تكرم وعطني نصيحتك لو سمحت

mohammad4 @user_230989 · 19-07-2010

بسم الله الرحمن الرحيم

السلام عليكم

اخواني ابي نصيحتكم

ان خريج من الثانوي محتاج سياره عمليه مرررره يعني تخدمني 7 سنوات تقريبا ( او اقل ) وتكون قطع غياره رخيصه ومتوفره في الوكاله بسعر معقول( لان القطع على حسابي )

ناس نصحوني باكراون فكتوريا ( بس يااخوان الشكل ماتغير )
وانا صراحتن عاجبتني التشارجر بس ابغى اعرف كيف الصيانه (انا من الرياض )و كم سعر قطع الغيار( مثل الفرامل ) هل هي مريحه في السفر ؟

طيب اكسبلورر سمعت في مشكله في القير الارضي هل صح ؟

طيب وش تنصحوني فيه واذا كان في افضل من السيارات الي قلتها اذكره لي لو تكرمت ( والسياره ماتتعدا 95000 ريال) وكاله

وشكرا لكم ياالغالين

سري للغاية > @user_223368 · 19-07-2010

اخوي انصحك تبعد عن كراون فكتوريا لا ارى فيه فخامة ولا قوة ولا شكل خارجي

اخوي خذ لك
1- دودج تشااجر ار تي
2- تويوتا افالون
3- تويوتا اوريون اكراون فكتوريا

Genius_m @user_33175 · 19-07-2010

95 الف اممممممممممممم

التورس اقل فئة مثل ماقال اخوي مازاراتي , سياره حلوة وعملية وشكلها جديد , يعني حتى بعد 7 سنوات بتكون متمسكة برونقها ان شاء الله

وعندك الماكسيما الجديدة أقل فئة , بطلة :ch19:

واذا تبي فل اوبشنز عندك الأوريون بدون شاشة , والألتيما

سيارات قوية ومواصفاتها رائعه وقيمتها على قد ميزانيتك

موفق ان شاء الله

مازاراتي @user_224389 · 19-07-2010

اذا انت تبي النصيحة في سيارة تخدمك اكثر من 6 سنوات !
ابعد عن الدودج تشارجر لان الوكيل سيئ ، والسيارة تعتمد على نظام كمبيوتر متطور جداً تظهر فيه الأعطال على هيئة اكواد ! يعني وجع راس صراحة :confused1:

الفورد كراون فكتوريا سوف تنتهي عام 2010 ، او 2011 كآخر موديل بسبب إيقافها بشكل نهائي من شركة فورد , والسيارة اصبحت ذات تصميم قديم جداً يعود إلى عام 1998 !

وأنا ارشح ثلاث سيارات ، وانت شف اللي يناسبك :c0214:

1- فورد تورس 2011
2- هوندا اكورد 2011
3- تويوتا اوريون 2011

mohammad4 @user_230989 صاحب الموضوع · 19-07-2010

شكرا لك ابوتركي وماجد ال اس *. ابو تركي الكسنت مو عملية ابد الكراون افضل من التشارجر ولاكن الشكل قديم . ماجد ال اس المايبو شفر وانا عندي عقده مع الشفر

ماجد ال اس @user_142613 · 19-07-2010

روح القي نظره على الماليبو فل كامل

او فورد فيوجن

أبو تركــي @user_202807 · 19-07-2010

حياك الله اخوي
راح أبدأ لك بالفورد وبما إنها سيارتي فراح اقولك تجربتي معاها
على قولتك الفورد شكله ماتغير ومافيه مميزات متطوره يعني من الاخير سياره كلاسيكيه
الفورد احسن مافيه سرعته معقوله يعني حدك 180 طبعا هالشئ سلامه لك عشان ماتسرع
الشئ الثاني قطع غياره رخيصه حيل وهذا الشئ انا مجربه
وعندك في السفر ماشاء الله تبارك الله احلى من الحلى راسي ومريح لابعد الحدود خاصة اذا كانت المقاعد جلد
هذا بخصوص الفورد اما بخصوص التشارجر فوالله لاهي مريحه في السفر يمكن الكامري اريح منها وبخصوص قطع الغيار فهذا سبب وحيد ماتشوفها كثير بالشوارع لان قطعها مو متوفره كثير فالعالم منحاشه منها
الاكسبلورر سياره كبيره وماعمر السياره الكبيره كانت عمليه !
نصيحتي لك ونصيحة اخو يبيلك الخير
اذا تبي سياره عمليه
صغيره
البنزين تعبيه مع الزيت وتنساه
قطع غياراها رخيص
ومع هذا انت تبي سياره 7 سنوات يعني حرام تشتري سياره غاليه وبعدين تبيعها
فمالك الا الاكسنت
والاخوان مايقصرون معاك
الله يوفقك