مساعدة بخصوص دبل سيارات الدفع الرباعي

[Abu Ghada]

أولاً السلام عليكم ورحمة الله وبركاتة ،،،

أنا حبيت أستفسر عن وقت تشغيل الدبل في السيارة بحيث أنا واحد ماني راعي بر واجد وأنا ناوي بعد كم شهر لا رجعت للرياض إنشاء الله من خارج المملكة أشتري تاهو LTZ أو LT طبعا بدبل وجديد من الوكالة أو المعارض ولأني متعود على سيارات السيدان ماتعودت على سيارات الدفع الرباعي وبهذا الحجم وأستخدامي راح يكون داخل الرياض ووقت السفر كخط والبر مو ذاك الزود لاكن بشتريه دبل لحد يقول لي نصيحتي لاتأخذ دبل الدبل مهم لأن ربعي راعين بر وأنا اطلع معهم أحياناً بسياراتهم يوم كان معي سيارة سيدان لاكن تعرف الظروف يمكن يوم أطلع لهم يوم بالتنهاة ولا بالنفوذ أو بالحفر أو أطلع يوم بالأهل للبر في الشتاء سؤالي واللي هو شاغل بالي أفرض أني ماطلعت بر لمدة سنة هل بيجيم علي الدبل ولالا وكم مره المفروض بالسنة أشغل الدبل على الخفيف والثقيل في السنة. لأن سمعت أنه اذا ماشغلت الدبل يجيم.

أسف على الإطالة أخوكم أبو غادة

[(غير مسجل)]

ما ادري بصراحة عن هالموضوع


بس بأمكانك تشغل الدبل بين مدة و مدة ومو شرط تكون في البر

[أبوهذال]

صحيح

الدبل لازم يشغل كل فترة تقدر تقول كل شهر مثلا
و تشيك على زيت الدبل كل سنة تقريبا

طبعا هذا الافضل و الاسلم

و مبروك مقدما

[Abu Ghada]

الله يعطيك العافية أخوي (غير مسجل) على هالمعلومة بخصوص تشغيل الدبل مو شرط تكون بالبر.
وأشكر أيضاً أخوي أبو هذال على المعلومة أنه الدبل لازم يشغل كل فترة تقدر تقول كل شهر مثلا و تشيك على زيت الدبل كل سنة تقريبا طبعا هذا الافضل و الاسلم

الله يعطيكم العافيه على ردودكم لأنه من جد كثير يجهل الشيء هذا بخصوص وقت تشغيل الدبل اذا مادخل الواحد بسيارته بر.

[عــبــود-E55]

لاااااااااااااا يابعد قلبي انتبه ,,

لاتشغل الدبل وخصوصاً الثقيل الا في البر حسب ماقريت بالكاتالوج ويقول برضه انه قد يتعرض الدبل لتلفيات اذا مشيت عليه بسرعه عالية و محدد السرعة القصوى للدبل الثقيل على مااظن ماتتعدى 80 كلم ,




تحياتي ,,.

[Abu Ghada]

جزاك الله خير أخوي عبودي E55 وبيض الله وجهك.

[عــبــود-E55]

ماسوينا شئ ,,

وحاضرين للطيبين ,.