تكفون..أبي أحد يشتغل بمرور جدة..الموضوع بسيط جداً

السلام عليكم ورحمة الله وبركاته..

قبل 3 أسابيع اشتريت سيارة من الخبر.. وبعد ما طلعتها رحت للمزاد واشتريت لوحة للسيارة..

المهم اكتشفت ان ملف السيارة اللي اشتريتها موجود بجدة.. ولازم (مرور الدمام) يطلب الملف من ( مرور جدة)..

قال لي العسكري بمرور الدمام ان الملف بياخذ اسبوعين الى ان يوصل من مرور جده..

بعد اسبوعين رحت راجعت مرور الدمام..وشيكت معاهم قالوا الملف بياخذ من شهرين الى 3 شهور.. :blue:

قلت لهم يا ناس اللوحة بتكون باسمي مدة شهر بس..وبعدها اذا ما ركبتها عالسيارة بينزلونها مره ثانيه بالمزاد.. وبتروح علي اللوحة..

قال لي العسكري بمرور الدمام ( لازم تكلم أحد في مرور جده وهو يحرك ملفك من هناك).. يعني اعطيه رقم الطلب حق الصادر والوارد عشان العسكري اللي بجده يطلع الملف بسرعه مع الدفعه اللي بتروح للدمام..

تكفون يا اخوان أبي فزعتكم ووقفتكم معاي.. أي شخص من مرور جدة ممكن انه يساعدني.. وربي ما راح أنساه وادعي له ولوالديه وذريته..واللي يبيه ابعطيه اياه..

وصدقوني مالقيت الا هالحل اني اكتب بالمنتدى..عل وعسى أحصل واحد يفزع لي..وفيكم الخير والبركه.. ورحم الله والديكم كلكم سواءا ساعدتوني والا ما قدرتوا تساعدوني..

في أمان الله وحفظه..