مطلوب مشورتكم في سمكرة سيارة مصدومة !!

نورت يا عسل :)

الحمد لله على سلامته

وانا من الشرقيه

مكه وجدة !!

هههههههه ياشيخ افلقني اذا عندهم شغل سمكرة صح
مجرب سمكرتهم من كم سنة وأيقنت ان مافيه غير الرياض والدمام فقط الى الأن شغل سمكره عندهم مجنون
الرياض فيه واجد لكن تغير الوقت وتغيرو السمكرية الي اعرفهم من اول وصار فيه سمكرية الله وكيلك ما تدخل عنده الا يقول لك مبلغ خيالي والسبب عدم معرفتهم بالسمكرة فيرفع السعر بحيث انك لو تلاحظ شغله ( زفت ) وتشتكية وتسوي معه مشاكل ويتحمل المسئولية يروح يشوف له سمكري مضبوط من الي يعرفهم ويعطيه نسبه من المربح يكمل الباقي وهذي حركات السواريه في الصناعية أكثر شي

في مكة تلطيش كأنه يدهن جدار بيت ويحط لك معجون يقول تبع الوكالة وهو شكله معجون ( جوتن ) تبع جدران البيون الي من برا

في جدة .. حدث ولا حرج سواريه ماسكينها ولبنانيين .. وتتكلم معهم يسوي نفسه وكيل جنرال ومتورز وبي ام ومرسيدس بينز .. ما يتكلم الا من طرف خشمه وسعره موب سعر سمكري .. الا كانك بتشتري قطعة ارض من عنده

في الرياض ارحم ولو ان ابو شكيم هنا اغلبهم ماسكين الورش ولا يفقهون في علم السمكرة شي الا ان شغلهم على الاقل افضفل ولو ماعجبك تطربقها على راسة ولا تطلع السيارة لين تاخذ حقك بالطيب او بالقوه وهو يخاف من شي اسمه بـ ( القوه ) فلذلك يشتغل صح علشان يريح مخه منك

زبدة الموضوع .. انا اعرف ورش بالرياض وأقرب شي وكالة سيوزوكي للي مايعرفها من قبل .. كانو في السابق يسوون عروض وقيمة رش السيارة 2000 ريال بس شغل وكالة .. بس الحين الظاهر عروضهم وقفوها من سنتين او 3 ما سمعت عنهم شي جديد هالسنه

الصناعية القديمة فيها كم ورشة لكن ودي بناس جربوهم

صناعية ام الحمام ,, ياساتر عليهم شغلهم ( كـــــــــان ) جنان وسعرهم اجن تخيل ترش صدامين ومرايتين جانبيه بـ 150 ريال وشغل شد بلد وفرن
الحين ما تنقص عن 400 ريال شفت الفرق
زادت اسعارهم دبل بالفوره

ولو فيه احد عنده خبره بصناعية ام الحمام اعتقد فيها خبرااااااااء لكن وين الاقيهم وسعهرم اكيد اكيد اقل اسعار السوق

ياليت الي يعرف بس او جرب او سمع عن ورشة معينه يدلني علهيا
هذا الي محتاجه فعلا

وشاكر لكم شباب تواجدكم وردودك ومشاركتكم معي وشد أزري :(
وخلكم على تواصل نبي نعرف افضل ورش

الظاهر تاليتها بخليكم تقطون معي ونفتح لنا مشروع ورشة سمكرة
:)

أخوي ما يحتاج ترسلها للرياض ولا شي

إذا تبغى الشغل الصح الصح .. روح لأي سمكري له سمعتة في جدة أو مكة .. وقول له أزيدك على شغل يدك مثلا ألف ريال أو ألفين بشرط أنة يرجع السيارة وكآلة

وهذا وجهي إذا قدرت تعرف أن السيارة مصدومة من قبل ولا لا

ليش اخو قلبي ؟؟

كل شي يتصلح ماعليك مافيه شي ما يضبط بأذن الله
يعني الباكستاني احسن مني يوم يشتري كامري 2009 بـ 15 الف ويصلحها بـ 10 الاف ويبيعها بـ 45 الف !!

هذي انفنتي قيمتها فيها ماعليك .. هي بس تضبط وربك يسهلها
لأني شفت بعد كم سيارة انفنتي وافلون مسمكرينها تقول جاية وكالة ما تشك فيها ابد
وراعيها المشكلة يوم فكر يصلحها لانه ما يقدر يشتري غيرها مع العلم انها مسيومه منه اليوم بـ 25 الف لكن يقول بحط فيها 15 الف اردها شبه وكالة على الاقل واستخدمها خمس سنين ماعنده مشكله يعني

المشكلة لما يبيعها ويشتري غيرها وهو ظروفه المادية حاليا مزفته .. لذلك ممكن يصلحها ويمشي حاله كم سنه لين ربك يفرجها

المهم عندي الحين وين الورشة الي عليها الكلام بالصناعية القديمة لأنه يبي يرسلها من مكة خلال هالاسبوع

تحياتي

تبي رايي لاتصلح لانك راح تدخل في دوامه

ياخوي انت راعي كوري وصفك مدري وشلون :smilie16:
الشطارة ماعليه مزبنها للورشة بس انت دلني على ورشة صاحية
هذا الي اقصده اخو قلبي

شف صورة المسيكينة :
.. اويلي .. قهر بصراحة عقب هاك النظافة والخققان غدت كنها شربة كوارع .. كلها بسبة راعي الباص الله لا يرده ولا يبي يسدد بعد







الظاهر الطقه وصلت المكينة !!

لكن ماعلينا المهم تتصلح