السلام عليكم ورحمة الله وبركاتة
ياأخوان عندي قراند ماركيز موديل 99 صار له اكثر من شهرين اسمع صوت طقطقه في الخلف عندما امسك فرامل وانا مهدي خاصة عندما اجي اهدي عند مطب اسمع صوت طقطقه في الخلف كأن فيه شي في الشنطة يتدحرج
وديتها للميزان كشف عليها المهندس قال عندك جلب المقصات الخلفية ناشفة ولازم تغيرها وعددها 12 جلبه
ورحت للوكالة وقالوا ماتجي الجلب لوحدها لازم تشتري المقصات الستة الخلفية كاملة وسألت في محلات قطع الغيار نفس الشي قالوا ماتجي لوحدها لازم تأخذ المقصات كاملة وسعرها في محلات الغيار 900 ريال
رجعت للمهندس اللي كشف عليها قال إذا مالقيت الجلب لوحدها الله يعينك تشتري المقصات كاملة (ستة مقصات) ونغيرها كلها
سؤالي ياأخوان هل فيه احد مرت عليه المشكلة هذي وكيف طريقة حلها وايش الحل اشتري المقصات كاملة والا فيه طريقة اخرى ممكن اولف جلب بدون مااشتري مقصات كاملة وإذا كان لابد من تغير المقصات الخلفية كاملة هل تغيرها سهل او معقد وهل تحتاج السيارة إلى وزن بعد تغيرها
شوروا علي ياأخوان مااأستغني عن مشورتكم
