أنا محتار بين سوبارو&الاوريون

اخوي ابو منذر ما اخي عليك انه الورش اللي يتعاملون مع سوبارو قليلة وتنعد على الاصابع خصوصا في الرياض الا ان اغلب الورش يتنحشون منها بحكم عدم معرفتهم , او قيد سوا فاهم مع سوبارو وتوهق ( اكل علقة ) . لكن الاحظ انه في الشرقية الورش فاهمين لها اكثر من الرياض .
وبالنسبة للقطع فاحيان تطلع لك قطعة مي موجودة وتحتاج طلبية من اسبوع الى شهر حتى توصل . لكن اغلب القطع الاستهلاكية بالذات متوفرة وما قيد صادف معي انها مي موجودة وبالاخص يوم مسكها اليمني .واسعار القطع لا الغالية ولا الرخيصة لكن تقدر تقارنها باسعار الهوندا اكورد من نفس الموديل باحتمال زيادة او نقصان في بعض القطع . بالاضافة ان اليمني يعطي خصم 30% على القطع مو مثل بالبيد المروح كان 15 % واذا يعرفوك وتمون عليهم 20%

ودمتم .

خائف اشترية وابلش بقطع الغيار غالي ورشات قليلة

كنت بسألك عن الصيانة
هل ورشات السوبارو واجد و قطع الغيار متوفرو ورخيصة مقارنة بين السيارات الثانية

حياكم الله
تقصد الIdle air control valve ؟ الي يقيس مقدار الهواء الداخل للمكينة بوضع Idle.
تعطل عندي في Civic 2000 , فكيت المنظم وحصلت تراكمات سدت الفتحات وعدمت القطعة.

في النهاية الحمد لله توصلنا سوبارو اليابانية, حتما هي افضل من الامريكية.

اكيد السوبارو ليجاسي ... وكل من ملكها دخل قصة حب معاها على طول

سواء مع محركها .. او مع ثباتها وامانها ... او مع تميزها بالشارع .. داخليتها


اكيد انصح بالليجاسي في 6 جلد وفتحه .. عشان تستانس لانك دافع دافع :)


تحياتي لك

هلابك اخوي عمر .
صحيح انا معك في الشي هذا كل موديل وله عيوب مصنعية , او تغير في الجودة . وشراء سيارة جديدة فيه نسبة مخاطرة ماتدري وش يطلع لك من مفاجئات .

لكن اللي اشوفه ان السوبارو محافظة على الجودة القديمة الا وافضل جودة واقل عيوب من الاول .
بالنسبة لرايي الخاص انا اشبه السوبارو بالفولفو كلهم شكلها مو مررة جذاب وما ياخذعا الا اللي يعرف متانتها وجودتها وقوتها وكلهم وكلائهم عندنا مش حالك . الا اليمني اشوفه في تحسن الان .

مثل الـ 97 اللي عندنا والـ 2002 كلهم فيهم مشكلة في بلف الهواء الالكتروني تغيره او تنظفه كل سنتين الى ثلاثة . الـ 97 على اول ايامها كانت تسخن فجأة وطلع السبب من كتاوت المراوح وتغير على الضمان . هذا اللي اذكره .

ودمتم بحفظ الله ورعايته .

الاخ شيفروليه, ما شاء الله لا قوة الا بالله....
المشكلة لا أحد يضمن أن جودة الموديلات الجديدة مثل القديم.

يا سيدي مافي مقارنة بين الكامريV6 والليجاسي ابداً ..

كـ أنظمة الليجاسي تتوفق ..

كـ فخامة الليجاسي تتفوق ..

كـ راحة ورساوة وأمان مافي مقارنة ..

الأوريون حلوه وقوية وفخمة لكن انك تقولي الليجاسي ما تتقارن معاها اقولك روح اعكس كلامك !

واللي يقول المكينه ما المكينه ..

معانا ليجاسي موديل 97 مع السواق وامبريزا 2008 مع اخويا ..
الليجاسي ما شاء الله عليها مافي مشاكل ابداً.. والسواق كارفها كررف .. وتقولي المكينه تضرب عليك !
وانا اقلبت بيها .. جيت اشغلها بعد نص ساعه اشتغلت عيني عينك .. لا كراسي مكينه راحت .. لا راس مكينه ولا شي .. وتقولي مافي جودة !

ولد عمي معاه موديل 2003 والله تركبها الآن تقول ماهي 2003 .. كل شي نظيف .. حتى الجلد نضيف .. الديكور مااسك .. ما شاء الله بس ..

وفي النهاية اخوي استخير والله يوفقك :)
..

اوافق كلام الشباب من ناحية الوكيل

لكن انا عندي مثال حي وهو :
سوبارو ليجاسي 1997 كملت اذا ما خانتني الذكرة 700 الف كيلو اخر مررة شفتها لا وكان حساس الكيلو خربان لمدة سنتين او اكثر . اشتراها ابوي -الله يرحمه - على ايام بالبيد واستخدمها وبعده اخواني الثلاثة وثم انا وكل واحد كرفها وجرب جميع انواع الحوادث من الامام والخلف والجوانب :bigggrin: والله جد ما باقي الا انقلاب الله يكفانا الشر . وطعست بها وفحطت بها . وعلى طاري الطعوس كنت اطلع مع اخوياي مطاليع الشتاء و هم جيوب ودداسن وكنت بعض المرات اسحب المغرز فيهم بعد . وما شاء الله عليها الله لا يضرها ماقيد توضبت .

واللي يقول انها ياكثر اللي ياخذون مكاين تشليح ترى اهم شي تسويه عشين تحافظ على مكينة السوبارو انك تغير سير التيمن او سير البلوف كل مية الف وراح تعيش معك باذن الله حتى لو كارفها مندوب مندوبها لان لو انقطع راح توضب الله لا يعوق بشر وهذا في سيارات كثير مو بس السوبارو . السيارة الان اشتراها اخوي من الورثة اللي هو حنا العايلة الكريمة ومعاه الين الحين ما شاء الله .

حبيت ادلو بسطلي لعل ينفع احد . ودمتم .

انا استغرب من اللي يقولو سعر البيع

ليش....انت مشتريها عشان غيرك....والا مشتريها للتجارة.....والا مشتريها عشان تبيعها ويمكن مع تحسن الوكيل يرتفع سعر البيع مع السنين :p

واللي جرب سوبارو وعاش معها سنين مستحيل يفكر يبيع الا اذا كان بيجيب زيها جديد

مشكوووووووووووووووورين


لكن السوبارو تشتري 90ألف تبي تبيعة 45ألف والله حاااارم

أذا تحب السيارات وتبي سياره توب التوب وماتمل منها أبد خذه سوبارو
بصراحه سياره كل نواحيها جوده وتقنيه واداء عالي غير موجود في معظم السيارات

اذا انت من طقة عشق وام ومواصفات بو نص ريال ياسلام تويوتا منتازه تربتيت تيييييت خذها اوريون

بس يا شباب هدوا اللعب شوي لا تتضاربون هههههه

أنا باحكم بينكم ترضون

<< خاش غلط

المهم أنا من مستخدمي سوبارو عندي ليجاسي 2003 لها تقريبا 7 سنوات معي

زي اللوز معي الحمد لله ( أسألكم بالله قولوا ما شاء الله )

ايش أقلكم أنا صراحة ما أمدح السوبارو عشان عندي وحدة

لكن والله يا عيال انها سيارة جامدة من جد

تبغى مكينة = قوة ودفع رباعي مستمر مو أوقات وأوقات لا

تبغى شكل = جميلة وتلفت النظر

تبغى جودة = MADE IN JAPAN الكلمة ذي تكفي وأنا مجرب جودتها ما شاء الله توب

تبغى أمان وسلامة ( الحافظ الله ) = الـ 2010 ماخذه في أوروبا من 3 شركات تقييم

الأمان والسلامة ***** خمس نجوم وشركة معطيتها ****** ست نجوم وأنا مجرب

مرة ضرب علي كفر في منعطف على طريق بيشة النماص والله ما حسيت انه ضرب إلا

صوت عيون القطط في الجنط وأنا ماشي تقريبا 140 ( أسألكم بالله قولوا ما شاء الله )

حبيبي أنا ما أذم الأوريون لكن السوبارو مجربها خذ وانت مغمض أما من ناحية القطع

والله العظيم قبل اسبوع إني مدخل السيارة الورشة أبي أجددها عشان زواجي بعد

اسبوعين ( قولوا مبروك طيب ؟ ) خخخخ

وقبل أمس مشتري القطع من الوكيل في جدة

متوفرة ولا اشتكيت من عدم توفر أي قطعة

من يوم ما شريتها والله شاهد علي .

إلا فترة إنتقالها الوكالة من بالبيد إلى اليمني لكن يوم راحت لليمني ابد والله

حبيبي اللي يبي السيارة مالك في طولة الكلام اشتر سوبارو والله راح تدعي لي

وبعدين على مسكة السعر انت مو شريطي تبيع وتشتري انت بتستخدم ليش تفكر

في البيع دامك بتستخدم .

نقطة أخيرة اللي يقول قطع السيارة السوبارو غالية كلامه مو صحيح مجرد حكي

أنا مجرب والله إنها معقولة جدا وأرخص من النيسان والهوندا.

في الختام تحياتي للجميع وآسف على الإطالة

كم اسعار سوبارو اللجاسي 2010 مستعملة في الرياض (تقريبنا)

مشكلة الليجاسي (وكيل سيء - يطيح سعرة - صيانة صعبة)
مميزاتة الليجاسي (دفع رباعي- تتحمل الجلد - فخمة من داخل)

الليجاسي بدون كلام ..!
Made In Japan :)

صرحة ريح راسك ، وشتري راحتك ، ووفر وقتك ، ومالك !

انتظر تويوتا اوريون موديل 2011 , ولا تشاور أحد !!!

وعند إعادة بيعها كسيارة مستخدمة بتمسك سعرها
مثل أغلب سيارات تويوتا .

لكن السوبارو صح انها سيارات جيده لكن ليس لها شعبية في السعودية
وللأسف وكيل سيئ ، وقطع غيار مرتفعة ، وصيانة صعبة !

وعند إعادة بيعها كمستعملة تنزل قيمتها بالأرض ولو كانت نظيفة
والانسان مايعرف وش بصير عليه من ظروف صراحة ....

والدليل شف وانظر بعيونك الحلوة كم عدد سيارات السوبارو المنتشرة
في مدينتك ممكن تصادفك واحده في الشهر ويمكن بالغلط !!؟؟

لكن عندك التويوتا بجميع موديلاتها حاشية البلد حشو !
وعندك النيسان ، ثم الهوندا ....

لو كنت مكانك ما ترددت في السوبارو وعن تجربه

كانت معي 2002 ووقتها أخذت أفضل سيارة يابانية وتمت تجربة المحرك حتى مليون كيلو متر بدون فشل ( غير الجوائز اللاحقة حتى 2010 )

أعرف شخص معه 91 ولا يعرف يحمي أبد يشغل ويمشي وماشيه معه فوق 450 حسب علمي ولا توضبت ولا شيء

>> اللي مايعرف الصقر يشويه ، ويكفيك جربه ولا راح تندم

وبإذن الله سيارتي القادمة سوبارو ليجاسي بس أنتظر عروض رمضان :rolleyes1:

الشكل اذواق, خارجيا الاوريون جميلة, داخليا بصراحة شغل ليموزين وفرق شاسع بينها وبين جودة داخلية اللجاسي ...

طبعا سوبارو لها اعطالها مثل اي سيارة اخرى , السيارة رائعة وتتحمل لكن يعيبها وكيلها التعبان وما يشتريها إلا الي يعشقها فقط.