علشان أعرف نوع موية اللدتير مالقيت شي يقول إيش اللون اللي لازم أستخدمه .. بعدين رحت أدور في محلات البنشر اللي جنب البيت على موية نيسان أصلية مالقيت .. بس قالولي في AC delco الأصلية حمرا أو خضرا .. طبعاً خفت أحطها .. بحثت في النت ولقيت إنه نيسان من عام 2009 بدأت تستخدم موية اللديتر باللون الأزرق ..
سؤالي هل يوجد في السوق موية لونها أزرق ومواصفتها تشبه مواصفات الموية الأصلية ولا فقط النوع هادا موجود فقط عند وكيل نيسان ... لأنه دليل المالك يقول "لابد من إستخدام سائل تبريد محرك نيسان الأصلي أو ما يعادله في الجودة" ... ياريت تفيدونا يا شباب وآسف على الإطالة
