صفعة اليمة في وجه تيوتا و هوندا !!!! تحدي اليم من فورد

يقول المثل ( ما اخس من قديد الا عسفان ) ..
الشركات وأنتم تتضاربون من احسن ومن أقوى ؟ وفي النهاية النتيجة تجي على رآس المستهلك المسكين الي مالقى من يوقف معه .. لا وزارة تجارة ولا حماية مستهلك والوكالات طايرين في العجة (تويوتا وهوندا ونيسان ومازدا) محسبين سياراتهم مرسيدس أو بي إم أو أودي .. رافعين اسعارهم مدري على ايش .. سيارات ورق كرتون مقوى وربي لو تصقع أي سيارة فيهم بيدك أو تشوتها كورة أن تنعفط .. ( لــنــآ اللـــــه) .

بوقت الأزمة الأقتصادية التي عصفت بالأقتصاد الأمريكي ( الفورد ) لم تتضرر وكانت ارباحاها
خيالية ولم تحتاج الى مساعدة الحكومة الأمريكية

وتريد حاليا بعصر تطور الفورد الملحوظ جدا بسياراتها الجديدة تلاقي مصير (( جي ام ))

اقول ياخوي شكلك معصب ولا في احلامك يصير هل شيء لين انتشار (( فورد )) في امريكا
ومبيعاتها الخيالية هنا تغني عن (( كلامك ))

ههههههههههه
من جدهم هذولا
الفورد عاد

ما بقى إلا الفورد
شركة مجموع ما استدعته يساوي 16 مليون سيارة لنفس السبب

فورد استدعت 4.5 مليون سيارة دفعة واحدة
لكن التركيز الإعلامي على تويوتا انقذها من الحرج

الظاهر فورد ناوية انها تلاقي نفس مصير جي ام الأسود

قالتها وهي صادقة

انا ماادري ليش اذا الواحد ذكر فورد على طول قال كراون فكتوريا........
الفورد عنده فوكس وفيوجن وايدج وتورس واكسبلور واكسبدشن وووو طبعا غير الفكتوريا الي هي اسوء سيارة في فورد من وجهت نظري بس على كذا من افضل السيارات عمليه....
التويوتا والهوندا الجودة في سياراتها لا يستهان فيها بس في شي اسمه قرار الشراء من ناحيت السعر + الجوده + قطع الغيار + الصيانه + الوكيل وهذا اهم شي ....
قطع الغيار تفوق واضح للتويوتا لكن السعر مرتفع والجوده قلت شوي عن اول والوكيل 8 من 10 .
الهوندا جوده عاليه لكن السعر وقطع الغيار اسعارها عاليه والوكيل انا ماجربته بس اعطيه 5 من 10
الفورد جوده وسعر وقطع غيار مناسبه ممتازة نسبيا والوكيل من تجربه 9 من 10

ولك الحكم في قرار الشراء...........................

الفورد لو بها خير غير شكل الفيكتوريا إللي طالع مع خشومنا ملينا من شكلة وبعدين

تتحدى علي أيش على الحرارة و لا التحكم بالقيادة ولا الرساوة ولاالأشكال ماعليش لا

أحد يزعل رأيي الشخصي باعبر عنه ولكن باعطيك مقارنة فورد فيكتوريا و جيب ربع

موديلات 2003 الربع ينكرف دبل الفورد مع العلم الفورد يجيه حقه ولكن الفورد تم

توضيبه مرتين قال أيش قال فورد تتحدى التويوتا صحيح التويوتا بالسنوات

الأخيرةجودتها تغيرت للأسوء ولكن مازالت بقوتها و الأكثر من هذا جاي يتحدى هوندا

يكفي ان الأكورد الأكثر مبيعآ في امريكا عام 2008 وين راح الفورد وفي كلمة شائعة

بين الناس إنتبه تشتري أمريكي جديد لا يقربك ... ليش لأنه مايسوى وسعره يطيح على

كثر إنتشاره وبالنهاية أذكر بأن الاختلاف بالرأي لا يفسد للود قضية و إركب إللي تبي

فلوسك وانت حر تشتري إللي تشتري وعن نفس ولله الحمد لا يمكن احط ريال بسيارة

أمريكية

امش في اي شارع


راح تلقى 3 الى 5 سيارات فورد ع الأقل

والناس ما شرتها من فراغ

سعه / راحه / رحابه / قطع غيار رخيصه / صيانه سهله حتى لو تبي عند الحلاق يصلحها للك

للأمام يا فورد

الصراحه انا عندي هوندا ولا انكر جودة الهوندا صح جوده بس الفور غير الصراخه رهيب وقطع غياره رخيص

انا عندي هوندا وحالياً فورد

تعليق " افضل من تويوتا ممكن لكن افضل من هوندا ما اعتقد "

فورد تطورت تطور ملحوظ وبدأت بالتنافس مع الشركات اليابانيه ولاعزاء لي جي ام

هوندا وتويوتا درس للعالم من ناحيه الجوده ومثال يحتذا به

يعطيك العافيه

هي بصرحة إهانة

لاكن شركة فورد زينة والله

اسمح لي ولكن وش الناري بسعر الالتيما؟؟؟
السياره يبدا سعرها من حول 70 ألف مع مواصفات اعلى من سعرها
صحيح لو قلت الهوندا انا وياك

لا صفعه اليمه ولا تحدي كل المساله تقرير وقامت فورد بوضعه على موقعها يعني فورد ما جابت شي من عندها هي استعارت عنوان التقرير من المجله

ما قالو هذا الكلام من فراااااااغ

ههههههههههه

والله قويــه بحق تيوتا وهونداااا

لكل مجتهد نصيب !!!

من يذكر الفورد قبل موديلات 95؟؟؟

وشف وضع الفورد حالياً انا اقول داخل السعوديه , ابدعو في بعض السيارات

اللي منها الفكتوريا خلفية الكابرس موديلات الثمانين وصارت الفكتوريا

اسطوريه ابدعو في الاكسبلور بعد مشاكل دامت من التسعينات الى مطلع الالفين

والحين مافيه انسان جرب هالموتر ويشكك في اعتماديته والسعر المنطقي له

مو معنى هذا انها نجحت في كل في سياراتها في بعض السيارات من اتناج فورد

وتعبر عبئ ثقيل عليها لصناعتهافي اوروبا ولاجواء اوروربا مثل المنديو والفوكس بل لتصديرها للخليج.

والدور قريب من صانع ااخر .

تقبل مروري وبمان الكريم

اخوي الحارثي

انا قلت شفت ماسقت هذا اول شي

ولاتقارن الفكتوريا والماركيز والتاون كار

بسيارات فورد الحالية ابد مافي علاقة

ولاتزعل بقول العيوب

اول شي الماركيز مافية رساوة وعدوة المطبات والحفر

واللي موسوس والله لو معة هايلكس 82 بيداوم في الورش مافي شك

طنش وامش

بس فيها اشياء استهلاكية ماتهملها

واسعارها رخيصة

ولاتحسب اني من النوع المتعصب واللي بيثر مشاكل

حديد الله يكفينا شره

حرب ساخن بين الشركات