مهم لكل من يملك يوكن أو تاهو دبل

مخربها @user_24088 ..:: TAHOE//YUKON GRP. MEMBER ::.. · 21-04-2010

السلام عليكم ورحمة الله وبركاته

في البدايه
احب اقول ان اصحاب السيارات اكيد عارفين الكلام اللي أبي أقوله
ولكن الموضوع لما يقوم صاحب السياره يعطي سيارته أحد خصوصاً السواقين
أو انت لما تاخذ سيارة واحد من اخوياك ويكون فيها دبل

فيه نقطه مهمه جدا

من عيوب تصميم اليوكن والتاهو انهم حطوا فرار الدبل جمب فرار النور ومشابه له تماماً

فلما يجي يبي يشغل السياره يفر هالفرار يحسبه حق النور
وطبعاً النور يشتغل اوتوماتيك مع السلف فماراح يدقق في الموضوع ويحسب انه هو اللي شغله ويعشقه في الـD ويمشي وهو أصلا شابك الدبل

كثير من السيارات تأثرت من هالشي

اللي خلاني أتكلم عن هالموضوع
ان عندنا السواق عسى الله يحفظه ويخليه ذخر كان بيجيب العيد في موتر أبوي

كلمني يقول السياره ثقيله وانا ماجا على بالي موضوع الدبل لأن بالعاده اليوكن اللي مع السواق بدون دبل واول مره يسوق هاليوكن
المهم وقف السياره ويوم رحت اخذتها منه لقيت الحبيب شابك الدبل ويقول احسبه النور

طبعاً مو هو الغلطان
انا اللي غلطان المفترض أعلمه عن هالنقطه قبل اسلمه السياره لكن الحمد لله مرت سليمه

ولما قلت السالفه لواحد من الشباب قالي ان التاهو حق عمه في الوكاله مدري الدفرس او القير جاه بلا من هالموضوع
وواجد في الوكاله السيارات اللي انظرت من هالموضوع

عموما مثل ماقلت الموضوع مو للمالك لأن المالك أكيد عارف هالنقطه
بس لازم يبلغ الشخص اللي راح يعطيه موتره أو انت لما تاخذ موتر احد عشان ما تتوهق فيه او مع صاحب الموتر

واعذروني على الاسلوب لاني كتبت الموضوع على عجاااله

تحياتي

عبدالعزيزثابت @user_218214 · 18-07-2010

شكرا جزيلا على هذي المعلومه والله إني انتبهت بعد قراءة موضوعك
بارك الله فيك.

الديموقراط @user_140990 · 25-04-2010

ما تقصر يا الغالي على النصيحة

مخربها @user_24088 ..:: TAHOE//YUKON GRP. MEMBER ::.. صاحب الموضوع · 24-04-2010

T

TAHOE_LTZ

هذا اللي صار معي بالضبط مرتين . وكلها اول ماشريت السياره . المره الاولى يوم الوالد الله يطول بعمره واعمار والديكم على الطاعه كان بيجربه وجا يبي يشغل النور ولا اشتغل . قال ابوي وش بلا النور مايشتغل :bigggrin: وبعدين وش هالطقه اللي بالدفرنس كنها طقه دبل . انا قلت ايه يبو عبدالله عز الله اكلت مقلب بالموتر :bigggrin: يوم جيت بشوف وش وضعه والقاه حاط الدبل على الخفيف , بغيت انزله الله يحفظه واخليه يرجع لموتره قلت عز الله هذا اللي بيجيب العيد في موتري وانا توي ماتهنيت فيه :bigggrin:

والمره الثانيه نفس الشي مع واحد من اخوياي وسوا نفس الحركه بالضبط بس نبهته بعدها انه هذا زر الدبل مهوب النور .

لووووووووووووووول

الله يحفظكم لبعض

الحمد لله عدة على خير ... مشكووور على المرور ....

تحياتي

SIERRA_HD @user_143138 ..:: TAHOE//YUKON GRP. MEMBER ::.. + RiYaDh 4X4 GrOuP · 22-04-2010

هذا اللي صار معي بالضبط مرتين . وكلها اول ماشريت السياره . المره الاولى يوم الوالد الله يطول بعمره واعمار والديكم على الطاعه كان بيجربه وجا يبي يشغل النور ولا اشتغل . قال ابوي وش بلا النور مايشتغل :bigggrin: وبعدين وش هالطقه اللي بالدفرنس كنها طقه دبل . انا قلت ايه يبو عبدالله عز الله اكلت مقلب بالموتر :bigggrin: يوم جيت بشوف وش وضعه والقاه حاط الدبل على الخفيف , بغيت انزله الله يحفظه واخليه يرجع لموتره قلت عز الله هذا اللي بيجيب العيد في موتري وانا توي ماتهنيت فيه :bigggrin:

والمره الثانيه نفس الشي مع واحد من اخوياي وسوا نفس الحركه بالضبط بس نبهته بعدها انه هذا زر الدبل مهوب النور .

مخربها @user_24088 ..:: TAHOE//YUKON GRP. MEMBER ::.. صاحب الموضوع · 22-04-2010

الله يعافيك شباب

اخوي nems

حلووووه بس خوفك يجيك واحد اصابعه صغار وماينتبه انها تدخل بين الشبك <<< تعقيييد لووووول

اخوي ابو ديلا تنبيه مهم وقت الغسيل

تحياتي ياشباب

أبو دانه @user_193365 ..:: TAHOE//YUKON GRP. MEMBER ::.. · 21-04-2010

أبو ديالا
والله يا أنت رايق نزع ولا وضع غطاء وليش أن شاء الله //
:bigggrin:
ماراح يجيه شي واذا ركب أحد سيارتك بلغه لكن بالفعل
أنا طحت بالمشكلة هذي !!
مره كنت مرسل أخوي يجيب السيارة وهو شغل الدبل
يحسبه النور وجاء ويقول لي في الطريق ترا السيارة تقيلة وخصوصا ً
في اللفات ولما وصلني وكان جاي من مسافة بعيدة
لقيته شابك الدبل الثقيل .
[ الله ستر وبعدها كنت خايف على الدبل لكن شيكت عليه وجربته وطلع تمام ]

فـهـد1 @user_217778 · 21-04-2010

n

nems

الله يعطيك العافية ومشكور على النصيحة وحرصك على ملاك السيارة

معي تاهو وكل ما اسوق السيارة لازم اشوف الدبل ما يكون شغال ,,

بس لقيت لك حل مايخرش المويه على قولتهم شوف الصورة واحكم ..

فصل شبك المنيوم مثل اللي في مكيفات المساجد :a120(30):

حبيت امزح معاك لا للزعل .. :emot38:

حلوووووووووووووووووهـ هههههههههههههههههههههههههههههههههههههههههههه

وشكرآ لك ياصاحب الموضوع على التنبيه ,,

أبو ديـــــالا @user_149616 · 21-04-2010

صادق أخي الكريم , هذا من أكبر العيوب باليوكن والتاهو , وأنا سبق وأن عانيت من هالأمر بنفسي كيف الناس اللي أعطيهم سيارتي .

وبالفعل الحين أي واحد يبغى ياخذ سيارتي أحفظه كلمة الدبل زي إسمه عشان ما يغلط ويشغله .

حتى إني أقول لهم لا تقرب هالأزره , لأن النور بيشتغل وقت الحاجه .

كما عندي ملاحظة إضافية وهو إنك تنتبه له بعد تغسيل السيارة .
لأني أول ما شريتها جاء الهندي وغسل سيارتي ومع التمسيح الداخلي فر الدبل ولا إنتبهت له على طول بس الحمد لله إنه ما إشتغل مع إن الفرار على الدبل الخفيف بس ما إشتغل لأن السيارة وقت تغيير وضعية الدبل كانت طافيه .

المهم مسكته وقلت له لا عاد تقرب هالجهه ترى قيمة الخراب 30 ألف . الرجال بعدها بلع العافيه ولا عاد صار يقرب جهة الدبل .

فكرت أول ما أشتري السيارة بعدد من الحلول ومنها نزع الفرار من مكانه أو وضع عليه غطاء , بس الحين تعودت عليه وتناسيت هالمشكلة .

$$ أبو يحيى $$ @user_50764 · 21-04-2010

جزاك الله خير ع التنبيه ..

nems @user_158808 · 21-04-2010

الله يعطيك العافية ومشكور على النصيحة وحرصك على ملاك السيارة

معي تاهو وكل ما اسوق السيارة لازم اشوف الدبل ما يكون شغال ,,

بس لقيت لك حل مايخرش المويه على قولتهم شوف الصورة واحكم ..

فصل شبك المنيوم مثل اللي في مكيفات المساجد :a120(30):

حبيت امزح معاك لا للزعل .. :emot38:

الحـــــر @user_29569 · 21-04-2010

معلومه رائعه

وتنبية مهم

الله يجزاك خير على هالتنبيه

كويس الي لحقتوا على السيارة قبل لايجيب العيد سواقكم المبجل

تحياتي لك