من أبوظبي إلى الرياض بخزان واحد من الوقود نيسان باترول الجديد

التأكيد يا مشرفنا العزيز إنه المدى اللي يوصل له تانكي السيارة مهم جداً للطلعات الطويلة وكذلك السفريات الطويلة ( إسأل مجرب كان معي ماركيز بالسفريات كل 300 كلم أوقف عشان أعبي :mad1:) .

بس بالتأكيد الطلعات الكبيره لابد من وجود عزبة كاملة بما فيها ( برميل بنزين ) وأنتم أدرى مني بهذه الأمور .

صحيح ياعزيزي البنزين رخيص عندنا في السعودية لكن باقي الدول:c0038:

في الامارات مثلاً سعر اللتر البنزين يوصل الي 1.8 ريال يعني الفل بحوالي 250 ريال
في البحرين حوالي 90 هلله يعني الفل 120 ريال

ثانياً بارك الله فيك صرفية البنزين القليلة مفيده للكشتات والمقناص والرحلات البرية الطويله اليس كذلك

ماشاء الله تبارك الرحمن...

با وزير ولحن الشاعر
نشكركم على النقل المزدوج للموضوع

سؤال/ كم لتر اخذ خزان الوقود عند تعبأته بشكل كامل في ابو ظبي ؟

تحياتي

بصراحة يعتبر انجاز خرافي :xyxthumbs:

لكن اتمنى اعرف كم السرعة الحقيقية اللي يمشون عليها
لان كثير من السيارات ممكن توصل لنفس الحدود على سرعات لا تتجاوز 120

الله يفتح عليك يا ابو ديالا وينور دربك

ماشاء الله تبارك الله

يعنى تعبية كل شهر على الراتب:bigggrin::bigggrin::bigggrin: يسلمواااااااااا

لازلت احتري ع‘ـبود .

نيسان باترول الجديدة

بكل جدارة تستحق كل ريال يدفع فيها :xyxthumbs:

شف يا عزيزي أنا من ناحيتي أفضل الباترول على اللاند , وأصلاً ما فيه مجال للمقارنه .

وأنا من الناس اللي معجبني الباترول الجديد ( خصوصاً أبو 400 حصان )

بس أنا اللي قاهرني هالإنجاز اللي هم حاطينه , يا يجيبون العلم كله وإلا بلاش منه .

أنا أتوقع أي سياره بتمشي فيها على سرعه 80 إلى 120 بتوديك لمسافات خرافيه , فما بالك بتانكي الباترول اللي حسب ما سمعت يشيل 140 لتر ( يعتبر تانكيين )

أتمنى وجهة نظري وصلت بالشكل الصحيح.

وش تحتري ؟؟ نزل الصورة و خلنا نشوف :wink:

بالنسبة للسرعة اللي كانوا يمشون بها هي 100 كم / ساعة

وليش تكون كذا على قولتك؟ عندك التقديرات الرسمية لصرف السيارات في الولايات المتحده على سيارة هي نفسها الباترول بس انها افخم شوي وهي QX56 الجديدة نفس المحرك ونفس القير ونفس القوة ونفس الشاصي وتقريباً كل شي نفس الشي إلا اختلافات بسيطه في الشكل

التقديرات تشير الى انها افضل من اللاندكروزر وافضل من الإل اكس570

انا بعطيك قائمة بسيارات من احجام مختلفه وليس على سبيل الحصر نشوف الباترول يصرف افضل منها:

الاودي Q7 بنوعيه السته سلندر والثمانيه
الـ X6 الثمانيه
الاسكاليد
الدورانغو
الشيروكي الثمانيه
الاكسبيديشن
الدينالي
الرنج روفر بكل انواعه
النافيقيتور
الاكيورا ZDX ست اسطوانات
البورش كايين يصرف السته مثل الباترول والثمانيه اعلى من الباترول

هذي تقييمات للسياره على سرعة محدده للجميع وفي ضروف محدده للجميع ومعتمده من الحكومة الامريكية

مربط الفرس في هذا الموضوع ((((( كم السرعة اللي كانوا يمشون فيها )))))

الباترول على عيني وراسي لكن أنا ماني مغفل .

أنا زميلي طلع تاهو وأثناء فترة التمرين ماشي عليه 700 كلم والبنزين حول الربع مع العلم إن سعة التانكي بالتاهو 100 لتر فقط .

فالفيصل بهذا الموضوع كم السرعة اللي كانوا يمشون فيها ؟؟.

أما يحطون الإنجاز هذا بدون توضيح السرعة فأعتبره إستهزأ بعقولنا .

(خاطرة)
ما أدري ليش الناس مهتمه كثير بصرفية السيارات والحمد لله البنزين رخيص عندنا .
الأوربيوون هم اللي ممكن يهتمون بصرفية البنزين لأنه سعره 10 أضعافنا .

وإلا وصل بنا الأمر نقلد الأوربيين بكل شي ؟؟؟؟؟

بالنظر الى تقييم موحد رسمي يتبع للحكومة الامريكيه وهي تقديرات EPA ويطبق على كافة السيارات مالباعة في امريكا وبناء على النظر الى طراز QX56 وهو نسخة فاخرة من الباترول وبنفس المحرك والقوة فأنه يستطيع تسسير الـ QX56 (الباترول) 14 ميل لكل غالون في المدينه و20 ميل لكل غالون على الخط

وبحسب درجة صرف محرك اللاندكروزر سعة 4.7 لتر المتوفر في امريكا على طراز هايلاندر (اخف من اللاند ومافي لاند سته في امريكا) فحسب التقييم الرسمي EPA يمشيك 14 ميل لكل غالون في المدينه و18 ميل لكل غالون على الخط

رغم ان سعة محرك اللاندكروزر 4.7 لتر والقوة 280 حصان فإنه يصرف اكثر من نيسان باترول ذي محرك 5.6 لتر وقوة 400 حصان!!!

وحتى اللكزس LX570 يمشيك 12 ميل لكل غالون في المدينه و18 ميل لكل غالون على الخط السريع

نجي لشي اهم وهو ان الباترول يصرف على الخط بالضبط مثل صرف اللاند السته سلندر 4.0 لتر وكذلك مثل الاف جي كروزر!!! الباترول الجديد والاف جي واللاند السته سلندر ثلاثتهم يمشونك 20 ميل لكل غالون على الخط

نيسان يوجد لديها محركين حديثان جداً ذو ثمان اسطوانات الان هما 5.0 لتر مع VVEL ويولد 390 حصان وموجود على طراز الـ FX50 وهذا المحرك الجديد الموجود على الـ QX56 وعلى الباترول وعلى الـ M56 ويستخدم ايضاً نظام VVEL ومعاها نظام DIG ...المدهش في الامر ان المحرك 5.6 لتر الجديد على الباترول والـ QX56 الجديد يصرف مثل محرك 5.0 لتر الموجود على الـ FX50 الذي لم يمضي عليه كثير من الوقت .. او بالاصح الباترول والكيو اكس الجديدين يصرفون مثل الـ FX50 رغم فرق الحجم والوزن للسيارتين ورغم فرق حجم المحرك بين 5.0 لتر و 5.6 لتر وفرق القوة!!

هاته :smilie16:

لازم نقولك .

طبيعي وشئ متوقع من اول الارمادا بتعبة واحده من الرياض الى مكة يوصلك
هو نفس المحرك
واتوقع نفس المسافه الى ابو ظبي من الرياض فطبيعي
وبصراحه محرك اقتصادي بمعنى الكلمة
ماهو مثل بعض السيارات مايمديك توصل الى عفيف الا وهو يشم ال 100 ريال الي في جيبك كانه يقول لازم تصرفها *




* السيارة المقصوده محبوبه لدى البعض في المنتدي ومن احد احرف اسمها حرف ال"ز":bigggrin:

شي حلو من الباترول الجديد

أتوقع أستفاد من التقنيات الألمانية و الإمريكية

ومع الأوفر درايف وسرعة 90 كلم/س

أكيد بيحقق إنجاز تهانيي يا نيسان

بس تصميمه روعة

طيب سؤال ؟

كم سعة خزان الباترول الجديد ؟
كم يمشون ؟
حالة الرياح ذاك اليوم ؟
كلها هذي اشياء لازم نعرفها علشان نحكم

بأي مكان شايفهم الله يسلمك
على سرعة 50 يستهلك أكثر لإنه بيجلس يومين يمشي