صبحكم الله بالخير .... مساكم الله بالخير
8
8
8
8
خذوا وحده منها
هذي قصه حقيقيه صايره
نـــــبـــــدأ
قررالأب إذا نجحوا كل عياله يوديهم في الصيف لفرنسا... أنبسطت منيره مره لما سمعت هالخبر... لأنه صار لهم زمان ما سافروا... من أربع سنوات أو خمس... المهم شدت البنت حيلها في المذاكره وأخوانها مثلها... وجت نهاية السنه ونجحوا كلهم وسافر بهم أبوهم مثل ما واعدهم... كانت منيره مبسوطه بس فيه شي منكد عليها كل السفره ... ومخلي الأخلاق في النازل... أبوها شرط عليها ما تشيل العبايه... يا عبايه يا ما فيه سفر... رضخت منيره لأبوها راحت بالعبايه والطرحه محجبه بس (يحمد ربه بعد)... البنيه أول مره تسافر بعد ما كبرت... كانت ماخذه راحتها أول... لكن الحين خلاص (البنات كبرت)... تمشوا وراحوا وجو وما خلوا قرنه في باريس ما أندعسوا فيها... المهم العيال شبوا على أبوهم يوديهم بلد جمب باريس فيها شاطئ عشان يسبحون... ونزلت الطامه الكبرى على منيره!!!... وشلون تروح لشاطئ بعبايتها؟!... كيف تشوف أخوانها يسبحون وهي لأ ؟!!... طبعا ما لها إلا تستسلم وتطس معهم... الزبده راحت خويتنا وهي مطنقره معها... وبينما العيال يسبحون ويمرحون (الله يفكهم من شر عينها) راحت هي على جنب وقعدت لحالها من زين الأخلاق (خبركم راكبتها أم العبيد)... وقامت تمقل بخلق الله... وبينما هي كذلك لمحت ذاك الشاب الفرنسي اللي ياخذ العقل ..وســـيـــم... وجسمه عضلااات... ولونه برونز (لابس مايوه) وشعره متروس ( متروس = مليان ) جل... ولابس ذيك النظاره الشمسيه الماركه... طالعها وأبتسم... بغى يغمى عليها يوم شافت صفت أسنانه... أبتسمت هي الأخرى... قام ومن باب الميانه قرب قرب قرب لين أرتـز جنبها... هي تسألون عن حالها مسيكينه... منسبهه... متنحه ... وفي نفس الوقت مستحيه... وكمان متوهقه خايفه يشوفها أبوها تحاكي ذا الأطخم يقوم يسفرها لديرتها دايركت (حرام عليه أبوها ما يكفي ركز دميجته وحكرها بالعبايه يقوم يتفلسف)... التفت عليها أبو الشباب وانفلت بالحكي... طبعا ً هي متنحه مثل البقره ماتدري وش هو قاعد يرطن ... هو شافها توزع هالأبتسامات عرف إن ما عندها دبره... قام سألها:
do you speak English? ...هو سأل وإلا ما سأل بغت تحب راسه البنيه ... على طول يـس... ودار بينهما الحوار التالي بالأنجليزي طبعا ً:
- أبو الشباب: أنتي من وين شكلك مو فرنسيه
(أنواع المجامله أجل هذا شكل فرنسيه تتشمس بعبايتها؟!)
- منيره: أنا من المملكه العربيه السعوديه
- أبو الشباب: (وهو متحمس) كيف وصلتوا هنا؟
- منيره: وصلنا من كم يوم عادي.!
- أبو الشباب: بس كيف عبرتوا البحر؟
- منيره: أي بحر ما مرينا على أي بحر رحلتنا كانت دايركت الرياض باريس.
- أبو الشباب: (مستغرب) يعني ما جيتوا على بعارين؟؟!!
- منيره: (كن أحد مدغدغها) أي بعارين انت تمزح جايين بطياره لا بالجديده بعد أم شاشات (يا شين السرج على البقر)
- أبو الشباب: عندكم طيارات؟؟
- منيره: إيه عندنا ليه وش فاكرنا؟؟
- أبوالشباب: أنا اللي أعرف عن السعوديه إنها صحراء قاحله والناس يتنقلون فيها بجمال والحريم يركبون وهو متغطين على الجمال والرجال وراهم شايلين براميل البترول...!!! الخ
- منيره: وين يا عمي وش ذا إحنا عندنا كل وسائل التكنولوجيا في ديرتنا ... سيارات وطيارات وكمبيوترات وموبايلات(عاد أهم شي) وأنترنت والشوارع متطوره وترى عندنا فيصليه ومملكه(هذي مب احسن تنطق تقابل فيصليتها ولا تفشلنا برى؟!)
- أبو الشباب: أجل آسف أنا فاهم شي الواقع طلع شي أخر، بس أنتي ليه ما تسبحين؟
- منيره: مقدر أسبح لأني محجبه
- أبو الشباب: أشوا أنتي مو منهم؟
- منيره: من مين؟؟
- أبو الشباب: اللي متشوهين
- منيره: أي متشوهين؟؟؟؟!!!!
- أبو الشباب: الحريم اللي يغطون وجيههم عندكم متشوهين صح؟
- منيره: لا طبعا ً أي متشوهين الموضوع مو تغطيه بس ديننا هو اللي فرض علينا كذا درءاً للفتن (أبوك يا الفلسفه) أنا هناك أغطي وجهي مثلا ً أنت شايفني مشوهه؟
- أبوالشباب: لا أبدا ً أنتي جميله ولونك حلو، بس مو حرام جميلات زيكم يضطهدون؟
- منيره: ليه يطصدو... يظهدون... يظطهون...المهم اللي هي من قال إن إحنا كذا؟؟؟
- أبو الشباب: مثلا ً ممنوعين من السواقه
- منيره : مين قال لك إن إحنا أصلا ً نبي نسوق كل حرمه وبنت لها سواقها الخاص نسوق ليه
- أبو الشباب: طيب ما يقبلونكم بأي وظيفه بس مدرسه صح؟
- منيره: الدوله الله يعزه ما توظف بناتها إلا في وظايف تناسب قدراتها بس موبس تدريس البنت السعوديه طبيبه وصيدلانيه وسيدة أعمال وموظفه حكوميه بس الأغلب في قطاع التربيه لأنه هو الأقرب لطبيعتنا حنا ياالبنات.
- أبوالشباب: بس مانعينكم عن المناصب الكبيره مخلينها للرجاجيل بس هذا لا تقولين لا
- منيره: ( أخذتها العزه بالإثم وقامت تألف) من قال كذا أصلا ً أنت ماخذ فكره مره سيئه عنا المرآه تتقلد مناصب كبيره حتى أنا بالأماره خالتي وزيره.
- أبو الشباب: متأكده؟ أنا أعرف إن السعوديه ما فيها حريم في حكومتها
- منيره: كل معلوماتك غلط قلت لك خالتي وزيره
- أبو الشباب: شكرا ً على تصحيحك لمعلوماتي وبهالمناسبه أنا عازمك الليله على خروج
(قلط أبو الشباب)
- منيره: وين عازمني ؟ ( مـتـشـقـقـه)
- أبو الشباب: فيه بار جنب بيتنا أمرك ونروح له
- منيره: ويـــــن إحنا ما عندنا هالشغلات إحنا مهوب حقين بارات ديننا محرم علينا الشرب والرقص والاختلاط والتبرج أولا ً وبعدين حرام أطلع أنا وأنت لوحدنا هذي تسمى خلوه
- أبو الشباب: يعني أيش خلوه؟؟
- منيره: يعني بنت وولد ما يعرفون بعض ولا محرم لها يجلسون في مكان لوحدهم
- أبوالشباب: طيب وأنتي الحين قاعده معي هذي مهي خلوه؟
- منيره: لا هذا مكان عام ما فيه حواجز ومليان ناس
- أبوالشباب: عالعموم أنا أكرر عزيمتي
- منيره: وأنا أكرر رفضي
- أبو الشباب: ترى إذا قمت ما فيه تغيرين رأيك
- منيره: لا أبد
قام أبو الشباب ومشى خطوتين وبعدين رجع لمنيره وهي على جلستها وأنحنى عليها ونزل نظارته على طرف خشمه وطالعها بعيونه وقالها بالسعودي:
- أجل خالتك وزيره هاااه؟؟؟!!!
و لكل بنت سواق وعديتها لك بمزاجي
لكن هذي قويه ما تـنـتـعـداااا
أنصفقت منيره وتنحت ودارت بها الدنيا........
(منقوله)
