هذا هو بكل تأكيد الجيل الذهبي للندكروزر

لاني شفتك تتكلم عن التويوتا والكامري راحت والكامري جت قلت خلني اسدح بلاوي الامريكي...

والجمس 2500 كذا حرارته ولوني داري ماشريته ووديته للوكاله يوم كان على الضمان ولاعندك احد وكلمت جنرال خياس ولاحولك احد...

كما قلت لك الاسم كون (ثقة) عند الناس ...واللي يحب ماركة معينة مايعني انه متعصب لها

لو اوفر لك سيارتين بنفس المواصفات...لكن وحدة اسمها معروف والثانية توها جديده وش بتاخذ؟

لو اخذت اللي تثق في اسمها مايعتبر تعصب يالحبيب ولا شيء...يسمى ثقة

والتعصب موجود وما تخلو منه شركة...حتى اسوء الشركات تلقى لها محبين ومتعصبين لها

الاعتمادية لازالت محافظة عليها ووقعت في بعض الاخطاء ووفرت الحلول لها في الوكالة مايحتاج تروح تدور ورشة مختصة في سيارتك عشان تحل المشكلة

إذا كان الشخص يبحث عن الاعتمادية في السيارة اللي يبغى يشتريها يصير متعصب !! لا تعليييييق

الجوده يعني حكمت على شركة كاملة من سيارة وحدة ! انت اللي خلك واقعي يالحبيب... الدواسة وخلل التوجيه في اللكزس صار له استدعاء وماشوف له داعي كل شوي تكرره

وش دخخخخخخخخخل خدمة مابعد البيع في (شيك في الجيب) ؟؟؟؟؟؟ خدمة مابعد البيع هي الصيانة وقطع الغيار

ولا فيه شركة تفوقت عليها بالشيء هذا واللي يقول غير هالكلام فهو يغالط نفسه

مسألة الأمان والسعر هذي اتفق معك...تويوتا مقصره في الجانب هذا خصوصا في بعض الطرازات مثل الفورتشنر

لكن غالبية سياراتها فيها مواصفات الامان المتوفرة في غيرها من المنافسين

الشريطية ياخي وسطاء في البيع...يعني اللي يشوفون عليه طلب اكثر يرفعون سعره والعكس بالعكس

فيه سيارات ماكان لها صيت في السوق والحين تمسك سعرها خصوصا في معارض الرياض

مثل الباترول بعد نزول الفتك وتحسن السيارة الى الافضل...ارتفعت اسعاره وصار عليه طلب

هل هذي حركات شريطية؟

الجمس الحوض الشكل القديم كانت اسعاره منخفضة في المستعمل

الآن الشكل القديم 2006 وتحت احيانا اسعاره اغلى من الشكل الجديد !!

هل هذي حركات شريطية بعد !!

المسألة كلها عرض وطلب فقط

ياليت ترجع وتشوف المقصد من كلامي

والسالفه كلها مالها دخل بالامريكي , ولا جبت طاريه

وياليت اذا عندك مشكله بجمسك تكتب ردك ذا بالورشه

وبتلقى الحل ( اكيد فيه مشكله ) عادي يكون من غطا الرديتر ولا يبي له تسييخ

والكرسيدا عز الله انه فخر تويوتا ولاتهون باقي موديلات الـ 90

:)

التويوتا لوكان فيه وش مافيه ماويصل لبلاوي الامريكي...
انا عندي حرارة الجمس ترتفع هاذي وش حلها ..
طبعا الظهر مع الزحمه ويمر جنبي كرسيدا 90 طاق المكيف ولادرا عن الجو وانا ماكل هوى بذا الكديش انا بعت التويوتا وتحسفت وان شاء الله بيبيع الجمس وانا مرتاااح اخر راحه ...
واقول بعدها ودعا للامريكي ...
نجي للخرابات انا بغت تروح عندي تكايات البلوف بسبب طرمبة الزيت وهاذا بسبب الوكلاء الخايسين جابين سيفونات مدري من وين اقولوهم انا ابي سيفون جي ام زي مافي الكتلوج حاطين الاصلي جي ام وانتو جابين اسدلكو وفارضينها على الناس ليش النصب والاحتيال...
ولاعنك احد هاذوالا وين الناس عنهم ...
الكابرس وانواع الخرابت ولاحد يبغاه 25 الف اطقلي 2006 انظف واحد في المعارض هاذا ماجا من فراغ بلا والله الخرابات والبلاوي الي فيه من حراره الى طرمبات الى كهرب الى غيره ..

تويوتا تكبرت عليها وبارجع لها يالبى قلبها...

لا

خلك واقعي

الاسم : برآيك مب تعصب هذا ؟ وماغلطت يوم قلت لو احط حمار بآسم تويوتا :bigggrin:

الاعتماديه : وش فيها حاليآ ! زود عن باقي السيارات ؟ وليش دخلت من ضمن الاولويات حاليآ ؟ اليس تعصبا ؟

الجوده : كامري وتعليق الدواسه واصوات بالديكور جوده عاليه هاه ؟ نظام التوجييه باللكزس ؟ وتهريب الزيت وين الجوده الآن :smile:

خدمه مابعد البيع : ( شيك بالجيب ) ماذبحنا الا ذي .. مخش بسيط راحت وطي وين الفايده :confused1:

كلها حركات شريطيه , حتى لو امريكيه وجبتها نفس الكلام

ولوشريتها وكاله سعر غالي + لامواصفات لا آمان مثل العالم

حافظ ع السياره تجيب لك سعر كويس بآي سياره وممكن بآوقات تزود سعرها ولاغبار ع كلامي

مثال بالارمادا و الجمس والاكسبديشن اوقات العطل الصيفيه يزود سعرها

والجيوب بآوقات القنص والبر

وهذا الواقع يابعدي

والجوده تآتي معها الامان والراحه ليس فقط بالجوده بالمواد الداخليه !

وهنا مشكله , الغرب ع الاقل فيها امان عكس ابو جميل

اذا فيه خلاف او شي خطآ بكلامي ياليت تصحح عشان نسفيد ويتسفيد القارئ .

هلا والله أبو محمد...من زمان عنك :smile:

قبل ما ارد عليك ودي ترجع تشوف وش بداية تفرع المناقشات في الموضوع

سألت سؤال محدد وواضح ... مقارنة القراند شيروكي في العزل ومواد الداخلية مع اللاندكروزر

طبعا أي واحد حتى لو مايعرف شيء في السيارات توريه السيارتين بيشوف فرق واضح خصوصا المواد الداخلية

لصالح الكروزر طبعا وبدون مقارنة...

ولو تبغى نتفرع اكثر في النقاش ماعندي مشكلة

استياء الأخ (محب الدودج) من تويوتا وخصوصا الاندكروزر في رأيي الشخصي البسيط

انه سمع مدح عن الكروزر حتى توقع انه السيارة اللي مابعدها ولا قبلها...

ولما رآها على أرض الواقع شاف انها سيارة عادية ولا تطابق المدح المبالغ فيه مع الواقع اللي قدامه

فكان نتاج الشيء هذا استياء من السيارة ومن الشركة كلها بكبرها

وهذا شيء غلط

الاندكروزر سيارة مثلها مثل غيرها لها نقاط قوة وضعف...ولو هي سيئة بالدرجة اللي يوصفها في ردوده اللي 80% عن تويوتا :bigggrin:

مالقيت لها هذا الانتشار الكبير في جميع أنحاء العالم

اعود مره اخرى لردك يامايكرويف :bigggrin: معجبني الاسم عندك شيء ؟

مادام تويوتا مافيها الا محركات وراك مغير مساعدات السورنتو بمساعدات برادو ؟ :smilie16:

لا تبالغ مره يابو محمد عارفين انك ماتداني شيء اسمه تويوتا... براحتك بس مب للدرجة ذي عاد !!

بالنسبة لسعر الكروزر المرتفع هذي ضريبة عدم وجود منافس قوي مثل الباترول الحالي

لأن الشيء الوحيد الي يمكن يخلي الشركة تغير السعر هو قلة المبيعات...

مادام فيه ناس تشري الموتر بالسعر الفلاني ليش تبغاه ينزل السعر؟

واخيرا مسألة ان الشعب السعودي يقاضي الشركة...

من متى الشعب السعودي قد قاضى شركة والا حتى بقالة؟

ما ابغى اتفرع أكثر من كذا ...

ونرحب بمزيد من النقاشات في ظل الاحترام المتبادل بين الأعضاء :xyxwave:

أبويوسف أعتقد ولا تدري خلني أطرح رأئيي الشخصي أحسن

( والله يستر .. :bigggrin: )

تويوتا خذ محركات غيرها الله يخلف

لا مواصفات أمان ولا سعر زين الناس

عشان تحصل جزء من مواصفات الأمان

أرخ الدراهم الله لايهينك .. توصل مواصيل الألماني من القهر.!

والحين يوم نزل الباترول الجديد وكسر عظام اللاند .. قالوا ما يسوى.!

فمن الآخر لو جودة ومواصفات سيارات تويوتا مثل الموجود لتغيرت وجهة النظر

أما يجيك إكسسوارات صينية حتى وصلت لأهم نقطة في السيارة (الجنوط)


هنا المصيبة والأكبر منها سكوت الشعب عنها لو إنها في سيارة ثانية

كان قاضوها وشبوا في ملتها .. :a1120(121):




من جدك أخوي.!!

فيه إختراع إسمه زر إغلاق الفتحة .. :bigggrin:

القراند شروكي أفشل سياره شفتها
لا سياره مثل الناس ، ولا وكيل مثل العالم
فااااااااااااشله مع احترامي لماليكها

[][1. القراند شيروكي مواده الداخلية رديئة ولا تقارن باللاند كروزر.هلا بالخل ,المشكلة انك تدخل عمرك بشئ ماتفهم فيه زي ماحصل مع تقييمك للدودج دورانجو وبالاخير انسحبت لضحالة معلوماتك عن هالنوع من السيارات.يالحبيب انا اتكلم عن جراند شروكي مو عن الفورتشنر (شكلك من الفورتشنر وجاي) ,محدثك اللي هو أنا يملك خامس جراند شروكي فكان معاي 97ثم 97ثم2002 ثم2004 ثم98 اللي حاليا معاي يعني انا عارف وش قاعد اتكلم عنه والا شكل منتجات نيسان الجديدة متمثلة بالباترول الجديد جعلت ملاك التايوتا يتخبطون.
2. القراند شيروكي صحيح أكثر ثباتاً في المنعطفات بسبب صغر حجمه مقارنة باللاند كروزر وتعليقه رياضي أكثر من تعليق اللاند كروزر، هذا الأخير تعليقه مصمم للمرونة القصوى في الظروف الوعرة. لذا ستجده يميل في اللفات أكثر من القراند شيروكي.(مرونة قصوى في سرعة الانقلاب) الله يستر عليك,الجراند شروكي وجميع سيارات jeep استحقت وبجدارة لقب( trail rated) ,رجاء ابحث وتعرف عن تريل رايتد
3. أكيد ما دام موديل قديم، المحرك عندك 5.9 لتر، أليس كذلك؟ تقارن مكينة 5.9 لتر بمكينة 4.7 لتر، من تتوقع فيه عزم أكبر؟ لكن مع ذلك الفرق مو كبير، ولو قارنت بالشيروكي الحالي أبو 4.7 لتر، نفس سعة مكينة اللاند، ستجد أن اللاند القديم يقوم عليه، كيف بالجديد.(ماعندك سالفة) المكينة 5.2 وبعدين انا اقارن سيارتين من نفس الفئة ومو شرط السيارات اللي بنفس الفئة تكون بنفس سعة المحرك ,اما بالنسبة للشيروكي ابو 4.7 لتر زي ماتفضلت فقوته الحصانية تصل ل 305 حصان وياليت تعطينا معلومات عن الاندكروزر ابو 4.7 لتر
4. القراند شيروكي معروف الهربدة وأن عمره ما يتعدى أربع إلى خمس سنين بعدها تبدأ فيه المشاكل إللي لا أول لها ولا آخر. أما اللاند عشرين سنة قدام ما عندك مشكلة. سيارتي الحالية موديلها 98 يعني عمرها 13 سنة وياليت تجي وتعاينها وتعرف وتفكنا من وكالة (يقولون).

إذا بتعيد اسطوانتك المشروخة ... بنعيد نفس الاجوبة عليها

:xyxwave:

ياليل

رجعنا على ياطير ياللي , تعبت وانا اهرج :wavey:

مثال على الاولويات اللي يبحث عنها شاري التويوتا

الاسم - جودة المواد الداخلية - الاعتمادية - خدمة مابعد البيع الممتازة

ويأتي بعدها الشخص اللي يحب تويوتا ويبي يشتريها...السيارة داخلة مزاجه

مفروض نقول له ياغبي لا تشتري تويوتا

ياغبي فيه احد يشتري تويوتا ؟ الشركة الاكثر مبيعا في العالم مايشتريها الا الاغبياء اصلا !

روح اقرأ سورة الكهف ابرك لك يارجال

يرحم امك اي اولويات ياشيخ اللي عندهم ذي ؟ غير نهب الدراهم على صيني :a1120(121):

90 الف كامري ومكيف فراره ولا طبلون النور للحين ماصار ليزر من اخضر لابيض واحمر

حتى ماتحس انك راكب موتر بـ 90 الف ! ولا هدد 160 الف ع ايش ؟

المشكله يقولون الفي اكس ار مدري الجي اكس ار احسن من الباترول الجديد :smilie20::smilie20:

160 الف اشري اطلق موتر وحتى يقول السلام عليكم عليه بالبر اللي يشرونه للبر

لاتقولي قنص ولا ماقنص اللي طالع يبي يقنص ومقصده القنص اي موتر يمشي بالبر ترا بس ناس الحمد لله والشكر ماودي اتكلم

وترى البديل موجود ومواصفات وسعر وافضل بكثير ( ولاتبي اقول عنهم مايفكرون ولا عندهم عقل )

بعذري والله .. ليش متمسكين مدري , حالهم حال النصر الحين تسانك تعرف الكوره ! :bigggrin:

ويعني السيارات الثانيه ماعندها الاولويات اللي بسيارات بتويوتا ؟ ها :rolleyes1:

طيب نبي نقول .. كامري وسوناتا :a1120(121):


وللعلم انا اتكلم واكثر كلامي وقصدي كله عن تمسك شعبنا بتويوتا وغصب الافضل ومعطينه اكبر من حقه

غيرهم مالي دخل فيهم , وغيرنا مير عندهم مواصفات احسن وسعر معقول مب صيني ! هيك تمام

يعني زي ماتقول احب الخير للناس ولا احب الفسق اللي ماله سنع .. اما الكفار بقريح

وخل الناس تستفيد مب الناس تستفيد منا وتلعب علينا والفايده لهم بالاخير وحنا ماحصلنا شي كآننا بهايم مع احترامي

وياليت فهمت المقصد من كلامي !!

ولاتدخل الجمس بالسالفه

لانه ماله دخل من الاساس , وحاليا افكر بالارمادا :wavey:

لاتحسب اني من النوع اللي يتعصب للشي بس الناس تحسب من كلامي متعصب

( دايم الحقيقه مره )

وترى طبعي صريح ! وع العموم جمعه مباركه ع الجميييع

سلام .

لايارجال عادي لامكدر خاطري ولايحزنون :ch19:
جمعه مباركه وحقك علينا ولاتزعل :xyxwave:

اجاوبك على ايش؟ انا ماني شايف شيء غلط في الموضوع

حتى جي ام شرت دايو وهولدن وحطت شعارها عليها ...

وين المشكلة ؟؟؟

الكامري يالحبيب تويوتا في الاصل وتباع تحت اسم دايهاتسو..

الحياة حلوة والامور ماشية مادري وش اللي مكدر خاطرك في الموضوع هذا !

والله عرفت ليش رديت كذا لانك متمسك وواثق كل الثقة بتويوتا(ماانيب قايل متعصب)
بس انت ماعرفت تجاوبني
ومثل مااستغلت تويوتا سمعتها وحطتها على سيارات مثل كامري نفس الشئ سوته جي ام مثلا
وترى مو بعيده بكره على ابوجميل ياخذ سيارات الدايهاتسو ويحط شعار تويوتا عليها ويغير اساميها ويدبل السعر ويضحك عليهم مثل ماضحط عليهم بجنط صنيني واكسسورات صيني وشعبنا مبسوط ويشتري وبالدرزن بعد والحياه حلوه والامور ماشيه ليش لأ

أخوي أي سيارة تحافظ عليها بتعيش معك، وإللي ينكر هذا الشيء كذاب.

لكن الفكرة في سيارة ما تحافظ عليها وتسيء إستخدامها وتلـ****(طاط)**** أبو جدفها ومع ذلك تعيش وتتحمل. هنا مربط الفرس.

أنا شخصياً أفضل ال

دبل اليدوي، لكن جميع الصناع بدؤوا يحولون على الكهربائي. إحتماليات خراب الدبل الكهربائي أكبر بلا شك.



أتفق معك في كل حرف.