الى اهل الخبرة

شاكر للجميع المرور ومنورين حتى احصل على
اكبر عدد من المعلومات
لاني كنت اظن ان السيارة اذا كانت جديدة مثلا 2007 او 2008
انها ماراح تتاثر وكنت استغرب يوم يجي اصحابها ويشتكون من الحرارة

أنا لست مقتنع إن الحرارة على الثلث تكون طبيعيه .. أذكر الوالد أشترى كابرس 91 وكاله على الزيرو .. ما أذكر الحرارة كانت توصل الثلث .. كانت ثابته تحت الربع .. لكن قدم المكينة له دور في رفع الحرارة .

شوف أخي الكريم ... السيارات الأمريكية نوعين .. نوع مصمم على الأجواء الخليجيه والحارة وهذه تصبر وتعيش معنا .. والنوع الثاني مصمم على الأجواء الباردة وهذه تحتاج إلى تغيير
الأجزاء الضرورية لكي تتلائم مع أجوائنا وهي مكلفه ومع ذلك لن تكون بكفائه النوع الأول

نرجع للنوع الأول : سيارات أمريكيه جديده وهذه سوف تخدم طالما السيارة كانت نظيفه وأستخدامها نظيف مثل الفورد( خليفه الكابرس القديم بحق ) وعمر الوكاله 4 سنوات مع الأستخدام النظيف وهو أفضل السيارات الأمريكيه المريحه العائليه على الأطلاق بوجهه نظري .

سيارات أمريكيه قديمه وهذه تصفقها الحراره صفق حتى لو تركب أديتر جديد ومراوح إضافيه والسبب أنها تجاوزت عمرها الأفتراضي .. فالحل إما توضب وإلا فك نفسك وأشتر سيارة جديده وإرتاح

هلابك اخوي عادة السيارات الامريكيه لها حد معين بالحرارة اذا وصلته مراح تتعداه مثلا اذا وصلت النص بعموم ال 8 سلندر اذا راحت فوق النص معناته ان السياره بهامشكله في المبرد او الطرمبه او البلف و ...... الخ لكن لو فحصت السيارة بدايه دخول الصيف من تسييخ وتبديل ماء والتشيك ع البلف ماراح تصير بالسيارة حرارة هذا من ناحيتي وتجربتي والحمدلله مااعاني من حراره لكن بعض اخواني يشتري سيارة من صاله مثلا موديل 2008 برايه انها توها جديده لكن بالاصل تحتاج صيانه لأجزاء التبريد من الغطاء للمراوح لان بأمريكا الجو بارد وصممت ع اجوائهم اما عندنا يالله النجاة من النار وترتفع الحرارة ةيبداء يعذرب بالسيارة ومن ورشه لورشه طيب ليش ماتروح وتشيك ع كل شي واهم شي الرديتر يسسيخ كل سنتين ع الاقل وانا راح اعطي فوائد الرديتر غير تبريد المكينه
1- اذا كان الرديتر متسدد ووسخ راح 80% من اعطال طرمبه الماء وساخه الرديتر
2-يطول بعمر المحرك لو رجعنا لنصايح اهل المرسيدسات (السكسات)اهل المكده من قبل يقول اهم شي الحرارة والزيت ويش يقصدون بالحرارة نظافه الرديتر وتبديل الزيت اول بأول
3-يقلل من خرابات المراوح اذا كان وسخ تلاحظ المراوح تشتغل ع طول اذا كانت كهرباء واذا كانت عاديه تلاحظ ثقل بالسيارة لان كلتش المروحه معلق مايفصل لكن لو كان نظيف تلاحظ المروحه تتأخر ماتشتغل والعادي تلاحظ خفه بالسيارة لان الكلتش مايشبك بسرعه
4-يقلل من عمليه احتراق الزيت بسرعه لان كلما كانت الماكينه فيها حرارة تلاحظ الزيت يخرب بسرعه لكن لوكان الرديتر نظيف والحرارة تمام تلاحظ الزيت يعيش معك فترررررررة طويله انت تقوول وش دخل الرديتر بالزيت لكن اكثر الزيت مكانه بالسلندر والماء طبعا يمر ع السلندر ويبرد السلندر بكذا مايخرب الزيت بسرعه
5-لوكانت الرديتر تعبان راح تحصل الخراطيش تتحجر وتبداء تتكسر من داخل وماتعيش معاك سنتين ع بعضها الا وتبداء تهرب لكن لوكان نظييف تجلس معك 4 سنوات سلام سلام
ولو اجلس احصر فوائده ماخلصت عموما الرديتر هو رووووووووووووووح المكينه على قولة الميكانيكين واسف ع الاطاله اتمنى الافادة وصلت للجميع وبالتوفيق..........

السبب والله العالم لان في فصل الشتاء اصحاب الكوابرس مايشغلون مكيف اما في الصيف ومع المكيف ترتفع حرارة السياره بس لو تطفي المكيف في الصيف تكون حرارة الكابرس نازله في الربع او الثلث اي في الحد الطبيعي للسياره وطبيعي لو تركب مراوح كهربائيه بتقل الحراره مع المكيف

بس اخوي انا اقول الاغلبية

على حسب ما اقرا هنا وفي منتديات اخرى

شاكر مرورك