السلام عليكم ورحمة الله وبركاته
كيف حالكم يا جماعة الخير، أنا عندي برادو 2004 وما شاء الله تبارك الله من خمس سنوات ما اشتكى من شيء إلا في الحاجات الطارئة المهم البارح غيرت صحن الكلتش مرتين المرة الأولى يعني تغيير منطقي لانه استهلك والدليل على ذلك انبعاث الرائحة وهذا أمر طبيعي مع تغيير الدسك والفحمات البارح وهذا الأمر الأغرب إني غيرت الكلتش ( يوجد فيه كسر ) وغيرت معاه الدسك لأني شكلي انغشيت فيه بمعنى إن الباكستاني اللي غير القطعة كان هو السبب بدلها بقطعة ولا أبغى أسيء الظن .
والسبب اللي كان عندي إنه فيه مشكلة في الدبل مصلب والدبل أصبح على الإن والسيارة توقفت عن الحركة وعندي النور حق الدبل ما يشتغل يمكن النور حق الدبل خربان عالجت الأمر وركبت صحن الكلتش مع الدسك الجديد لان الفحمات كويسة كلفتني 580 من عند النهدي وشغل يده بالواسطة عن طريق باكستاني أعرفه من 350 إلى 250 ريال يمكن حقه .
والحمد لله تعشق والسيارة والدبل تمام فاصله الآن المشكلة اللي أبغى الحل وثقتي - بعد الله - فيكم
هو إني إذا بأكسر الطارة ( يعني بلف للأخير عشان أرجع ) أو ألف لفة شوية قوية أسمع زي التفحيط في الكفر أحس إن السيارة تبي توقف يعني كأني ضغطت فرامل أو سحبت بريك وإذا رجّعت الطارة إلى وضعها الطبيعي يصبح الأمر طبيعي طبعاً قبلها تأكدت إن الدبل مفصول سألت الميكانيكي اليوم يقول الأقمشة عندك منتهية طيب كيف منهية والفرامل ممتازة تصدر صوت خفيف وما تحن يعني ما عندي أي مشكلة في الفرامل . طبعاً ما قد غيرت الأقمشة بالمرة . أرجو أن تفيدوني والله يرعاكم .
