محتار بين سيارتين وإنتم دليلي ... سوبارو ليجاسي وشيفروليه ماليبو ... 2010

والله مادري عنكــ

كلهــا روعــه

بس الليث يعجبكــ خذه واللي دخل مزاجكــ

ممكن سوبارو ليجاسي

مشكووووووووووووووووووور أخوي سنايبر ... الله يبارك في عمرك إن شاء الله .. وإن شاء الله .. الله يرزقك بالسيارة اللي ببالك :smilie16:

مبرووك الماليبو :)

الله يبارك فيك ويخليك ... وإن شاء الله يجيك اللي أحسن منها وزود بعد
:wavey:

الله يبارك لك في السيارة.

الله يعافيك وأنا أخوك .. ويرزقك باللي أحسن منها :)

بالتوقيق يالغلا

يعطيك العافية اخوي ماقصرت والله
والله يبارك لك في السيارة يارب

الصورة تعبر أكثر ... هذي صورة لعداد سيارتي ثاني يوم بعد ما طلعتها من الوكالة

السلام عليكم
الله يعطيك خيرها ويكفيك شرها يارب
بصراحة انا انشاء الله ناوي اشتري ماليبو
ومن خلال بحثي عنها لاحظت في موضوع في المنتدى عن ماليبو لكن كان العداد فيها بالميل .؟؟!! ولا مشكلة اكبر انو الترقيم كان بالكيلو والسيارة تمشي وتحسب المسافة بالميل ؟؟!!!ومكتوب في طرف العداد ميل !! والسيارة سعودية من التوكيلات !!
ما ادري ياليت توضحلي عندك العداد ايش مكتوب فيه ميل ولاكيلو
ويعطك العافية
وياليت اخر الاخبار عن السيارة وانطباعك فيها

الله يبارك فيك أبو ديالا

ما شاء الله تبارك الله

الله يبارك لك في ما إخترت , فعلاً إختيار ممتاز

هلا بك أخوي أبو ديالا
الله يسلمك ... يبارك فيك

والله السيارة إلى الآن ما عدت الــ 500 كم .. فما طلعت فوق الــ80 ولا دعست
لكن القدرة الحصانية أعتقد 169 حصان للــ 4 سلندر

الجير نعم تيبترونك ( تقدر تحوله مانيوال وقت ما تبغى والشفتات ورا الدريكسيون )

وعلى فكرة ... الفئة اللي مصورها أخونا سامي .. وعامل عليها التقرير .. هي نفس الفئة اللي عندي بالضبط .. لكن الفرق في التخشيبة ولون المقاعد .. والباقي نفس الشي ..

شوف موضوع الأخ سامي وش ذكر بخصوص الجير و التسارع :

هذي صورة الجير والشفتات اللي ورا الدريكسيون






إيكوتيك DOHC سعة 2.4 ليتر، 16 صماماً، 4 أسطوانات، تقنية التوقيت المتفاوت للصمامات VVT، وMFI
ناقل الحركة، أوتوماتيكي بـ6 سرعات، بضبط إلكتروني مع overdrive
عدد الاحصنة: 169 على سعة لترية 2.4 لتر
عزم الدوران 214 رطل/قدم

اليكم مقطع لتسارع السيارة مع استخدام التبديل اليدوي من خلف الدركسون

http://www.youtube.com/watch?v=1NAcst20aPw

---------------------------------------------

وهذا رابط الموضوع كامل للأخ سامي .. اللي كان له الفضل بعد الله لتوجهي لهذه السيارة بنسبة 50%
http://www.assayyarat.com/forums/thread207062.html

الحمد لله على السلامه

وثانياً الله يبارك لك في سيارتك الجديده

أبسألك أنا شفت تسارع للماليبو في اليوتيوب وكان تسارع ممتاز , بس والله ما أدري أربعة أو ستة سلندر .

ممكن تقولنا كم قوة سيارتك الحصانية , وكم الفترة اللي توصل فيها لـ 100 كلم ( التسارع )

وهل قيرها تبترونك

تسلم يالغالي ... ونعمَ بالله :xyxthumbs:

اهم شي انت سلمت :,


السيارة معوض بما هو احسن منها ان شاء الله .:

وما في شي يضيع عند الله

لا في سببين وأنا أخوك مو سبب واحد :)

السبب الأول .. كنت موديها للكهربائي يضبطلي الضفيرة قبل يومين ..وشكلو خبص الدنيا
والسبب الثاني .. جارنا الله يصلح يدخن .. والسيارة من خراب الضفيرة طلعت التماسات

وكل هذا وأنا ماني داري .. وفجأة أصف السيارة قدام البيت وأطلع من السيارة وأتلفت لهاألاقي في ضوء تحتها !!
قربت لقيت التماسات كثيرة ورا بعض .. ومع السيجارة ولعت السيارة من تحت .. حاولت أطفيها 3 مرات أنا وعيال الجيران الله يباركلهم .. تطفا وترجع تولع .. .. حاولنا نفتح الكبوت ما فتح كان ذايب :confused1:*

لين انفجرت وبعدين جت المطافي :a1120(121):

الله كريم والحمد لله طلعت من السيارة قبل اللي صار :)
ومشكور على سؤالك

الله يعطيك خيرها ويكفيك شرها .::


وسلامات وما تشوف شر ان شاء الله ,, بس غريب كيف انفجرت السيارة بدون سبب ؟؟

هلا بك أخوي ... الله يبارك فيك ..

بالنسبة للسيارة .. مثلك خابر تراي ما صارلي شاري السيارة إلا كم يوم ... لك بعطيك تفصيل للسيارة اللي عندي

الفئة : الثالثة ( اللي قبل الفل على طول ) - LT2
كراسي جلد على الجوانب ... ومخمل رفيع الجودة ( شامواه بالنص )
تخشيبة فاتحة .. جداً رايقة وأنيقة
تشغيل السيارة ( المحرك وليس الأبواب فقط ) عن بعد بالريموت
تعتيم المرايا الداخلية والاتجاهات
السعر 83000 ريال سعودي

الملاحظات ... السيارة مريحة والحمد لله للراكبين الأمامين بدرجة 5/5 واللي في الخلف بدرجة 4/5 ( حسب الأطوال وعدد الأشخاص ).. مكيفها مرة مريحني لكن أحس صوته عالي شوي إذا كان على الــ 2 وفوق ..لكن لا زال الصوت مقبول إلى جيد . العزل قمة في الروعة .. أحس الدريكسيون خفيف شوي عن سيارتي القديمة .. لكن ما أدري هل هو الطبيعي ولا عشان سيارتي القديمة كانت رياضية .. أنا سقت التشارجر وكان الدركسيون نفس خفة الماليبو. أبعاد السيارة غريبة شوي في البداية لكن راح تتعود عليها في اليوم الثاني بالكثير .

هذا مالدي إلى اليوم ...


أما بالنسبة للفئات والأسعار ... فهي كالتالي ( إلى آخر يوم كنت بالوكيل الأربعاء الماضي ) :

الفئة LS .. السياحي .. غير متوفرة بالمملكة
الفئة LT1 ... الفئة الثانية .. سعرها 74 ألف ..جير أوتوماتيك
الفئة LT2 .. الفئة الثالثة .. مثل اللي عندي .. سعرها 83 ألف
الفئة LTZ .. الفل .. سعرها متفاوت وغير متوفرة كثير بالوكالة .. لكن سعرها يتراوح ما بين 98 ألف إلى 102 ألف حسب الألوان والتوفر

الفئات اللي فوق كلها 4 سلندر ما عدا الفل اللي هي LTZ .. مكينتها 6 سلندر

بالتوفيق